လံာ်စီၤယိၤဘး 1:10 - Sgaw Karen Common Bible

¹⁰ နကဟုဘံၣ်ကယာ်ဘၢအီၤ, အပှၤဟံၣ်ဖိဃီဖိဒီးတၢ်လၢအအိၣ် ဒီးအီၤခဲလၢာ်ထီဘိန့ၣ်လီၤ. နဆိၣ်ဂ့ၤတၢ်လၢအမၤဝဲခဲလၢာ် ဒီးနဟ့ၣ်တ့ၢ်လံအီၤဂီၤဖံးလၢလၢပှဲၤပှဲၤတုၤအကမၤပှဲၤထံကီၢ် ဒီဘ့ၣ်န့ၣ်လီၤ.

လံာ်စီၤယိၤဘး 1:10 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 26:12

ဒီးစီၤအံၤစဲးဖှံတၢ်မုၢ်တၢ်ဘိအချံအသၣ်လၢကီၢ်အံၤအပူၤ ဒီးလၢနံၣ်အဝဲန့ၣ်ကူးဘၣ်က့ၤဝဲတၢ်အါန့ၢ်ဒံးတၢ်လၢအဖှံ လီၤဝဲအါအါဂီၢ်ဂီၢ်အဖီခိၣ်အစးတကယၤလီၤ. အဂ့ၢ်ဒ်အံၤ, ယွၤဆိၣ်ဂ့ၤအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 30:30

တၢ်ဆံးကိာ်ဖိလၢအအိၣ်ဒီးနၤဖဲတချုးယဟဲန့ၣ်, ဒိၣ်ထီၣ်အါထီၣ်ဒိၣ်ဒိၣ်ကလဲာ်လီၤ. ဒီးကစၢ်ယွၤဆိၣ်ဂ့ၤတ့ၢ်နၤ ဖဲယလဲၤတၢ်တပူၤလၢ်လၢ်န့ၣ်လီၤ. ဒီးခဲကနံၣ်အံၤတၢ်ဆၢကတီၢ်တုၤဝဲလၢယဂီၢ်လၢယကဃုယတၢ်ဘၣ် ဘျုးဘၣ်ဖှိၣ်ဒၣ်ယဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 30:43

လၢကျဲဒ်အံၤန့ၣ်, စီၤယၤကိာ်ထူးတီၤထီၣ်ဝဲအါအါကလဲာ်လီၤ. အဝဲအိၣ်ဒီးအသိအဖုတဖၣ်, အကုၢ်သ့ၣ်တဖၣ်, ကီၤလၤအူးတဖၣ်, ဒီးကသ့ၣ်ယီၤတဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 39:5

စးထီၣ်ဖဲန့ၣ်, ယွၤဆိၣ်ဂ့ၤပှၤအဲၤကူပတူးဖိအပှၤဟံၣ်ဖိဃီ ဖိဒီးကယဲၢ်တၢ်အိၣ်လၢအဟံၣ်အဃီပူၤဒီးအစံာ်ပူၤပျီပူၤခဲ လၢာ်လၢစီၤယိၤသးအဃိလီၤ.

လံာ်တၢ်ကဲထီၣ်အခီၣ်ထံး 49:25

အအံၤမ့ၢ်နပၢ်အကစၢ်ယွၤလၢအမၤစၢၤနၤ, သ့တၢ်လၢာ်ကစၢ်ယွၤလၢအဆိၣ်ဂ့ၤနၤ, လၢတၢ်ဆိၣ်ဂ့ၤတဖၣ်အတၢ်စူၤ ထံလၢအဟဲလၢထး, လၢတၢ်ယိာ်ပူၤအထံတဖၣ်လၢအဟဲထီၣ်လၢဟီၣ်ခိၣ်လာ်, တၢ်ဆိၣ်ဂ့ၤတဖၣ်လၢဂီၤဘုၣ်ဂီၤဖံးဒီးဖိတဖၣ်အါအါဂီၢ်ဂီၢ်,

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

လံာ်စီၤယိၤဘး 29:2

ယဆၢဒိးန့ၢ်မးယမုၢ်နံၤလၢ အလဲၤကွံာ်တဖၣ်, မုၢ်နံၤတဖၣ်ဖဲ ကစၢ်ယွၤကွၢ်ထွဲတ့ၢ်ယၤန့ၣ်လီၤ.

လံာ်စီၤယိၤဘး 29:6

ယဂီၤဖံးမိၢ်တဖၣ်ဒီးမဲာ်တဲးလဲးတဖၣ်ဟ့ၣ်ယၤတၢ်နုၢ်ထံအါမး ဒီးယသ့ၣ်စၤယံးသ့ၣ်တဖၣ်မဲထီၣ်ဝဲလၢလၢၢ်ခိၣ်လ့ကျါအပူၤန့ၣ်လီၤ.

