လံာ်ယိၤဟၣ် 9:34 - Sgaw Karen Common Bible

³⁴ အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

လံာ်ယိၤဟၣ် 9:34 Iomraidhean Croise

လံာ်တၢ်ကဲထီၣ်အခီၣ်ထံး 19:9

ဘၣ်ဆၣ်အဝဲသ့ၣ်စံးဝဲ, “ပှၤတခီထံတခီကီၢ်ဖိဧၢ, ဟးထီၣ်ကွံာ်လၢပမဲာ်ညါတက့ၢ်. နမ့ၢ်မတၤတဂၤလၢကဘၣ်တဲပှၤမၤ တၢ်ဒ်အံၤဒ်နုၤန့ၣ်လဲၣ်. ဟးထီၣ်ကွံာ်လၢပမဲာ်ညါတက့ၢ်. မ့တမ့ၢ်ဘၣ်ဒီးပကမၤနၤနးန့ၢ်အဝဲသ့ၣ်လီၤ.” အဝဲသ့ၣ်ဆီၣ်ကွံာ်ဝဲစီၤလိာ်ဆူလီၢ်ခံဒီးသုးဘူးထီၣ်အသးလၢ ကမၤဟးဂီၤကွံာ်တြဲၤအဂီၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:16

စီၤအမၤစယါမၤတံာ်တာ်ကွံာ်ဝံအတၢ်ကတိၤဒီးစံးဝဲ, “ပဒုးကဲထီၣ်နၤလၢပှၤဟ့ၣ်ကူၣ်စီၤပၤန့ၣ်, စးထီၣ်အခါဖဲလဲၣ်. ဆိကတီၢ်ကတိၤတၢ်တက့ၢ်. မ့တမ့ၢ်ယကမၢပှၤမၤသံဘၣ်နၤလီၤ.” တချုးလၢဝံဆိကတီၢ်ကွံာ်အတၢ်ကတိၤန့ၣ်, ဝံစံးဝဲဒၣ်, “ခဲအံၤယသ့ၣ်ညါလၢကစၢ်ယွၤပာ်လီၤလံအသးလၢ ကမၤဟးဂီၤကွံာ်နၤ, မ့ၢ်လၢနမၤတ့ၢ်ကယဲၢ်တၢ်ခဲလၢာ်အံၤဒီးတပာ်ကဲဘၣ်ယတၢ်ဟ့ၣ်ကူၣ် အဃိန့ၣ်လီၤ.”

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

လံာ်စီၤယိၤဘး 25:4

လၢကစၢ်ယွၤအမဲာ်ညါန့ၣ်ပှၤတီဝဲလိၤဝဲဒီးစီဝဲဆှံဝဲကသ့တဂၤဂၤဧါ.

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

လံာ်တၢ်ဟးထီၣ်ကွံာ် 2:14

ပှၤတဂၤန့ၣ်စံးဆၢဝဲ, “မ့ၢ်မတၤပာ်နၤလၢပဒိၣ်ဒီးစံၣ်ညီၣ် ကွီၢ်တဂၤလၢပဖီခိၣ်န့ၣ်လဲၣ်. မ့ၢ်နဆိကမိၣ်လၢနကမၤသံယၤဒ်နမၤသံပှၤအဲၤကူပတူးဖိတဂၤ အသိးစ့ၢ်ကီးဧါ.” တုၤနုၤတစုစီၤမိၤၡ့ပျံၤတၢ်ဒီးဆိကမိၣ်လၢအသးပူၤ, “ပှၤသ့ၣ်ညါတၢ်လၢယမၤတ့ၢ်အီၤန့ၣ်လံ.”

တၢ်ကတိၤဒိ. 22:10

ဟီထီၣ်ကွံာ်ပှၤပာ်ထီၣ်ထီအသးတဂၤတက့ၢ်. အန့ၣ်ဒီး, တၢ်ကတိၤဂ့ၢ်လိာ်ဘှီလိာ်တဖၣ်မ့ၢ်ဂ့ၤ, တၢ်အ့ၣ်လိာ်ဆိးက့လိာ်မ့ၢ်ဂ့ၤ, ဒီးတၢ်ကတိၤဒုၣ်ဒွဲၣ်တအိၣ်လၢၤဘၣ်.

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယၡါယၤ 65:5

ဝံၤဒီးအဝဲသ့ၣ်စံးဘၣ်ပှၤဂၤတဖၣ်အိၣ်ယံၤဒီးပှၤတက့ၢ်. အဂ့ၢ်ဒ်အံၤ, ပစီဆှံကဲၣ်ဆိးလၢသုကထိးဘၣ်ပှၤအဂီၢ်လီၤ. ပှၤဂီၢ်မုၢ်ဒ်သိးအံၤတဖၣ်ယကွၢ်အီၤတလိၤဘၣ်. ယတၢ်သးဒိၣ်ထီဒါအဝဲသ့ၣ်အံၤလီၤဂာ်ဒ်မ့ၣ်အူ တခါလၢအတလီၤပံာ်နီတစုဘၣ်အသိးန့ၣ်လီၤ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်လူၤကၣ် 11:45

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီအကျါတဂၤစံးဘၣ်အီၤ, “သရၣ်ဧၢ, ဖဲနကတိၤတၢ်ကတိၤတထံၣ်အံၤန့ၣ်, မ့ၢ်နကတိၤဒုၣ်ဒွဲၣ်, ကတိၤတရီတပါပှၤစ့ၢ်ကီးန့ၣ်လီၤ.”

