လံာ်ယိၤဟၣ် 9:35 - Sgaw Karen Common Bible

³⁵ ယ့ၣ်ၡူးနၢ်ဟူလၢပှၤဟီထီၣ်ကွံာ်အီၤဒီးဖဲအဝဲထံၣ်န့ၢ် ပှၤတဂၤအံၤန့ၣ်သံကွၢ်အီၤဒီးစံး, “နစူၢ်က့ၤနာ်က့ၤပှၤကညီဖိခွါဧါ.”

လံာ်ယိၤဟၣ် 9:35 Iomraidhean Croise

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 2:7

စီၤပၤစံးဝဲ, “ယကစံးကတိၤ ယွၤအတၢ်မၤလိာ်န့ၣ်လီၤ. အဝဲစံးဘၣ်ယၤ, နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤယကဲထီၣ်နပၢ်လံ.

စံးထီၣ်ပတြၢၤ 27:10

ယပၢ်ဒီးယမိၢ်မ့ၢ်ညိကွံာ်ယၤဘၣ်ဆၣ်, ယွၤကအံးထွဲကွၢ်ထွဲဒံးယၤလီၤ.

လံာ်မးသဲ 14:33

ဒီးအပျဲၢ်အဘီၣ်လၢအအိၣ်လၢချံပူၤတဖၣ်ဘူၣ်ထီၣ်ဘါထီၣ်အီၤဒီး စံး, “နမ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 16:16

စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

လံာ်မးသဲ 4:3

အန့ၣ်တဘျီမုၣ်ကီၤလံၢ်ဟဲဝဲဒီးစံးဘၣ်အီၤ, “နမ့မ့ၢ်ကစၢ်ယွၤအဖိခွါဒီးခါလီၤနကလုၢ်လၢလၢၢ်သ့ၣ်တဖၣ် အံၤကကဲထီၣ်လၢကိၣ်အလိၣ်တဖၣ်တက့ၢ်.”

လံာ်မၢ်ကူး 1:1

လံာ်တၢ်သးခုအကစီၣ်ဘၣ်ဃးယ့ၣ်ၡူးခရံာ်, ကစၢ်ယွၤအဖိခွါန့ၣ်အခီၣ်ထံးမ့ၢ်ဒ်အံၤလီၤ.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.

လံာ်ယိၤဟၣ် 11:27

နီၢ်မၢ်သၤစံးဆၢအီၤ, “မ့ၢ်ကစၢ်ဧၢ, ယနာ်လၢနမ့ၢ်ခရံာ်, ကစၢ်ယွၤအဖိခွါလၢအကဟဲလီၤဆူဟီၣ်ခိၣ်ချၢအံၤန့ၣ်လီၤ.”

လံာ်ယိၤဟၣ် 20:28

စီၤသိၤမါစံးဆၢယ့ၣ်ၡူး “ယကစၢ်ဒီးယကစၢ်ယွၤ” န့ၣ်လီၤ.

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

လံာ်ယိၤဟၣ် 9:22

အမိၢ်အပၢ်တဖၣ်စံးဆၢတၢ်ဒ်အံၤမ့ၢ်လၢအပျံၤပှၤယူဒၤဖိအခိၣ် အနၢ်တဖၣ်လၢအပာ်လီၤတ့ၢ်လံအသးလၢပှၤတဂၤလၢ်လၢ်လၢ အစံးလၢအနာ်ယ့ၣ်ၡူးမ့ၢ်ခရံာ်န့ၣ်, ကဘၣ်တၢ်ဟီထီၣ်ကွံာ်အီၤလၢဘူၣ်ဘျီၣ်ပူၤအဃိန့ၣ်လီၤ.

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

မၤတၢ် 8:36

ဒီးဖဲအလဲၤကဒီးဆူညါအဖၢမုၢ်န့ၣ်, အဝဲသ့ၣ်တုၤဃီၤဝဲဒၣ်လၢထံအိၣ်အလီၢ်တတီၤ, ဒီးပဒိၣ်န့ၣ်စံးဝဲ, “ထံအိၣ်ဖဲအံၤလီၤ. ယမ့ၢ်အဲၣ်ဒိးဒိးဘျၢယသးလၢထံဒီး, တၢ်လၢကတြီယကျဲမ့ၢ်အအိၣ်တမံၤမံၤဧါ.”