လံာ်စီၤယိၤဘး 31:25

ဒီးယတပာ်ကဖၢလၢယသးလၢယတၢ်စုလီၢ်ခီၣ်ခိၣ်အဃိ မ့ၢ်ဂ့ၤနီတဘျီဘၣ်.

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

စံးထီၣ်ပတြၢၤ 107:38

မ့ၢ်လၢအတၢ်ဆိၣ်ဂ့ၤဆိၣ်ဝါအဃိ, အပှၤဂီၢ်မုၢ်အါထီၣ်ဂီၢ်ထီၣ်ဒိၣ်မး, ဒီးအဝဲတပျဲအဝဲသ့ၣ်အဆၣ်ဖိကီၢ်ဖိ ဆံးလီၤစှၤလီၤန့ၣ်ဘၣ်.

စံးထီၣ်ပတြၢၤ 34:7

ယွၤအကလူးသူၣ်ဒဲဝးတရံးပှၤလၢအပျံၤအီၤ ဒီးမၤပူၤဖျဲးအဝဲသ့ၣ်လီၤ.

စံးထီၣ်ပတြၢၤ 5:12

အဂ့ၢ်ဒ်အံၤ, ယွၤဧၢ, နဆိၣ်ဂ့ၤပှၤအတီအလိၤ, နတၢ်အဲၣ်ကဟုဘံၣ်ကယာ်ဘၢအီၤ ဒ်ကတီၤတဘ့ၣ်အသိးန့ၣ်လီၤ.

စံးထီၣ်ပတြၢၤ 71:21

နကမၤအါထီၣ်ယတၢ်ကဲဒိၣ် ဒီးမၤမုာ်ထီၣ်က့ၤယၤန့ၣ်လီၤ.

စံးထီၣ်ပတြၢၤ 80:12

ဘၣ်မနုၤလၢနမၤဟးဂီၤကရၢၢ်လၢအအိၣ်ဝးတရံး အီၤန့ၣ်လီၤ. ခဲအံၤပှၤလၢအလဲၤခီဂာ်တၢ်တဂၤလၢ်လၢ်ဟုၣ်အစပံးသၣ်တဖၣ် သ့ဝဲလီၤ.

စံးထီၣ်ပတြၢၤ 90:17

ယွၤ, ပကစၢ်ဧၢ, မ်နတၢ်ဆိၣ်ဂ့ၤဆိၣ်ဝါတဖၣ်အိၣ်ဒီးပှၤတက့ၢ်. ဟ့ၣ်လီၤလၢ်ပှၤတၢ်မၤနၢၤလၢ ပစုအတၢ်မၤခဲလၢာ်အပူၤန့ၣ်တက့ၢ်. မ့ၢ်မးပစုအတၢ်မၤန့ၣ်, ဒုးအိၣ်ဂၢၢ်ဆိးကျၢၤအီၤတက့ၢ်.

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

လံာ်ယၡါယၤ 5:2

အဝဲခူၣ်ကဖီထီၣ်ဟီၣ်ခိၣ်ဒီးထုးထီၣ်ကွံာ်လၢၢ်ဖိတဖၣ် ဒီးသူၣ်လီၤဖျးလီၤစပံးမုၢ်အဂ့ၤကတၢၢ်တဖၣ်လီၤ. အဝဲဘှီထီၣ်ပၢၤတၢ်အလီၢ်လၢတၢ်ပၢၤစပံးမုၢ်တဖၣ်အဂီၢ် ဒီးခူၣ်လီၤတၢ်ပူၤတပူၤလၢတၢ်ယီၢ်စပံး သၣ်တဖၣ်အဂီၢ်လီၤ. အဝဲခိးဝဲဒ်သိးစပံးသၣ်တဖၣ်ကမံထီၣ်အဂီၢ်, ဘၣ်ဆၣ်စပံးသၣ်ကိးဖျၢၣ်ဒဲးန့ၣ်ဆံၣ်ဝဲလီၤ.

လံာ်ယၡါယၤ 5:5

ယကမၤတၢ်အံၤလၢယစပံးလီၢ်အဂီၢ်လီၤ. ယကဟံးထီၣ်က ရၢၢ်လၢအအိၣ်ဝးတရံးအီၤ, ဂုၤလီၤပှီၢ်တၢ်အဒူၣ်လၢအဒီဒၣ်အီၤ, ဒီးပျဲဆၣ်ဖိကီၢ်ဖိအမံၤတဖၣ်အီၣ်အီၤဒီးယီၢ်တံၢ်အီၤလီၤ.

