လံာ်စီၤယိၤဘး 10:7 - Sgaw Karen Common Bible

⁷ နသ့ၣ်ညါလၢယတမ့ၢ်ဘၣ်ပှၤအိၣ်ဒီးတၢ်ကမၣ်ဒီးပှၤမၤပူၤဖျဲး ယၤလၢနစုပူၤသ့တအိၣ်နီတဂၤဘၣ်.

လံာ်စီၤယိၤဘး 10:7 Iomraidhean Croise

လံာ်စီၤယိၤဘး 10:15

ယမ့မ့ၢ်ပှၤလၢအတၢ်ကမၣ်အိၣ်ဒီးယဘၣ်အဖှီၣ်လီၤ. ယတၢ်ကမၣ်မ့ၢ်တအိၣ်ဒၣ်လဲာ်, ယမိာ်ထီၣ်ယခိၣ်တသ့ဘၣ်. အဂ့ၢ်ဒ်အံၤယပှဲၤဒီးတၢ်မဲာ်ဆှးဒီးယဘၣ်တၢ်လုၣ်ဘၢယၤလၢ ယတၢ်နးတၢ်ဖှီၣ်လီၤ.

လံာ်စီၤယိၤဘး 11:4

နစံးနဲလၢတၢ်လၢနစံးကတိၤအီၤန့ၣ်မ့ၢ်တၢ်မ့ၢ်တၢ်တီ, ဒီးနစံးလၢနစီနဲဆှံနဲလၢကစၢ်ယွၤအမဲာ်ညါန့ၣ်လီၤ.

လံာ်စီၤယိၤဘး 13:18

ယအိၣ်ကတဲာ်ကတီၤယသးလၢယကပာ်ဖျါထီၣ်ယတၢ်ဂ့ၢ် တၢ်ကျိၤန့ၣ်လီၤ. အဂ့ၢ်ဒ်အံၤယသ့ၣ်ညါလၢယအိၣ်လၢ တၢ်အဘၣ်တခီန့ၣ်လီၤ.

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

လံာ်စီၤယိၤဘး 23:11

ယခီၣ်ဟံးဃးအခီၣ်လီၢ်တဖၣ်, ယပိာ်အကျဲဒီးယတဟးဖး ဒီးအကျဲန့ၣ်ဘၣ်.

လံာ်စီၤယိၤဘး 27:22

ဖဲအဝဲသ့ၣ်ဂုၢ်ကျဲးစၢးသပှၢ်ပှၢ်လၢကပူၤဖျဲးအဂီၢ်န့ၣ်ကလံၤ ကလီၤဘၣ်အဝဲသ့ၣ်တအိၣ်ဒီးတၢ်သးကညီၤဘၣ်န့ၣ်လီၤ.

လံာ်စီၤယိၤဘး 31:14

ယမ့ၢ်တမၤဒ်န့ၣ်ဘၣ်ဒီး ယကွၢ်ဆၢၣ်မဲာ်ကစၢ်ယွၤ ကသ့ဒ်လဲၣ်. ဖဲကစၢ်ယွၤဟဲလၢ ကစံၣ်ညီၣ်ယၤအဂီၢ်ဒီး, ယစံးတၢ်မနုၤကသ့လဲၣ်.

လံာ်စီၤယိၤဘး 31:35

ပှၤတအိၣ်နီတဂၤလၢကဒိကနၣ်ယတၢ်ကတိၤဘၣ်ဧါ. ယဆိၣ်လီၤယသးလၢတၢ်လၢယစံးယဲကိးဘီဒဲးန့ၣ်မ့ၢ်အမ့ၢ် အတီလီၤ. မ်သ့တၢ်လၢာ်ကစၢ်ယွၤစံးဆၢယၤန့ၣ်တက့ၢ်. ယဒုၣ်ယဒါတဖၣ်မ့ၢ်ဟဲစိာ်အတၢ်ကွဲးထီဒါယၤဒ်သိးယကထံၣ် ဘၣ်အီၤဒီး,

လံာ်စီၤယိၤဘး 31:6

မ်ကစၢ်ယွၤစီၤယၤလၢစီၤပီၢ်တီအပူၤတက့ၢ်. ဒီးအဝဲကထံၣ်န့ၢ် လၢယမ့ၢ်ပှၤအလၢအပှဲၤတဂၤဒ်လဲၣ်န့ၣ်လီၤ.

လံာ်စီၤယိၤဘး 32:1

မ့ၢ်လၢစီၤယိၤဘးဆိကမိၣ်ဝဲလၢအတီဝဲလိၤဝဲလၢအမဲာ်ညါ ဒၣ်ဝဲဒ်အံၤသတးဒီး, ပှၤသၢဂၤန့ၣ်ဆိကတီၢ်အတၢ်ကျဲးစၢးကတိၤဆၢ စီၤယိၤဘးန့ၣ်လီၤ.

