လံာ်စီၤယိၤဘး 10:14 - Sgaw Karen Common Bible

¹⁴ နကွၢ်ဟုၣ်ကွၢ်စုးယၤလၢ မ့ၢ်ယကမၤတၢ်ဒဲးဘးတၢ်ဧါ, ဒ်သိးနဂ့ၢ်လိာ်လၢနပျၢ် ယတၢ်ဒဲးဘးကသ့န့ၣ်လီၤ.

လံာ်စီၤယိၤဘး 10:14 Iomraidhean Croise

လံာ်စီၤယိၤဘး 14:16

တုၤနုၤတစုနကခိးကွၢ်လၢ်ယခီၣ်ခါလၢယကါအီၤကိးခါဒဲး ဘၣ်ဆၣ်ဒီးနတကွၢ်ဟုၣ်ကွၢ်စုးလၢၤယတၢ်ဒဲးဘးတဖၣ်ဘၣ်.

လံာ်စီၤယိၤဘး 33:9

ယကဆှီယဲ, ယတၢ်ကမၣ်တအိၣ်ဘၣ်. ယစီယဲဒီးတၢ်ဒဲးဘး တအိၣ်လၢယပူၤန့ၣ်ဘၣ်.

လံာ်စီၤယိၤဘး 34:22

တၢ်ခံးဒီးတၢ်ခံးယိာ်လၢတၢ်ပာ်ခူသူၣ်ပှၤတၢ်ဒဲးဘးဖိ ကသ့ဝဲအလီၢ်န့ၣ်တအိၣ်ဘၣ်လၢကစၢ်ယွၤအမဲာ်ညါဘၣ်.

လံာ်စီၤယိၤဘး 7:20

ပှၤကွၢ်ထွဲပှၤကညီတဖၣ်တဂၤဧၢ, မ့ၢ်ယမၤဆါတ့ၢ်နၤလၢ ယတၢ်ဒဲးဘးအဃိဧါ. ဘၣ်မနုၤလၢနပာ်ယၤလၢနခးတၢ် အပနီၣ်န့ၣ်လဲၣ်. မ့ၢ်ယကဲထီၣ်တၢ်ဝံဃၢလၢနဂီၢ်ဖးဒိၣ်ဧါ.

လံာ်စီၤယိၤဘး 7:21

နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.

လံာ်စီၤယိၤဘး 9:28

ယပျံၤဒံးဒၣ်ယတၢ်နးတၢ်ဖှီၣ်တဖၣ်, မ့ၢ်လၢယသ့ၣ်ညါ လၢနတပျၢ်ယတၢ်ကမၣ်ဒံးဘၣ်အဃိန့ၣ်လီၤ.

စံးထီၣ်ပတြၢၤ 130:3

ယွၤဧၢ, နမ့ၢ်ကွဲးနီၣ်ပတၢ်ဒဲးဘးတဖၣ်ဒီး မ့ၢ်မတၤပူၤဖျဲးလၢ တၢ်စံၣ်ညီၣ်ကသ့တဂၤလဲၣ်.

စံးထီၣ်ပတြၢၤ 139:1

ယွၤဧၢ, နဃုကွၢ်ထံယၤဒီးနသ့ၣ်ညါယၤလီၤ.

စံးထီၣ်ပတြၢၤ 90:8

နပာ်လီၤပတၢ်ဒဲးဘးတဖၣ်လၢနမဲာ်ညါ, ပတၢ်ဒဲးဘးခူသူၣ်တဖၣ်လၢတၢ်လီၢ်ဖဲ နထံၣ်သ့ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 34:7

ယဟံးဃာ်ယတၢ်အၢၣ်လီၤအီလီၤလၢပှၤအစိၤအကထိတဖၣ်အဂီၢ်, ဒီးပျၢ်တၢ်အၢတၢ်သီဒီးတၢ်ဒဲးဘး, ဘၣ်ဆၣ်ဒီး, ယတလီၤတူာ်လီၤကာ်ဘၣ်လၢယကစံၣ်ညီၣ်ဖိ တဖၣ်ဒီးလံၤတဖၣ်တုၤလၢသၢစိၤတစိၤဒီးလွံၢ်စိၤတစိၤလၢအဝဲသ့ၣ်အမိၢ်အပၢ်တဖၣ် အတၢ်ဒဲးဘးအဃိန့ၣ်ဘၣ်.”

လံာ်ယံးရမံယၤ 16:17

ယထံၣ်တၢ်ခဲလၢာ်လၢအဝဲသ့ၣ်မၤဝဲလီၤ. တၢ်တအိၣ်သဒၢလၢယမဲာ်ညါနီတမံၤဘၣ်. အဝဲသ့ၣ်အတၢ်ဒဲးဘးတဖၣ်အိၣ်သဒၢ လၢယမဲာ်အတၢ်ထံၣ်တန့ၢ်ဘၣ်.

လံာ်တၢ်ဂံၢ် 14:18

‘ယၤ, ယွၤအံၤသးဒိၣ်ထီၣ်ကီ, ဒီးယဒုးနဲၣ်တၢ်အဲၣ်တၢ်ကွံ အဒိၣ်အမုၢ်ဒီးတၢ်သူၣ်တီသးလိၤဒီးပျၢ်တၢ်ဒဲးဘးဒီးတၢ်ပူ ထီၣ်န့ၣ်လီၤ. အန့ၣ်ဒၣ်လဲာ်, ယတလီၤတူာ်လီၤကာ်ဘၣ်ဒ်သိးယကစံၣ်ညီၣ်ဖိတဖၣ်ဒီး လံၤတဖၣ်တုၤပှၤသၢစိၤတစိၤဒီးလွံၢ်စိၤတစိၤလၢအမိၢ်အပၢ် တဖၣ်အတၢ်ဒဲးဘးတဖၣ်အဃိန့ၣ်ဘၣ်.