လံာ်စီၤယိၤဘး 1:1 - Sgaw Karen Common Bible

¹ ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 1:1 Iomraidhean Croise

လံာ်တၢ်ကဲထီၣ်အခီၣ်ထံး 10:23

ဒီးစီၤအရၣ်အစၢၤအသွဲၣ်တဖၣ်န့ၣ်မ့ၢ်ပှၤဂီၢ်မုၢ်လၢဧူးစး, ဃူလး, က့သ့ၢ်ဒီးမၤစးတဖၣ်လီၤ.

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 36:28

စီၤဒံၡၣ်မ့ၢ်ဝဲစီၤဧူးစးအဒူၣ်တဒူၣ်ဒီးစီၤအၤရၣ်အဒူၣ် တဒူၣ်အပၢ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 42:18

လၢသၢသီတသီန့ၣ်စီၤယိၤသးစံးဘၣ်အဝဲသ့ၣ်, “ယမ့ၢ်ပှၤတဂၤလၢအပျံၤကစၢ်ယွၤလီၤ. ဒီးယကပျဲပူၤဖျဲးသုသးသမူတဖၣ်လၢတၢ်အဂ့ၢ်အခၢးတမံၤအဖီ ခိၣ်လီၤ.

လံာ်တၢ်ကဲထီၣ်အခီၣ်ထံး 6:9

အအံၤမ့ၢ်စီၤနိအၤအတၢ်အိၣ်မူအဂ့ၢ်န့ၣ်လီၤ. စီၤနိအၤမ့ၢ်ပှၤအတီအလိၤတဂၤ, ပှၤလၢတၢ်တထံၣ်န့ၢ်အတၢ်ဒဲးဘး လၢပှၤတစိၤဒၣ်အီၤအကျါန့ၣ်လီၤ.

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:17

စီၤၡ့ၣ်အဖိခွါတဖၣ်န့ၣ်မ့ၢ်ဝဲစီၤဧ့ၤလၣ်, စီၤအၤၡူၢ်, စီၤအၢ်ဖးၡး, စီၤလူး, စီၤအရၣ်, စီၤဧူးစး, စီၤဃူလး, စီၤက့သၢ်, ဒီးစီၤမ့ၤၡ့း တဖၣ်န့ၣ်လီၤ. အဝဲသ့ၣ်မ့ၢ်ပှၤဂီၢ်မုၢ်ဟံးန့ၢ်အမံၤတဖၣ်ဒ်အပၢ်ဖးဒိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:42

စီၤအ့စၢ်မ့ၢ်ပှၤဘံးလဟၣ်, ပှၤစၤဧဝၣ်ဒီးပှၤယၤဧကၣ်အဒူၣ်ထၢ တဖၣ်အပၢ်ဖးဒိၣ်လၢပျၢၤန့ၣ်လီၤ. စီၤဒံၡၣ်မ့ၢ်ပှၤဧူးစးဒီးပှၤအၤရၣ်အဒူၣ်ထၢတဖၣ်အပၢ်ဖးဒိၣ် လၢပျၢၤန့ၣ်လီၤ.

လံာ်စီၤယိၤဘး 1:8

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤ ဘးတဂၤလၢနသးစ့ၢ်ကီးဧါ.” လၢဟီၣ်ခိၣ်ချၢန့ၣ်ပှၤအတီအလိၤ ဒီးပှၤအဂ့ၤဒ်သိးဒီးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟးဆှဲးတၢ်အၢတဂၤန့ၣ်လီၤ.

လံာ်စီၤယိၤဘး 2:3

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤဘး တဂၤလၢနသးစ့ၢ်ကီးဧါ. လၢဟီၣ်ခိၣ်ချၢန့ၣ်ပှၤအတီအလိၤဒီး ပှၤဂ့ၤဒ်သိးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟး ဆှဲးတၢ်အၢတဂၤလီၤ. နထိၣ်ဂဲၤတ့ၢ်ယၤဒ်သိးယကထီဒါအီၤ, မၤဟးဂီၤအီၤကလီကလီဘၣ်ဆၣ်ဒီးအဝဲဟံးဃာ်ဒံးအတၢ်တီတၢ် လိၤဂၢၢ်ဂၢၢ်ကျၢၤကျၢၤန့ၣ်လီၤ.”

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

လံာ်စီၤယိၤဘး 4:6

နတၢ်ပျံၤကစၢ်ယွၤန့ၣ်တမ့ၢ်နတၢ်သန့ၤနသးအဂ့ၢ်ဘၣ်ဧါ. နတၢ်အိၣ်မူအလၢအပှဲၤန့ၣ်တမ့ၢ်နတၢ်မုၢ်လၢ်ဘၣ်ဧါ.

လံာ်စီၤယိၤဘး 9:21

ယတၢ်ကမၣ်မ့ၢ်တအိၣ် ဒၣ်လဲာ်န့ၣ်, ယတကိၢ်တၢ်လၢ ယဂီၢ်ဒၣ်ယဲဘၣ်. ယသးဘၣ်အၢလီၤက့ၤယတၢ်အိၣ်မူဒၣ်ယဲလီၤ.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

တၢ်ကတိၤဒိ. 14:16

ပှၤသူၣ်ထံသးဆးတဖၣ်ပလီၢ်အသးလၢကအိၣ်ယံၤဒီးတၢ်အၢတၢ်သီ လီၤ. မ့မ့ၢ်, ပှၤအမၢးတဖၣ်တပလီၢ်အသးဘၣ်ဒီးမၤကြီတၢ်လီၤ.

