လံာ်စီၤယိၤဘး 1:20 - Sgaw Karen Common Bible

²⁰ တုၤနုၤတစုစီၤယိၤဘးဂဲၤဆၢထၢၣ်ဒီးဖှီအဆ့လၢတၢ်သးအုး အပူၤန့ၣ်လီၤ. အဝဲလူၤဝဲအခိၣ်ဒီးထိၣ်လီၤပှီၤအသးလၢဟီၣ် ခိၣ်လိၤဒီးဘူၣ်ထီၣ်ဘါထီၣ်တၢ်လီၤ.

လံာ်စီၤယိၤဘး 1:20 Iomraidhean Croise

လံာ်တၢ်ကဲထီၣ်အခီၣ်ထံး 37:29

ဒီးဖဲစီၤရူၤဘ့ၣ်ဟဲက့ၤကဒါက့ၤဆူထံပူၤဒီးတထံၣ်ဘၣ်စီၤ ယိၤသးဖဲန့ၣ်ဘၣ်န့ၣ်အဝဲဖှီယာ်ကွံာ်အကူအသိးတဖၣ်လၢတၢ်သူၣ် အုးသးအုးအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 37:34

စီၤယၤကိာ်ဖှီကွံာ်အဆ့တဖၣ်လၢတၢ်သူၣ်အုးသးအုးအပူၤဒီးကၤ ထီၣ်ဝဲထၢၣ်တၢ်ကံးယာ်လီၤ. အဝဲသူၣ်အုးသးအုးလၢအဖိခွါအဃိအါနံၤအါသီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:12

စီၤအလံၤၡါထံၣ်တၢ်အံၤဒီးကိးထီၣ်ဝဲဆူစီၤအ့ၤလံယၤအ အိၣ်, “ယပၢ်ဧၢ, ယပၢ်ဧၢ, ပှၤအဆူၣ်တဂၤလၢအကဟုကယာ်တ့ၢ်ကီၢ်အံၣ်စရ့ လးဧၢ, နဘၣ်တၢ်ဟံးထီၣ်ကွံာ်နၤလံ.” ဒီးစီၤအလံၤၡါတထံၣ်ဘၣ်ကဒီးလၢၤစီၤအ့ၤလံယၤနီတစုလၢၤဘၣ်. လၢတၢ်သူၣ်အုးသးအုးအပူၤန့ၣ်စီၤအလံၤၡါဖှီယာ်ကွံာ်အဆ့ဖး ဒိၣ်ခံခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:3

တုၤအံၣ်စရ့လးအပှၤဂီၢ်မုၢ်ထံၣ်တ့ၢ်မ့ၣ်အူဟဲလီၤလၢမူခိၣ် ဒီးတၢ်ကပီၤမၤပှဲၤယွၤအတၢ်လုၢ်ဟံၣ်န့ၣ်ဒီး, အဝဲသ့ၣ်ထိၣ်တွံၤလီၤအသးလၢအမဲာ်ညါ, ဒါလီၤအမဲာ်သၣ်တဖၣ်လၢ တၢ်ဒါလၢၢ်အဖီခိၣ်, ဘူၣ်ထီၣ်ဘါထီၣ်ကစၢ်ယွၤ, ဒီးစံးထီၣ်ပတြၢၤအီၤလၢအဝဲအတၢ် ဂ့ၤတၢ်ဝါဒီးအတၢ်အဲၣ်လီၤထူလီၤယိာ်အဃိန့ၣ်လီၤ.

လံာ်စီၤဧ့စြၤ 9:3

တုၤယနၢ်ဟူတ့ၢ်တၢ်အံၤန့ၣ်ယဖှီကွံာ်ယကူယသိးတဖၣ်လၢတၢ်သးဟး ဂီၤအပူၤ, ယထဲးကွံာ်ယခိၣ်သူဒီးယခၣ်ဆူၣ်ဒီးဆ့ၣ်နီၤလၢတၢ်သူၣ်အုးသး အုးအတၢ်သးလီၤသဘှံးအပူၤန့ၣ်လီၤ.

လံာ်စီၤယိၤဘး 1:19

ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 2:12

ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်သိၣ်လီၤသီလီၤတၢ် 9:18

မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

၁ ပ့းတရူး 5:6

မ့မ့ၢ်ဒ်န့ၣ်ဒီး, ဆီၣ်လီၤသုသးလၢကစၢ်ယွၤအစုကညီၢ် အဖီလာ်, ဒ်သိးအဝဲကစိာ်ထီၣ်ထီသုလၢအဆၢအကတီၢ် ဒၣ်ဝဲအဂီၢ်န့ၣ်တက့ၢ်.