လံာ်ယိၤဟၣ် 9:7 - Sgaw Karen Common Bible

⁷ ဒီးစံးဘၣ်အီၤ, “လဲၤဒီးပျၢ်နမဲာ်လၢနိၣ်ၡံလိၤန့ၣ်တက့ၢ်.” (မံၤဝဲအံၤအခီပညီမ့ၢ်တၢ်မၢလီၤ) အန့ၣ်ဒီးပှၤတဂၤအံၤလဲၤဝဲဒီးပျၢ် အမဲာ်, ဒီးထံၣ်ထီၣ်က့ၤတၢ်ဒီးဟဲက့ၤဝဲလီၤ.

လံာ်ယိၤဟၣ် 9:7 Iomraidhean Croise

လံာ်စီၤနဃ့မယၤ 3:15

ဒီးစီၤကိးလဃိစ့ၤအဖိခွါစီၤၡၤလူၣ်လၢအမ့ၢ်ပှၤပၢၤမံး စပၤကီၢ်ဆၣ်ဘှီက့ၤဝဲပဲတရီထံထီၣ်ပၢၢ်န့ၣ်လီၤ. အဝဲမၤထီၣ်တၢ်ခိၣ်ဒုးလၢပဲတြီအကျဲအဂီၢ်ဒီးပာ်ဝဲတြဲၤ တဖၣ်, အနီၣ်ဝံာ်စဲတဖၣ်ဒီးအနီၣ်ဘိတဖၣ်လၢအလီၢ်ဒၣ်ဝဲန့ၣ်လီၤ. ဒီးဖဲနိၣ်ၡံလိၤန့ၣ်ဘှီထီၣ်ဝဲတၢ်ဒူၣ်လၢစီၤပၤအတၤသၣ် လီၢ်အဃၢၤတုၤလီၤလၢဃီလၢအလဲၤလီၤဆူစီၤဒၤဝံးအဝ့ၢ်ပူၤ န့ၣ်လီၤ.

စံးထီၣ်ပတြၢၤ 146:8

ယွၤဒုးထံၣ်ထီၣ်က့ၤပှၤမဲာ်ဘျီၣ်, ယွၤဒုးဆၢထၢၣ်က့ၤပှၤလၢအလီၤဃံၤ, ယွၤအဲၣ်ပှၤတီပှၤလိၤလီၤ.

လံာ်တၢ်ဟးထီၣ်ကွံာ် 4:11

ဒီးယွၤစံးဘၣ်အီၤ, “မ့ၢ်မတၤတ့ပှၤကညီအထးခိၣ်လဲၣ်. ပှၤတအုၣ်, ပှၤနၢ်တအၢ, ပှၤထံၣ်တၢ်သ့ဒီးပှၤမဲာ်ဘျီၣ်န့ၣ်မ့ၢ် မတၤဒုးကဲထီၣ်အီၤတဂၤလဲၣ်. ယၤ, ယွၤတမ့ၢ်ဘၣ်ဧါ.

လံာ်ယၡါယၤ 32:3

အဝဲသ့ၣ်အမဲာ်ချံဒီးအနၢ်တဖၣ်ကအိးထီၣ်အသးလၢပှၤဂီၢ်မုၢ် အတၢ်လိၣ်တဖၣ်အဂီၢ်န့ၣ်လီၤ.

လံာ်ယၡါယၤ 35:5

ပှၤမဲာ်ဘျီၣ်ကထံၣ်ထီၣ်က့ၤတၢ် ဒီးပှၤနၢ်တအၢကနၢ်ဟူတၢ်လီၤ.

လံာ်ယၡါယၤ 42:7

သုကအိးထီၣ်ပှၤမဲာ်ဘျီၣ်တဖၣ်အမဲာ်ချံ, ဒီးမၤထူၣ်ဖျဲးထီၣ်ပှၤဘၣ်တၢ်စၢဃာ်လၢဃိာ်အဒၢးခံးသူတဖၣ် အပူၤန့ၣ်လီၤ.

လံာ်ယၡါယၤ 43:8

ကစၢ်ယွၤစံးဝဲ, “ကိးဖှိၣ်ပှၤဂီၢ်မုၢ်ဆူကွီၢ်ဘျီၣ်တက့ၢ်. အဝဲသ့ၣ်အမဲာ်ချံအိၣ်, ဘၣ်ဆၣ်အဝဲသ့ၣ်အမဲာ်ချံဘျီၣ်လီၤ. အဝဲသ့ၣ်အနၢ်အိၣ်, ဘၣ်ဆၣ်အဝဲသ့ၣ်အနၢ်တအၢလီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်လူၤကၣ် 13:4

ပှၤတဆံဃိးဂၤလၢအသံဝဲဖဲတၢးထီၡံလိၣ်လီၤပှီၢ်လၢအဖီခိၣ်, တခီလဲၣ်. မ့ၢ်သုဆိကမိၣ်လၢတၢ်မၤအသးတမံၤအံၤမ့ၢ်တၢ်အုၣ်အသးလၢ အဝဲသ့ၣ်အၢဝဲသီဝဲဒိၣ်န့ၢ်ပှၤအဂၤတဖၣ်လၢအအိၣ်ဆိးလၢဝ့ၢ် ယရူၤၡလ့ၣ်အပူၤန့ၣ်ဧါ.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.

လံာ်ယိၤဟၣ် 11:37

လၢအဝဲသ့ၣ်အကျါတနီၤစံးဝဲ “အဝဲဒုးထံၣ်ထီၣ်က့ၤပှၤမဲာ်ဘျီၣ်တဂၤန့ၣ်တမ့ၢ်ဘၣ်ဧါ. ဒ်သိးစီၤလါစရူးအသုတသံတဂ့ၤဒီး, မၤဝဲတသ့ဘၣ်ဧါ.”

လံာ်ယိၤဟၣ် 9:11

အဝဲဒၣ်စံးဆၢဝဲ, “ပှၤလၢပှၤကိးအီၤလၢယ့ၣ်ၡူးတဂၤကၢကပံာ်, ပဲလီၤဝဲလၢယမဲာ်ချံအလိၤ, ဒီးမၢယလဲၤပျၢ်ယမဲာ်လၢနိၣ်ၡံလိၤလီၤ. လၢတၢ်န့ၣ်အဃိယလဲၤယဲဒီးယပျၢ်ယမဲာ်ဝံၤတဘျီဃီ ယထံၣ်ထီၣ်က့ၤတၢ်န့ၣ်လီၤ.”

လံာ်ယိၤဟၣ် 9:39

ယ့ၣ်ၡူးစံးဝဲဒၣ်, “ယဟဲဆူဟီၣ်ခိၣ်အံၤလၢယကစံၣ်ညီၣ်တၢ် အဂီၢ်, ဒ်သိးပှၤလၢအတထံၣ်တၢ်တဖၣ်ကထံၣ်ထီၣ်က့ၤတၢ်, ဒီးပှၤလၢအထံၣ်တၢ်တဖၣ်အမဲာ်ကဘျီၣ်အဂီၢ်န့ၣ်လီၤ.”

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,