တၢ်ကတိၤဒိ. 14:2

တၢ်အိၣ်မူတီတီလိၤလိၤမ့ၢ်နတၢ်ပာ်ဖျါထီၣ်နအိၣ်ဒီးတၢ်ပျံၤ ယွၤလီၤ. တၢ်အိၣ်မူတတီတလိၤန့ၣ်မ့ၢ်နတၢ်ပာ်ဖျါထီၣ်လၢနတအိၣ် ဒီးတၢ်ပျံၤအီၤဘၣ်လီၤ.

တၢ်ကတိၤဒိ. 16:17

ပှၤလၢအဂ့ၤတဖၣ်န့ၣ်ပိာ်ကျဲတဘိလၢအပဒ့ၣ်ဟးဆှဲးတၢ်အၢတၢ်သီ လီၤ. မၤသးဒ်န့ၣ်ဒီးနလဲၤဖဲလဲၣ်ဖဲလဲၣ်န့ၣ်ပလီၢ်နသးတက့ၢ်. တၢ်န့ၣ်ကအုၣ်က့ၤခီၣ်က့ၤနသးသမူလီၤ.

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 20:7

ဖိတဖၣ်လၢအအိၣ်ဒီးအပၢ်တဂၤလၢအတီအလိၤဒီးမၤတၢ်အဘၣ်န့ၣ်, ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 3:7

ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယံးရမံယၤ 25:20

ကီၢ်အဲၤကူပတူးအစီၤပၤ, အပဒိၣ်ပပှၢ်တဖၣ်ဒီး အခိၣ်အနၢ်တဖၣ်, ဒီးပှၤအဲၤကူပတူးဖိခဲလၢာ်, ပှၤတခီဘီမုၢ်ဖိတဖၣ်လၢ အအိၣ်လၢ ကီၢ်အဲၤကူပတူးအပူၤ ကီၢ်ဧူးစးအစီၤပၤခဲလၢာ်, စီၤပၤခဲလၢာ်လၢ ကီၢ်ဖလ့ၡသးအဝ့ၢ်တဖၣ်လၢ အမ့ၢ်ဝဲ အၤၡကလိၣ်, ဂါစၤဒီးဧ့ကြိၣ်အပူၤ, ဒီးဝ့ၢ်အၤစဒိးအပှၤအိၣ် လီၤတဲာ်တဖၣ်.

လံာ်သးသယုၢ်တၢ် 4:21

နံၤထီၣ်ဆူညါ, ကီၢ်အဒိၣ်ဒီးကီၢ်ဧူးစးအပှၤဂီၢ်မုၢ်သ့ၣ်ဧၢ, မ်သုသးခုဖဲသုမၤသ့ဒံးန့ၣ်တက့ၢ်. သုတၢ်နးတၢ်ဖှီၣ်ဟဲစ့ၢ်ကီးဝဲလံ. သုဝဲစ့ၢ်ကီးသုကကနုၤ ကဆဲဘ့ၣ်ဆ့လၢတၢ်မဲာ်တြီၢ်မဲာ်ဆှးအပူၤန့ၣ်လီၤ.

လံာ်ယဃ့းစက့လး 14:14

ပှၤသၢဂၤလၢအမ့ၢ်ဝဲစီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, အဝဲသ့ၣ်အတၢ်ဂ့ၤတၢ်ဝါကအုၣ်က့ၤခီၣ်က့ၤဒၣ်ထဲအဝဲသ့ၣ်အသးသမူ ဒၣ်ဝဲဧိၤန့ၣ်လီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လီၤ.

လံာ်ယဃ့းစက့လး 14:20

စီၤနိအၤ, စီၤဒၤနံးယ့လး, စီၤယိၤဘးမ့ၢ်အိၣ်မ့ၢ်ဆိးဖဲန့ၣ်ဒၣ်လဲာ်, ယၤ, ယွၤပၢဘၣ်တၢ်ခဲလၢာ်ကစၢ်ဒ်ယမ့ၢ်ကစၢ်ယွၤလၢအမူဝဲတဂၤအသိး, ယစံးယဲ, ပှၤသၢဂၤန့ၣ်အုၣ်က့ၤခီၣ်က့ၤအဖိဒၣ်ဝဲ တဖၣ်ဒၣ်လဲာ်တသ့ဘၣ်. အဝဲသ့ၣ်အတၢ်ဂ့ၤတၢ်ဝါအုၣ်က့ၤခီၣ်က့ၤ ကသ့ဒၣ်ထဲအသးသမူဒၣ်ဝဲတဖၣ်န့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

လံာ်သိၣ်လီၤသီလီၤတၢ် 18:13

သူၣ်တီသးရၤဒီးယွၤလၢာ်လၢာ်ဆ့ဆ့တက့ၢ်.

ယၤကိာ် 5:11

ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.

၁ ပ့းတရူး 3:11

အဝဲကဘၣ်ဃၣ်ကွံာ်အသးလၢတၢ်အၢတၢ်သီ ဒီးမၤတၢ်ဂ့ၤန့ၣ်လီၤ. အဝဲကဘၣ်ဂဲၤပျုၢ်လၢတၢ်ဃူတၢ်ဖိးအဂီၢ် လၢအသးဒီဖျၢၣ်ညါန့ၣ်လီၤ.