လံာ်စီၤယိၤဘး 12:10 - Sgaw Karen Common Bible

¹⁰ အအံၤမ့ၢ်ကစၢ်ယွၤလၢအနဲၣ်လိအတၢ်ဘၣ်တ့သ့ၣ်တဖၣ် အတၢ်အိၣ်မူန့ၣ်လီၤ. ပှၤကိးဂၤဒဲးအတၢ်အိၣ်မူအံၤအိၣ်ဝဲ ဒၣ်လၢအစိအကမီၤအပူၤန့ၣ်လီၤ.

လံာ်စီၤယိၤဘး 12:10 Iomraidhean Croise

လံာ်တၢ်ကဲထီၣ်အခီၣ်ထံး 2:7

ဒီးယွၤ, ကစၢ်ယွၤဟံးန့ၢ်ဟီၣ်ခိၣ်ကပံာ်တနီၤဒီး တ့လီၤပာ်လီၤပှၤကညီ လၢဟီၣ်ခိၣ်ကပံာ်အံၤန့ၣ်လီၤ. အဝဲအူသဖှိနုာ်တၢ်မူအသါဆူအနါဒ့တဖၣ်အပူၤဒီးပှၤကညီစးထီၣ်အိၣ်မူဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 6:17

ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.

လံာ်စီၤယိၤဘး 27:3

ဖဲယသးသမူအိၣ်ဒံးလၢယပူၤဒီးကစၢ်ယွၤဒုးသါထီၣ်သါလီၤ ယၤအဖၢမုၢ်န့ၣ်,

လံာ်စီၤယိၤဘး 27:8

ပှၤလၢအတယူးတယီၣ်ဘၣ်ယွၤတဖၣ်န့ၣ်တုၤအဆၢကတီၢ်ဘၣ် ဝဲလၢကစၢ်ယွၤကဟံးထီၣ်ကွံာ်အသးသမူဒီးအတၢ်မုၢ်လၢ်မ့ၢ်မနုၤ တမံၤလဲၣ်.

လံာ်စီၤယိၤဘး 33:4

ကစၢ်ယွၤအသးတ့လီၤယၤဒီးသ့တၢ်လၢာ်အတၢ်သါဟ့ၣ် ယၤတၢ်မူလီၤ.

စံးထီၣ်ပတြၢၤ 104:29

ဖဲနပာ်တဒၢနမဲာ်န့ၣ်ဒီးအဝဲသ့ၣ်အသူၣ်ပျံၤသးဖုးဝဲ, ဒီးဖဲနထုးကွံာ်အတၢ်သါန့ၣ်ဒီးအဝဲသ့ၣ်သံဝဲ ဒီးက့ၤဝဲဆူဟီၣ်ခိၣ်အကမူၣ်လီၤ.

စံးထီၣ်ပတြၢၤ 104:30

ဘၣ်ဆၣ်ဖဲနဟ့ၣ်လီၤအီၤတၢ်သါန့ၣ်ဒီး အဝဲသ့ၣ်ဘၣ်တၢ်တ့အီၤ, ဒီးနဟ့ၣ်က့ၤတၢ်မူအသီလၢဟီၣ်ခိၣ်လီၤ.

လံာ်ပှၤစံၣ်တဲၤတဲလီၤတၢ် 9:1

ဘၣ်ဃးတၢ်ဂ့ၢ်ခဲလၢာ်အံၤယဆိကမိၣ်တၢ်ဒိၣ်ဒိၣ်ယိာ်ယိာ်, ယံာ်ယံာ်ထၢထၢဒီးထံၣ်လၢကစၢ်ယွၤပၢၤပှၤကူၣ်တၢ်သ့ဒီးပှၤတီ ပှၤလိၤအတၢ်မၤတဖၣ်, တုၤဒၣ်လဲာ်လၢအဝဲသ့ၣ်အတၢ်အဲၣ်တၢ်ကွံဒီးအတၢ်သူၣ်ဟ့သးဟ့ အဂ့ၢ်န့ၣ်လီၤ. တၢ်အိၣ်ပာ်လီၤဆိအသးလၢအမဲာ်ညါမ့ၢ်မနုၤလဲၣ်န့ၣ်, ပှၤတသ့ၣ်ညါနီတဂၤဘၣ်.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်တၢ်ဂံၢ် 16:22

ဘၣ်ဆၣ်ဒီးစီၤမိၤၡ့ဒီးစီၤအၤဟရိၣ်တီၤလီၤအိၣ်ဒီးအမဲာ်သၣ် ဆူဟီၣ်ခိၣ်လိၤဒီးစံး, “အိ, ကစၢ်ယွၤဧၢ, နမ့ၢ်သးသမူခဲလၢာ်အဂံၢ်ခီၣ်ထံးလီၤ. ဖဲပှၤတဂၤမၤတၢ်ဒဲးဘးန့ၣ်မ့ၢ်နသးဒိၣ်ထီၣ်ကမျၢၢ်ဒီဒူၣ်ဒီထၢဧါ.”

လံာ်ယိၤဟၣ် 3:6

ပှၤကညီတဂၤအိၣ်ဖျဲၣ်ထီၣ်ဝဲနီၢ်ခိနီၢ်ခီလၢမိၢ်ပၢ်လၢအအိၣ် ဒီးသွံၣ်ထံဖံးညၣ်လီၤ. ဘၣ်ဆၣ်ဒီး, အဝဲအိၣ်ဖျဲၣ်ထီၣ်လၢသူၣ် လၢသး, လၢယွၤအသးန့ၣ်လီၤ.

မၤတၢ် 17:25

ဒ်န့ၣ်အသိးအဝဲတလိၣ်ဘၣ်တၢ်လၢပှၤကညီဟ့ၣ်ဝဲသ့ခီဖျိ အဖံးမၤတၢ်လၢအဝဲအဂီၢ်နီတမံၤန့ၣ်ဘၣ်. အဂ့ၢ်ဒ်အံၤ, အဝဲအနီၢ်ကစၢ်ဒၣ်ဝဲမ့ၢ်ပှၤလၢအဟ့ၣ်ပှၤကိးဂၤဒဲးလၢတၢ်မူ ဒီးတၢ်သါဒီးတၢ်အဂုၤအဂၤခဲလၢာ်န့ၣ်လီၤ.

မၤတၢ် 17:28

ဒ်ပှၤတဂၤစံးတ့ၢ်ဝဲအသိး, ‘လၢအဝဲဒၣ်အပူၤပမူ, ပဟူးပဂဲၤ, ဒီးပမ့ၢ်တၢ်လီၤ.’ ဒ်သုပှၤကွဲးထါတနီၤစံးတ့ၢ်ဝဲအသိး, ‘ပဝဲစ့ၢ်ကီးပမ့ၢ်အဝဲဒၣ်အဖိတဖၣ်လီၤ.’