မၤတၢ် 8:37

(စီၤဖံလံးပူးစံးဘၣ်အီၤ, “နမ့ၢ်နာ်ယ့ၣ်ၡူးခရံာ်လၢနသးဒီဖျၢၣ်ညါဒီး, နဒိးဘျၢနသးလၢထံသ့ဝဲဒၣ်လီၤ.” အဝဲဒၣ်စံးဆၢက့ၤအီၤ, “ယနာ်လၢယ့ၣ်ၡူးခရံာ်မ့ၢ်ကစၢ်ယွၤအဖိခွါန့ၣ်လီၤ.”)

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

ရိမ့ၤ 10:20

ဒီး ဝံယၡါယၤ မ့ၢ်ပှၤအဒူတက့ၢ်ဒီးစံးဝဲ, “ယဘၣ်တၢ်ထံၣ်န့ၢ်ယၤလၢပှၤလၢ အတဃုယၤတဖၣ်, ဒီးယလီၣ်ဖျါထီၣ်ယသးလၢပှၤလၢ အတသံကွၢ်ယဂ့ၢ်တဖၣ်န့ၣ်လီၤ.”

၁ ယိၤဟၣ် 4:15

ဖဲဒၣ်ပှၤလၢအအၢၣ်လီၤအီလီၤလၢယ့ၣ်ၡူးမ့ၢ် ကစၢ်ယွၤအဖိခွါန့ၣ်, ကစၢ်ယွၤအိၣ်ဝဲဆိးဝဲလၢ အပူၤ, ဒီးအဝဲဒၣ်အိၣ်ဝဲဆိးဝဲလၢကစၢ်ယွၤအပူၤလီၤ.

၁ ယိၤဟၣ် 5:10

လၢတၢ်န့ၣ်အဃိ, ပှၤလၢအစူၢ်က့ၤနာ်က့ၤကစၢ်ယွၤအဖိခွါ န့ၣ်အိၣ်ဒီးတၢ်အုၣ်အသးအံၤလၢအသးကံၢ်ပူၤ, ဘၣ်ဆၣ်ဒီးပှၤလၢအတစူၢ်တနာ်ကစၢ်ယွၤန့ၣ်ဒုးကဲထီၣ် ယွၤလၢပှၤလီတၢ်, မ့ၢ်လၢအဝဲတနာ်ယွၤအတၢ်အုၣ်အသးဘၣ်ဃးဒီးအဖိခွါ အဂ့ၢ်အကျိၤဘၣ်အဃိလီၤ.

၁ ယိၤဟၣ် 5:13

ယကွဲးန့ၢ်သုတၢ်အံၤ, ဒ်သိးဒီးသုဝဲလၢအစူၢ်က့ၤနာ်က့ၤတၢ်လၢ ကစၢ်ယွၤအဖိခွါအမံၤအပူၤတဖၣ်, သုကသ့ၣ်ညါလၢသုအိၣ်ဒီးတၢ်မူအထူအယိာ်န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

၁ ယိၤဟၣ် 5:5

မတၤမၤနၢၤဟီၣ်ခိၣ်သ့တဂၤလဲၣ်. မ့ၢ်ဒၣ်ထဲပှၤလၢအနာ်ဝဲလၢယ့ၣ်ၡူးမ့ၢ်ကစၢ်ယွၤအဖိခွါဧိၤ န့ၣ်လီၤ.

၃ ယိၤဟၣ် 1:10

လၢတၢ်န့ၣ်အဃိ, ယမ့ၢ်ဟဲဒီးယကမၤသ့ၣ်နီၣ်အီၤတၢ်လၢ အဝဲမၤတ့ၢ်ဝဲခဲလၢာ်, အတၢ်ကတိၤခဲၣ်သူခဲၣ်ဂီၤပှၤဒီးအတၢ်ကတိၤကဘျံးကဘျၣ် တဖၣ်န့ၣ်လီၤ. အအံၤဒၣ်လဲာ်အသးတမံဒံးဘၣ်ဒီး, ဖဲဒီပုၢ်ဝဲၢ်တဖၣ်ဟဲန့ၣ်တတူၢ်လိာ်ဝဲဘၣ်. ဒီးအါန့ၢ်အန့ၣ်, ပှၤလၢအသးအိၣ်တူၢ်လိာ်ဒီပုၢ်ဝဲၢ်တဖၣ်န့ၣ်, အဝဲတြီဝဲဒၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ် လၢတၢ်အိၣ်ဖှိၣ်အပူၤန့ၣ်လီၤ.