လံာ်စီၤယိၤဘး 33:9

ယကဆှီယဲ, ယတၢ်ကမၣ်တအိၣ်ဘၣ်. ယစီယဲဒီးတၢ်ဒဲးဘး တအိၣ်လၢယပူၤန့ၣ်ဘၣ်.

လံာ်စီၤယိၤဘး 40:8

နကမၤကဒံကဒါယတၢ်စံၣ်ညီၣ်ဧါ. နကပာ်တၢ်ကမၣ်လၢယ လိၤဒီးပာ်တီပာ်လိၤနသးဧါ.

လံာ်စီၤယိၤဘး 42:7

တုၤယွၤကတိၤတၢ်ဒီးစီၤယိၤဘးဝံၤဒီး, စံးဘၣ်ပှၤတ့ၤမၣ်ဖိ စီၤအလံဖးစး, ယသးထီၣ်နၤဒီးနတံၤသကိးခံဂၤန့ၣ်လီၤ. အဂ့ၢ်ဒ်အံၤ, နတစံးကတိၤတၢ်လၢယဂ့ၢ်ယကျိၤလၢအတီအလိၤ ဒ်ယခ့ယပှၤစီၤယိၤဘးစံးတ့ၢ်အသိးန့ၣ်လီၤ.

လံာ်စီၤယိၤဘး 9:12

အဝဲဟံးထီၣ်ကွံာ်တၢ်လၢအသးလီဝဲဒီးပှၤတြီအီၤတသ့ နီတဂၤဘၣ်န့ၣ်လီၤ. ပှၤသံကွၢ်အီၤလၢ, “နမၤတၢ်မနုၤလဲၣ်” န့ၣ်တဘူၣ်နီတဂၤဘၣ်န့ၣ်လီၤ.

လံာ်စီၤယိၤဘး 9:21

ယတၢ်ကမၣ်မ့ၢ်တအိၣ် ဒၣ်လဲာ်န့ၣ်, ယတကိၢ်တၢ်လၢ ယဂီၢ်ဒၣ်ယဲဘၣ်. ယသးဘၣ်အၢလီၤက့ၤယတၢ်အိၣ်မူဒၣ်ယဲလီၤ.

လံာ်စီၤယိၤဘး 9:22

လၢတၢ်န့ၣ်အဃိ, ယစံးလၢမ့ၢ်ဒၣ်တၢ်ဒ်သိးသိးခဲလၢာ်လီၤ. အဝဲမၤဟးဂီၤကွံာ်ပှၤလၢ တၢ်ပာ်တၢ်ကမၣ်အလီၢ်တအိၣ်ဒီး ပှၤတတီတလိၤန့ၣ်လီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

စံးထီၣ်ပတြၢၤ 7:3

ယွၤယကစၢ်ယွၤဧၢ, ယမ့ၢ်မၤတ့ၢ်တၢ်အံၤ, တၢ်တတီတလိၤမ့ၢ်အိၣ်လၢယစုပူၤ,

လံာ်ယၡါယၤ 43:13

ယမ့ၢ်ကစၢ်ယွၤဒီးကမ့ၢ်ယဲထီဘိလီၤ. ပှၤဃ့ၢ်ပူၤဖျဲးလၢယစိကမီၤအဖီလာ်တသ့နီတဂၤဘၣ်. တၢ်လၢယမၤအီၤန့ၣ်ပှၤလဲလိာ်ကွံာ်အီၤ, တသ့နီတဂၤဘၣ်.”

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ဟိၤၡ့ 2:10

ယကဘ့ၣ်ကွံာ်အကူအသိးဒီးဒုးအိၣ်ဘ့ၣ်ဆ့အီၤလၢ ပှၤလၢအအဲၣ်ဝဲသ့ၣ်တဖၣ်အမဲာ်ညါဒီးပှၤမၤထူၣ်ဖျဲးအီၤလၢယ စိကမီၤပူၤကသ့တအိၣ်ဘၣ်နီတဂၤဘၣ်.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

၁ သ့းစၤလနံ 2:10

သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

လံာ်စီၤယိၤၡူ 22:22

တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. ပမၤတၢ်အံၤလၢမနုၤအဃိလဲၣ်န့ၣ်အဝဲဒၣ်သ့ၣ်ညါ ဝဲဒီးပသးအိၣ်လၢသုကသ့ၣ်ညါစ့ၢ်ကီးလီၤ. ပမ့ၢ်ပူထီၣ်တၢ်ဒီးပမ့ၢ်တပာ်ပတၢ် နာ်လၢယွၤဘၣ်ဒီး, တဘၣ်ပျဲပအိၣ်မူယံာ်ထီၣ်လၢၤတဂ့ၤ.