လံာ်စကၤရယၤ 2:5

ယွၤအၢၣ်လီၤတ့ၢ်ဝဲလၢအကစၢ်ဒၣ်ဝဲကမ့ၢ်ဝ့ၢ်ခိၣ်ဒူမ့ၣ်အူ တခါလၢအအိၣ်ဝးတရံးဝ့ၢ်န့ၣ်လၢကအိၣ်ပှိၤဒီဒၣ် အီၤဒီးအဝဲကအိၣ်ဆိးဖဲန့ၣ်လၢအတၢ်လၤကပီၤခဲလၢာ်အပူၤန့ၣ်လီၤ.”

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်သိၣ်လီၤသီလီၤတၢ် 33:11

ယွၤဧၢ, မၤစၢၤအဝဲသ့ၣ်အဒူၣ်လၢကဒိၣ်ထီၣ်ဆူၣ်ထီၣ်တက့ၢ်. ဘၣ်သူၣ်ဘၣ်သးဒီးတၢ်လၢအဝဲသ့ၣ်မၤဝဲန့ၣ်တက့ၢ်. ဆီၣ်တံၢ်လီၤသဘှံးကွံာ်အဝဲသ့ၣ်အဒုၣ်အဒါတဖၣ်ခဲလၢာ်တက့ၢ်. ပျဲအဝဲသ့ၣ်ဆၢထၢၣ်ကဒါက့ၤလၢၤနီတစုတဂ့ၤ.”

လံာ်သိၣ်လီၤသီလီၤတၢ် 33:27

ထီဘိကစၢ်ယွၤမ့ၢ်သုတၢ်အိၣ်တဒၢအလီၢ်, အဝဲအစုတီၤအထူအယိာ်တဖၣ် မ့ၢ်တၢ်လၢအမၤစၢၤသုန့ၣ်လီၤ. အဝဲနီၣ်ထီၣ်ဟီထီၣ်ကွံာ်သုဒုၣ်သုဒါတဖၣ်ဖဲသုလဲၤထီၣ် ဒုးတၢ် ဒီးတဲဘၣ်သုလၢသုကမၤဟးဂီၤကွံာ်အဝဲသ့ၣ်ခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 7:13

အဝဲဒၣ်ကအဲၣ်သုဒီးဆိၣ်ဂ့ၤသုဒ်သိးသုကအါထီၣ်လၢနီၣ်ဂံၢ်ဒီး အိၣ်ဒီးဖိတဖၣ်အါအါဂီၢ်ဂီၢ်န့ၣ်လီၤ. အဝဲကဆိၣ်ဂ့ၤသုစံာ်ဧိၤပျီဧိၤတဖၣ်, ဒ်သိးသုကအိၣ်ဒီးဘုဧိၤဟုဧိၤ, စပံးထံ, ဒီးသ့ၣ်စၤယံးအသိန့ၣ်လီၤ. ဒီးအဝဲဒၣ်ကဆိၣ်ဂ့ၤသုခီဖျိတၢ်ဟ့ၣ်လီၤသုလၢဂီၤဘုၣ်ဂီၤ ဖံးဒီးသိအါအါကလဲာ်န့ၣ်လီၤ. အဝဲကဟ့ၣ်လီၤသုလၢကယဲၢ်တၢ်ဆိၣ်ဂ့ၤခဲလၢာ်အံၤ, လၢကီၢ်တဘ့ၣ်အပူၤလၢအဝဲအၢၣ်လီၤတ့ၢ်သုမိၢ်ပၢ်ဖံဖု လၢပျၢၤန့ၣ်, လၢအဝဲကဟ့ၣ်လီၤသုန့ၣ်လီၤ.

၁ ပ့းတရူး 1:5

တၢ်သ့ၣ်တဖၣ်အံၤမ့ၢ်လၢသုဂီၢ်, သုဝဲလၢခီဖျိတၢ်စူၢ်တၢ်နာ်န့ၣ် ဘၣ်တၢ်ပၢၤဃာ်အီၤလၢကစၢ်ယွၤအစိအကမီၤလၢတၢ် အုၣ်က့ၤခီၣ်က့ၤလၢအအိၣ်ကတဲာ်ကတီၤအသးလၢ အကဘၣ်တၢ်လီၣ်ဖျါထီၣ်အီၤဖဲတၢ်အကတၢၢ်အဆၢ ကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:16

အဝဲသ့ၣ်ဒီဒၣ်အိၣ်ပှိၤပှၤမုၢ်နၤနၤမုၢ်ဆါဆါဒီကတီၢ်ညါဖဲ ပအိၣ်ဒီးအဝဲသ့ၣ်, ဒီးအံးထွဲကွၢ်ထွဲစၢၤပသိတဖၣ်န့ၣ်လီၤ.