လံာ်စီၤယိၤဘး 11:8 - Sgaw Karen Common Bible

⁸ တၢ်သ့ၣ်တဖၣ်န့ၣ် ထီန့ၢ်ဒံးမူခိၣ်အလီၢ်တဖၣ်လီၤ. နမၤမနုၤကသ့န့ၣ်လဲၣ် တၢ်သ့ၣ်တဖၣ်န့ၣ် ယိာ်န့ၢ်ဒံး ပျုၤပူၤအတၢ်ယိာ်တဖၣ်လီၤ. နသ့ၣ်ညါမနုၤကသ့လဲၣ်. နကသ့ၣ်ညါနဲဒ်လဲၣ်.

လံာ်စီၤယိၤဘး 11:8 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:18

ဘၣ်ဆၣ်ဒီး, အိကစၢ်ယွၤဧၢ, နအိၣ်နဆိးလၢဟီၣ်ခိၣ်ချၢလၢပှၤပိာ် ခွါတဖၣ်ဒီးပှၤပိာ်မုၣ်တဖၣ်အကျါ, ဘၣ်ကသ့နီၢ်နီၢ်ဧါ. ကယဲၢ်မူခိၣ်အလီၢ်ခဲလၢာ်ဒၣ်လဲာ်န့ၣ်, တလဲၢ်ဝဲတုၤကလၢဝဲလၢနကအိၣ်ကဆိးအဂီၢ်န့ၣ်ဘၣ်. လၢတၢ်န့ၣ်အဃိ, ယွၤအတၢ်လုၢ်ဟံၣ်လၢယသူၣ်ထီၣ်တ့ၢ်အီၤအံၤ, လဲၢ်ဝဲလၢလၢလီၣ်လီၣ်ကသ့ဒ်လဲၣ်.

လံာ်စီၤယိၤဘး 11:9

အတၢ်ထိၣ်န့ၣ်ထီန့ၢ်ဒံးဟီၣ်ခိၣ်ဒီးလဲၢ်န့ၢ်ဒံးပီၣ်လဲၣ်တက့ၢ် န့ၣ်လီၤ.

လံာ်စီၤယိၤဘး 22:12

ကစၢ်ယွၤအိၣ်ဝဲလၢမူခိၣ်တၢ်ထီၣ်ထီ, ဒီးကွၢ်ဆၣ်ဧိၤဖီဧိၤ တဖၣ်ဖဲအအိၣ်ထီၣ်ထီမးအခါဒၣ်လဲာ်တမ့ၢ်ဘၣ်ဧါ.

လံာ်စီၤယိၤဘး 26:6

တၢ်သံအကီၢ်အိၣ်အိးထီၣ်အသးလၢကစၢ်ယွၤအမဲာ်ညါဒီး တၢ်လၢကမၤဘၢအီၤလၢယွၤအမဲာ်ညါတအိၣ်နီတမံၤဘၣ်.

လံာ်စီၤယိၤဘး 35:5

ကွၢ်ထီၣ်ဆူမူခိၣ်တက့ၢ်. ကွၢ်တၢ်အၢၣ်တဖၣ်လၢအိၣ်ထီၣ် ထီလၢနဖီခိၣ်န့ၣ်တက့ၢ်.

လံာ်စီၤယိၤဘး 37:23

ကစၢ်ယွၤအစိအကမီၤန့ၣ်ဒိၣ်ဝဲတုၤဒၣ်လဲာ်ပဟဲဘူးဒီးအီၤ တန့ၢ်ဘၣ်. အဝဲတီဝဲလိၤဝဲဒီးစံၣ်ညီၣ်တၢ်တီလၢအတၢ်ဘၣ် ထွဲဒီးပှၤကညီန့ၣ်လီၤ.

လံာ်စီၤယိၤဘး 38:17

တၢ်သံအတြဲၤတဖၣ်ဘၣ်တၢ်လီၣ်ဖျါထီၣ်အီၤလၢနၤမ့ တမ့ၢ်နထံၣ်ဘၣ်တ့ၢ်တၢ်ခံးယိာ်အတြဲၤတဖၣ်စ့ၢ်ကီးဧါ.

လံာ်စီၤယိၤဘး 7:9

ဒ်တၢ်အၢၣ်လၢအဒံကွံာ်ဒီးဟါမၢ်ကွံာ်အသိးန့ၣ်, ပှၤတဂၤသံဝဲဒီးတဟဲက့ၤကဒါက့ၤနီတစုလၢၤဘၣ်.

စံးထီၣ်ပတြၢၤ 103:11

အဂ့ၢ်ဒ်အံၤ, ဒ်မူခိၣ်ကစီၤထီၣ်ဝဲလၢ ဟီၣ်ခိၣ်အဖီခိၣ်အသိးန့ၣ် အတၢ်အဲၣ်ဂၢၢ်ကျၢၤဒိၣ်ဝဲအါဝဲလၢ ပှၤလၢအပျံၤအီၤအဂီၢ်ဒ်န့ၣ်အသိးလီၤ.

စံးထီၣ်ပတြၢၤ 148:13

မ်အဝဲသ့ၣ်ခဲလၢာ်စံးထီၣ်ပတြၢၤယွၤအမံၤတက့ၢ်. အဂ့ၢ်ဒ်အံၤ, အဝဲအမံၤဒိၣ်န့ၢ်ဒံးကယဲၢ်မံၤအဂၤခဲလၢာ်န့ၣ်လီၤ. အလၤကပီၤအိၣ်ထီၣ်ထီဝဲလၢ ဟီၣ်ခိၣ်ဒီးမူခိၣ်အဖီခိၣ်န့ၣ်လီၤ.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

လံာ်ယၡါယၤ 55:9

အဂ့ၢ်ဒ်အံၤ, ဒ်မူခိၣ်မူကပိာ်လိၤထီန့ၢ်ဟီၣ်ခိၣ်အသိး, ယကျဲဒီးယတၢ်ဆိကမိၣ်တဖၣ်ထီန့ၢ်သုကျဲဒီး သုတၢ်ဆိကမိၣ်တဖၣ်စၢၢ်တလၢၢ်လီၤ.

လံာ်ဧၤမိၣ် 9:2

အဝဲသ့ၣ်မ့ၢ်ခူၣ်လီၤဝဲအကျဲဆူပှၤသံအကီၢ်ပူၤဒၣ်လဲာ်ယကဖီၣ် န့ၢ်အီၤလီၤ. အဝဲသ့ၣ်မ့ၢ်ထီၣ်ဆူမူခိၣ်ဒၣ်လဲာ်ယကထုးလီၤအီၤလီၤ.