လံာ်စီၤယိၤဘး 11:16 - Sgaw Karen Common Bible

¹⁶ အန့ၣ်ဒီးနကသးပ့ၤနီၣ်နတၢ်ကိၢ်တၢ်ဂီၤခဲလၢာ်, ဒီးနတသ့ၣ်နီၣ်က့ၤလၢၤဘၣ်အီၤဒ်ထံလၢအယွၤလီၤကွံာ် အသိးန့ၣ်လီၤ.

လံာ်စီၤယိၤဘး 11:16 Iomraidhean Croise

လံာ်တၢ်ကဲထီၣ်အခီၣ်ထံး 41:51

စီၤယိၤသးစံးဝဲ, “ကစၢ်ယွၤဒုးသးပ့ၤနီၣ်ကွံာ်ယၤယတၢ်နး တၢ်ဖှီၣ်ခဲလၢာ်ဒီးကယဲၢ်ယပၢ်အဟံၣ်ဖိဃီဖိခဲလၢာ်လံ.” လၢတၢ်န့ၣ်အဃိအဝဲယုၢ်န့ၢ်အဖိခွါဝဲၢ်ကိအမံၤလၢစီၤမနၤၡ့ၤ လီၤ.

လံာ်တၢ်ကဲထီၣ်အခီၣ်ထံး 9:11

ယမၤယတၢ်အၢၣ်လီၤအီလီၤဒီးသုလၢတၢ်ကတိၤဒ်အံၤလီၤ. ယအၢၣ်လီၤသုလၢကယဲၢ်တၢ်အမူအသါခဲလၢာ်တဘၣ်တၢ်မၤ ဟးဂီၤကွံာ်အီၤလၢထံလုၣ်ဘၢတၢ်လၢၤဘၣ်. ထံလုၣ်ဘၢတၢ်တမၤဟးဂီၤကဒီးဟီၣ်ခိၣ်နီတစုလၢၤဘၣ်.

လံာ်စီၤယိၤဘး 22:11

တၢ်ခဲလၢာ်ခံးလီၤကွံာ်ဝဲတုၤနထံၣ်တၢ်တသ့လၢၤဘၣ်ဒီး ထံလုၣ်ဘၢကွံာ်နၤလီၤ.

လံာ်စီၤယိၤဘး 6:15

မ့မ့ၢ်သုဝဲ, ယတံၤသကိးသ့ၣ်ဧၢ, သုလီယၤလီၤဂာ်ဒ်ထံကျိဖိ တဖၣ်လၢအလီၤသံးကွံာ်ဝဲဖဲတၢ်တဟဲစူၤဘၣ်အကတီၢ်န့ၣ်လီၤ.

တၢ်ကတိၤဒိ. 31:7

ပျဲအဝဲသ့ၣ်အီဒၣ်ဝဲဒီးသးပ့ၤနီၣ်ကွံာ်အတၢ်ဖှီၣ်တၢ်ယာ်ဒီး အတၢ်သူၣ်တမုာ်သးတမုာ်န့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 5:20

မ့ၢ်လၢယွၤပျဲအီၤလၢကသူၣ်ဖှံသးညီအဃိ, တၢ်အိၣ်မူဖုၣ်သနာ်က့အဝဲတကိၢ်တဂီၤဝဲကဲၣ်ဆိးလၢၤဘၣ်န့ၣ်လီၤ.

လံာ်ယၡါယၤ 54:4

ပျံၤတၢ်တဂ့ၤ. နတဘၣ်တၢ်မၤမဲာ်ဆှးကဒီးနၤလၢၤဘၣ်. နလၤကပီၤတဘၣ်တၢ်မၤဆံးလီၤစှၤလီၤအီၤလၢၤဘၣ်. နတၢ်သးတတီဒ်မါသးစၢ်တဂၤအသိး ဒီးနတၢ်အိၣ်သယုၢ်သညိဒ်မုၣ်က မဲတဂၤအသိးန့ၣ်နကသးပ့ၤနီၣ်ကွံာ်အီၤလီၤ.

လံာ်ယၡါယၤ 54:9

“လၢစီၤနိအၤအစိၤအဆၢကတီၢ်န့ၣ်, ယအၢၣ်လီၤတ့ၢ်လၢယတဒုးလုၣ်ဘၢဟီၣ်ခိၣ်လၢထံနီတဘျီလၢၤဘၣ်. ခဲအံၤယအၢၣ်လီၤလၢယတသူၣ်ဒိၣ်သးဖျိး ကဒီးသုလၢၤဘၣ်. ယတသိၣ်ဃီၣ်သုမ့ၢ်ဂ့ၤ, စံၣ်ညီၣ်သုမ့ၢ်ဂ့ၤလၢၤဘၣ်.

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်ယိၤဟၣ် 16:21

ဖဲပိာ်မုၣ်တဂၤကဆံးစၢ်အဖိန့ၣ်, အဝဲသူၣ်အုးသးအုးဝဲမ့ၢ်လၢ အနၣ်ရံၣ်လၢကဘၣ်တူၢ်တၢ်ဆူးတၢ်ဆါတုၤဃီၤဝဲလံအဃိ လီၤ. ဘၣ်ဆၣ်ဒီးတုၤဖိသၣ်အိၣ်ဖျဲၣ်ထီၣ်ဝဲဒီး, အဝဲသးပ့ၤနီၣ်ကွံာ်အတၢ်ဆူးတၢ်ဆါခဲလၢာ်မ့ၢ်လၢအဝဲသးခုဝဲလၢ ဖိသၣ်တဂၤအိၣ်ဖျဲၣ်ထီၣ်လံဝဲလၢဟီၣ်ခိၣ်ချၢအံၤအဃိန့ၣ်လီၤ.