လံာ်စီၤယိၤဘး 1:9 - Sgaw Karen Common Bible

⁹ ဒီးမုၣ်ကီၤလံၢ်စံးဆၢယွၤဒီးစံး, “တၢ်ဘၣ်ဘျုးဘၣ်ဖှိၣ် အလီၢ်မ့ၢ်တအိၣ်ဘၣ်ဒီးစီၤယိၤဘးကဘူၣ်ထီၣ်ဘါထီၣ်ယွၤစ့ၢ်ကီး ဧါ.”

လံာ်စီၤယိၤဘး 1:9 Iomraidhean Croise

လံာ်စီၤယိၤဘး 1:10

နကဟုဘံၣ်ကယာ်ဘၢအီၤ, အပှၤဟံၣ်ဖိဃီဖိဒီးတၢ်လၢအအိၣ် ဒီးအီၤခဲလၢာ်ထီဘိန့ၣ်လီၤ. နဆိၣ်ဂ့ၤတၢ်လၢအမၤဝဲခဲလၢာ် ဒီးနဟ့ၣ်တ့ၢ်လံအီၤဂီၤဖံးလၢလၢပှဲၤပှဲၤတုၤအကမၤပှဲၤထံကီၢ် ဒီဘ့ၣ်န့ၣ်လီၤ.

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

လံာ်စီၤယိၤဘး 2:10

မ့မ့ၢ်စီၤယိၤဘးစံးဆၢအီၤ, “နကတိၤတၢ်ဒ်ပှၤဟးဂီၤမုၣ်တ ဂၤကတိၤတၢ်အသိးန့ၣ်လီၤ. မ့ၢ်ပကဒိးန့ၢ်ဘၣ်တၢ်ဂ့ၤလၢကစၢ်ယွၤ အစုပူၤဒီးပတဒိးန့ၢ်ဘၣ်တၢ်အၢဘၣ်ဧါ.” လၢတၢ်အံၤခဲလၢာ်အပူၤန့ၣ်စီၤယိၤဘးတမၤဘၣ်တၢ်ဒဲးဘး လၢအထးခိၣ်ဘၣ်.

လံာ်မၤလကံ 1:10

တၢ်သုးမုၢ်ဂီၢ်မုၢ်အယွၤစံးဝဲ, “ယအဲၣ်ဒိးပှၤလၢသုကျါတဂၤကကးတံာ်ဃာ်တၢ်လုၢ်ဟံၣ် အတြဲၤတဖၣ်ဒ်သိးကတြီဃာ်သုလၢတၢ်မၤကဲၤထီၣ်မ့ၣ်အူလၢ အဘျုးတအိၣ်ဘၣ်လၢယတၢ်လုၢ်လီၢ်အဖီခိၣ်န့ၣ်လီၤ. ယတဘၣ်သူၣ်ဘၣ်သးသုဘၣ်. ဒီးယတတူၢ်လိာ်တၢ်လုၢ်တၢ်ပာ်လၢသုဟဲစိာ်န့ၢ်ယၤန့ၣ်ဘၣ်.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

၁ တံၤမသ့း 6:6

မ့ၢ်လံ, ပှၤတဂၤမ့ၢ်သးမံလၢတၢ်လၢအအိၣ်ဒီးအီၤန့ၣ်, တၢ်ယူးယီၣ်ယွၤဒုးထူးထီၣ်တီၤထီၣ်အီၤစဲဃဲၤန့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.