လံာ်စီၤယိၤဘး 1:22 - Sgaw Karen Common Bible

²² လၢကယဲၢ်တၢ်မၤတ့ၢ်အသးခဲလၢာ်ဒၣ်လဲၣ်အဃိန့ၣ်တၢ်ဒဲးဘး မ့ၢ်ဂ့ၤ, တၢ်ပာ်ဒ့ၣ်ကမၣ်ကစၢ်ယွၤမ့ၢ်ဂ့ၤစီၤယိၤဘးတမၤဝဲဒၣ် ဘၣ်.

လံာ်စီၤယိၤဘး 1:22 Iomraidhean Croise

လံာ်စီၤယိၤဘး 2:1

မၤကဒီးတစုမုၢ်အိၣ်ဝဲတနံၤဖဲကစၢ်ယွၤအကလူးတဖၣ်ဟဲပာ်ဖျါ အသးလၢယွၤအမဲာ်ညါန့ၣ်မုၢ်ကီၤလံၢ်အိၣ်စ့ၢ်ကီးလၢအဝဲသ့ၣ် အကျါန့ၣ်လီၤ.

လံာ်စီၤယိၤဘး 2:10

မ့မ့ၢ်စီၤယိၤဘးစံးဆၢအီၤ, “နကတိၤတၢ်ဒ်ပှၤဟးဂီၤမုၣ်တ ဂၤကတိၤတၢ်အသိးန့ၣ်လီၤ. မ့ၢ်ပကဒိးန့ၢ်ဘၣ်တၢ်ဂ့ၤလၢကစၢ်ယွၤ အစုပူၤဒီးပတဒိးန့ၢ်ဘၣ်တၢ်အၢဘၣ်ဧါ.” လၢတၢ်အံၤခဲလၢာ်အပူၤန့ၣ်စီၤယိၤဘးတမၤဘၣ်တၢ်ဒဲးဘး လၢအထးခိၣ်ဘၣ်.

လံာ်စီၤယိၤဘး 34:10

ပှၤလၢအအိၣ်ဒီးတၢ်သူၣ်ဆးသးဆးသ့ၣ်ဧၢ, ဒိကနၣ်ယၤ တက့ၢ်. သ့တၢ်လၢာ်ကစၢ်ယွၤန့ၣ်မ့ၢ်အကမၤတၢ်လၢအကမူၤ ကမၣ်န့ၣ်ဧါ.

လံာ်ပှၤစံၣ်တဲၤတဲလီၤတၢ် 8:14

ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. ကွၢ်တၢ်မၤအသးလၢဟီၣ်ခိၣ်အံၤတက့ၢ်. တဘျီဘျီပှၤတီပှၤလိၤတဖၣ်တူၢ်ဘၣ်တၢ်စံၣ်ညီၣ်လၢပှၤတတီ တလိၤတဖၣ်အလီၢ်, ဒီးပှၤတတီတလိၤတဖၣ်ဒိးန့ၢ်ဘၣ်ခိၣ်ဖးလၢပှၤ တီပှၤလိၤတဖၣ်အလီၢ်န့ၣ်လီၤ. ယစံး, တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ.

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

ရိမ့ၤ 9:20

ဘၣ်ဆၣ်ဒီးပှၤကညီနၤဧၢ, နမ့ၢ်မတၤတဂၤလၢအကကတိၤ ဆၢက့ၤကစၢ်ယွၤန့ၣ်လဲၣ်. သပၢၤဟီၣ်ခိၣ်တဖျၢၣ်တသံကွၢ် က့ၤပှၤလၢအတ့အီၤတဂၤ, “ဘၣ်မနုၤအဃိနတ့ယၤဒ်အံၤလဲၣ်” န့ၣ်ဘၣ်.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 1:4

မ်သုတၢ်တူၢ်တၢ်အံၤကဆှၢသုဆူတၢ်အကတၢၢ်တစုတအိၣ် ဒီးတၢ်လီၤတူာ်လီၤကာ်ဘၣ်, ဒ်သိးသုကလၢထီၣ်ပှဲၤထီၣ်ဒီး အိၣ်ဒီးတၢ်ခဲလၢာ်ဒီးတလီၤဆံးလီၤစှၤလၢတၢ်နီတမံၤဘၣ် အဂီၢ်န့ၣ်တက့ၢ်.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.