လံာ်စီၤယိၤဘး 10:6 - Sgaw Karen Common Bible

⁶ လၢနကဘၣ်ဃုထံၣ်ယတၢ်ကမၣ်တဖၣ်ဒီး ဃုကွၢ်လီၤတံၢ်ယတၢ်ဒဲးဘးတဖၣ်န့ၣ်ဧါ.

လံာ်စီၤယိၤဘး 10:6 Iomraidhean Croise

လံာ်စီၤယိၤဘး 13:23

ယတၢ်ဒဲးဘးတဖၣ်န့ၣ်မ့ၢ်မနုၤလဲၣ်. ယမၤကမၣ်တ့ၢ်တၢ်မနုၤ တဖၣ်လဲၣ်. တၢ်ပာ်ဒ့ၣ်ပာ်ကမၣ်ယၤလၢ ယလုၢ်သ့ၣ်ခါပတာ် တၢ်သိၣ်တၢ်သီမနုၤတဖၣ်န့ၣ်လဲၣ်.

လံာ်စီၤယိၤဘး 14:16

တုၤနုၤတစုနကခိးကွၢ်လၢ်ယခီၣ်ခါလၢယကါအီၤကိးခါဒဲး ဘၣ်ဆၣ်ဒီးနတကွၢ်ဟုၣ်ကွၢ်စုးလၢၤယတၢ်ဒဲးဘးတဖၣ်ဘၣ်.

လံာ်စီၤယိၤဘး 21:4

ယဲဒၣ်အံၤယဂ့ၢ်လိာ်ဘှီလိာ်ဒီးပှၤကညီစ့ၢ်ကီးဧါ. ယအိၣ်ဒီးတၢ်အဂ့ၢ်အခၢးလၢ အဂ့ၤလၢ ယသု တသးစူၤတဂ့ၤလီၤ.

လံာ်စီၤယိၤဘး 33:13

နကဒူးကဒ့ၣ်လၢကစၢ်ယွၤအလိၤဒီးစံးလၢအတစံးဆၢဘၣ် ပှၤကညီအတၢ်ကတိၤနီတဘျီဘၣ်န့ၣ်, မ့ၢ်အဘၣ်မနုၤလဲၣ်.

လံာ်စီၤယိၤဘး 7:20

ပှၤကွၢ်ထွဲပှၤကညီတဖၣ်တဂၤဧၢ, မ့ၢ်ယမၤဆါတ့ၢ်နၤလၢ ယတၢ်ဒဲးဘးအဃိဧါ. ဘၣ်မနုၤလၢနပာ်ယၤလၢနခးတၢ် အပနီၣ်န့ၣ်လဲၣ်. မ့ၢ်ယကဲထီၣ်တၢ်ဝံဃၢလၢနဂီၢ်ဖးဒိၣ်ဧါ.

စံးထီၣ်ပတြၢၤ 10:15

မၤကၢ်ပှၤတတီတလိၤဒီးပှၤမၤတၢ်အၢဖိတဖၣ်အစု, စံၣ်ညီၣ်အဝဲသ့ၣ်လၢ တၢ်ကမၣ်လၢ မၤတ့ၢ်ဝဲအဃိ, တုၤလၢအတမၤလၢၤဝဲနီတစုတက့ၢ်.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်စဖါနယၤ 1:12

အကတီၢ်ဖဲန့ၣ်ယကစိာ်မ့ၣ်အူဒၢတဖျၢၣ်ဒီးကဃုတၢ်လၢဝ့ၢ် ယရူၤၡလ့ၣ်အပူၤလီၤ. ယကစံၣ်ညီၣ်ပှၤလၢအသးမံလီၤဒၣ်အသးဒီးနာ်န့ၢ်လီၤအသးလၢ အစံးလီၤအသးလၢ ‘တၢ်အဂ့ၤမ့ၢ်ဂ့ၤ, တၢ်အအၢမ့ၢ်ဂ့ၤယွၤတမၤဘၣ်ပှၤဘၣ်’ သ့ၣ်တဖၣ်န့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

လံာ်သိၣ်လီၤသီလီၤတၢ် 4:29

ဖဲန့ၣ်သုကဃုယွၤ, သုကစၢ်ယွၤ, ဒီးသုမ့ၢ်ဃုအီၤလၢသုသးဒီဖျၢၣ်န့ၣ်သုကထံၣ်န့ၢ်အီၤလီၤ.