လံာ်ယိၤဟၣ် 9:41 - Sgaw Karen Common Bible

⁴¹ ယ့ၣ်ၡူးစံးဆၢတၢ်ဒီးစံး, “သုမဲာ်မ့ၢ်ဘျီၣ်တ့ၢ်ဒီးသုတၢ်ကမၣ်တမ့ၢ် အကအိၣ်ဘၣ်. ဘၣ်ဆၣ်သုစံးလၢသုထံၣ်တၢ်အဃိ, သုတၢ်ကမၣ်အိၣ်ဒံးဒၣ်တၢ်န့ၣ်လီၤ.”

လံာ်ယိၤဟၣ် 9:41 Iomraidhean Croise

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

လံာ်ယၡါယၤ 5:21

သုဘၣ်တၢ်စံၣ်ညီၣ်ဃါမနၤလီၤ. သုဆိကမိၣ်လၢသုကူၣ်တၢ်သ့, ဒီးသုသ့သုဘၣ်ဒိၣ်မးလီၤ.

လံာ်ယံးရမံယၤ 2:35

သုစံးသုဝဲလၢ, ယတၢ်ကမၣ်တအိၣ်ဘၣ်. သပှၢ်ကတၢၢ်ယွၤတသးဒိၣ်လၢၤယၤဘၣ်န့ၣ်လီၤ. ဘၣ်ဆၣ်ဒီးယၤ, ယွၤအံၤကစံၣ်ညီၣ်သု, မ့ၢ်လၢသုသမၢသုဝဲလၢသုမၤတ့ၢ် တၢ်ဒဲးဘးအဃိန့ၣ်လီၤ.

လံာ်လူၤကၣ် 12:47

တၢ်ခ့တၢ်ပှၤလၢအသ့ၣ်ညါအကစၢ်အဲၣ်ဒိးအမၤတၢ်မနုၤ, ဘၣ်ဆၣ်ဒီး တအိၣ်ကတဲာ်ကတီၤအသးဒီးမၤတၢ်လၢအကစၢ်အဲၣ်ဒိးဝဲန့ၣ်, ကဘၣ်တၢ်စံၣ်ညီၣ်ဒီးဖျ့အီၤနးနးကလဲာ်လီၤ.

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

ဧ့ၤဘြံၤ 10:26

အဂ့ၢ်ဒ်အံၤ, ပတူၢ်လိာ်ဒိးန့ၢ်တၢ်မ့ၢ်တၢ်တီဝံၤအလီၢ်ခံ, ပမ့ၢ်မၤတၢ်ဒဲးဘးလၢတၢ်လူၤဘၣ်ပသးအပူၤန့ၣ်, တၢ်လုၢ်လၢပတၢ်ဒဲးဘးအဂီၢ်တအိၣ်လၢၤဘၣ်.

ယၤကိာ် 4:17

လၢတၢ်န့ၣ်အဃိ, ပှၤတဂၤလၢအသ့ၣ်ညါမၤတၢ်ဂ့ၤဒီး တမၤဘၣ်ဝဲန့ၣ်မ့ၢ်တၢ်ဒဲးဘးလၢအဂီၢ်လီၤ.