လံာ်စီၤယိၤဘး 11:12 - Sgaw Karen Common Bible

¹² ပှၤလၢအမ့ၢ်တၢ်ကလီကလီတဖၣ်ကအိၣ်ထီၣ်ဒီးတၢ်ကူၣ်ဘၣ် ကူၣ်သ့ဖဲကသ့ၣ်ယီၤမံၤအိၣ်ဖျဲၣ်ထီၣ်ကသ့ၣ်ယီၤဒၢန့ၣ်လီၤ.

လံာ်စီၤယိၤဘး 11:12 Iomraidhean Croise

လံာ်စီၤယိၤဘး 15:14

ပှၤကညီတဂၤဂၤကဆှီဝဲနီၢ်နီၢ်ဘၣ်ကသ့ဧါ. ပှၤတဂၤဂၤတီဝဲ လိၤဝဲလၢကစၢ်ယွၤဘၣ်ကသ့ဧါ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

လံာ်စီၤယိၤဘး 6:5

ကသ့ၣ်ယီၤမံၤသူၣ်မံသးမံဖဲအအီၣ်ဘၣ်နီၣ်ဧိၤမံၤဧိၤဒီးဂီၤ ဖံးအိၣ်ဘှီၣ်ဖဲအအီၣ်နီၣ်ဃ့န့ၣ်လီၤ.

စံးထီၣ်ပတြၢၤ 144:4

အဝဲလီၤဂာ်ဒ်တၢ်သါတဘီအသိး ဒီးအမုၢ်နံၤတဖၣ်မၤအသးဒ်တၢ်အကဒုလၢ အလဲၤပူၤကွံာ်အသိးန့ၣ်လီၤ.

စံးထီၣ်ပတြၢၤ 39:11

နသိၣ်ဃီၣ်ပှၤကညီအတၢ်ဒဲးဘးတဖၣ်လၢ နတၢ်သိၣ်က့ၤသီက့ၤ ဒီးတၢ်လၢအဝဲသ့ၣ်အဲၣ်ဝဲတဖၣ်န့ၣ်, နမၤဟးဂီၤကွံာ်ဒ် တၢ်အဃၢ်မၤဟးဂီၤတၢ်အသိးန့ၣ်လီၤ. ပှၤကိးဂၤဒဲးအတၢ်အိၣ်မူန့ၣ်, မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 39:5

ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

စံးထီၣ်ပတြၢၤ 73:22

ယမ့ၢ်ပှၤလၢအသးတပှဲၤဒီး တၢ်သ့ၣ်ညါနၢ်ပၢၢ်တအိၣ်, ယလီၤဂာ်ဒီးဆၣ်ဖိကီၢ်ဖိလၢနမဲာ်ညါလီၤ.

စံးထီၣ်ပတြၢၤ 92:6

ပှၤလၢအတၢ်သ့ၣ်ညါတအိၣ်, သ့ၣ်ညါတၢ်အံၤတသ့ဘၣ်. ဒီးပှၤဟးဂီၤဖိ, နၢ်ပၢၢ်တၢ်အံၤတသ့ဘၣ်.

လံာ်ပှၤစံၣ်တဲၤတဲလီၤတၢ် 1:2

တၢ်အဘျုးတအိၣ်ဘၣ်. အဘျုးတအိၣ်ဘၣ်, ပှၤဆိကမိၣ်တၢ်အဒိၣ်အယိာ်တဂၤစံးဝဲဒၣ်လီၤ. တၢ်အိၣ်မူအံၤအဘျုးတအိၣ်ဘၣ်. တၢ်ခဲလၢာ်န့ၣ်အဘျုး တအိၣ်ဘၣ်.

လံာ်ပှၤစံၣ်တဲၤတဲလီၤတၢ် 11:10

ပျဲတၢ်တမံၤဂ့ၤတမံၤဂ့ၤမၤကိၢ်မၤဂီၤဒီးမၤဆူးမၤဆါနၤတဂ့ၤ. တမ့ၢ်လၢနကအိၣ်သးစၢ်ဘၣ်ယံာ်ယံာ်ဘၣ်.

လံာ်ပှၤစံၣ်တဲၤတဲလီၤတၢ် 3:18

ယသ့ၣ်ညါလီၤတံၢ်လၢကစၢ်ယွၤမၤကွၢ်ပှၤဒ်သိးကဒုးနဲၣ်ပှၤလၢ ပတဂ့ၤန့ၢ်ဆၣ်ဖိကီၢ်ဖိတဖၣ်ဘၣ်န့ၣ်လီၤ.

လံာ်ယံးရမံယၤ 2:24

ဃ့ၢ်သဖှိနုာ်ဆူမဲးမုၢ်ခိၣ်အပူၤန့ၣ်လီၤ. ဖဲအဝဲအိၣ်လၢတၢ်သးကတၢ အပူၤန့ၣ်, မတၤပၢၤအီၤကသ့တဂၤလဲၣ်. ကီၤလၤအူးဖါလၢ အသးလီအီၤတဒုဒုန့ၣ်ကိၢ်တၢ်ဂီၤတၢ်အလီၢ်တအိၣ်ဘၣ်. တၢ်မၤ န့ၢ်အီၤသ့ထီဘိဖဲဆၣ်ဖိကီၢ်ဖိလူၤလိာ်သးအဆၢကတီၢ်န့ၣ်လီၤ.

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

ယၤကိာ် 2:20

ပှၤဟးဂီၤဖိဧၢ, မ့ၢ်နသးအိၣ်လၢတၢ်ကဒုးနဲၣ်နၤတၢ်စူၢ်တၢ်နာ်လၢအတအိၣ် ဒီးတၢ်မၤန့ၣ်မ့ၢ်တၢ်လၢအတဂိာ်တသီၣ်ဘၣ်န့ၣ်ဧါ.