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 18:17

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤလၢ်လၢ်လၢအတတူၢ်လိာ်ကစၢ်ယွၤအဘီအမုၢ်ဒ်ဖိသၣ် တဂၤအသိးန့ၣ်, တလဲၤနုာ်ဘၣ်ဝဲလၢအပူၤနီတစုဘၣ်.”

လံာ်လူၤကၣ် 6:22

“ဖဲပှၤသးဟ့သု, ဒီးတတူၢ်လိာ်သု, ဒီးကတိၤတရီတပါသု, ဒီးစံးအၢစံးသီသုလၢပှၤကညီဖိခွါအံၤအဃိန့ၣ်, သုဘၣ်ဆိၣ်ဂ့ၤသုဝဲနီၢ်နီၢ်လီၤ.

လံာ်ယိၤဟၣ် 6:37

ကယဲၢ်ပှၤလၢယပၢ်ဟ့ၣ်လီၤယၤတဖၣ်န့ၣ်ကဟဲဆူယအိၣ် လီၤ. ဒီးပှၤလၢအဟဲဆူယအိၣ်တဖၣ်န့ၣ်ယတဟီထီၣ်ကွံာ် အီၤနီတဂၤဘၣ်.

လံာ်ယိၤဟၣ် 8:41

သုမၤတၢ်လၢသုပၢ်မၤတ့ၢ်လံဝဲန့ၣ်လီၤ.” အဝဲသ့ၣ်စံးဆၢတၢ်ဒီးစံးဝဲ, “ပအိၣ်ဒီးပပၢ်ထဲတဂၤဧိၤလၢအမ့ၢ် ကစၢ်ယွၤအကစၢ်ဒၣ်ဝဲဒီးပမ့ၢ်အဖိနီၢ်နီၢ်တဖၣ်န့ၣ်လီၤ.”

လံာ်ယိၤဟၣ် 9:2

အပျဲၢ်အဘီၣ်တဖၣ်သံကွၢ်အီၤ, “သရၣ်ဧၢ, ပှၤတဂၤအံၤအိၣ်ဖျဲၣ်ထီၣ်အမဲာ်ဘျီၣ်န့ၣ်, ဟဲအသးလၢမတၤအတၢ်ဒဲးဘးအဃိလဲၣ်. မ့ၢ်အတၢ်ဒဲးဘးဒၣ်ဝဲဧါ. မ့တမ့ၢ်, မ့ၢ်အမိၢ်အပၢ်အတၢ်ဒဲးဘးအဃိဧါ.”

လံာ်ယိၤဟၣ် 9:22

အမိၢ်အပၢ်တဖၣ်စံးဆၢတၢ်ဒ်အံၤမ့ၢ်လၢအပျံၤပှၤယူဒၤဖိအခိၣ် အနၢ်တဖၣ်လၢအပာ်လီၤတ့ၢ်လံအသးလၢပှၤတဂၤလၢ်လၢ်လၢ အစံးလၢအနာ်ယ့ၣ်ၡူးမ့ၢ်ခရံာ်န့ၣ်, ကဘၣ်တၢ်ဟီထီၣ်ကွံာ်အီၤလၢဘူၣ်ဘျီၣ်ပူၤအဃိန့ၣ်လီၤ.

လံာ်ယိၤဟၣ် 9:35

ယ့ၣ်ၡူးနၢ်ဟူလၢပှၤဟီထီၣ်ကွံာ်အီၤဒီးဖဲအဝဲထံၣ်န့ၢ် ပှၤတဂၤအံၤန့ၣ်သံကွၢ်အီၤဒီးစံး, “နစူၢ်က့ၤနာ်က့ၤပှၤကညီဖိခွါဧါ.”

လံာ်ယိၤဟၣ် 9:40

ပှၤဖၤရံၤၡဲတနီၤလၢအအိၣ်ဒီးအီၤဖဲန့ၣ်, နၢ်ဟူအဝဲစံးတၢ်ဒ်အံၤဒီး သံကွၢ်အီၤ, “နအဲၣ်ဒိးစံးလၢပဝဲဒၣ်တဖၣ်အံၤပမဲာ်ဘျီၣ်စ့ၢ်ကီး န့ၣ်ဧါ.”

ကလၤတံ 2:15

ပအိၣ်ဖျဲၣ်ထီၣ်ဒ်ပှၤယူဒၤဖိတဖၣ်နီၢ်နီၢ်, ဒီးတမ့ၢ်, “ပှၤတၢ်ဒဲးဘးဖိကလုာ်ဂၤတဖၣ်” ဒ်အဘၣ်တၢ်ကိးအီၤအသိးန့ၣ်ဘၣ်.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

၃ ယိၤဟၣ် 1:10

လၢတၢ်န့ၣ်အဃိ, ယမ့ၢ်ဟဲဒီးယကမၤသ့ၣ်နီၣ်အီၤတၢ်လၢ အဝဲမၤတ့ၢ်ဝဲခဲလၢာ်, အတၢ်ကတိၤခဲၣ်သူခဲၣ်ဂီၤပှၤဒီးအတၢ်ကတိၤကဘျံးကဘျၣ် တဖၣ်န့ၣ်လီၤ. အအံၤဒၣ်လဲာ်အသးတမံဒံးဘၣ်ဒီး, ဖဲဒီပုၢ်ဝဲၢ်တဖၣ်ဟဲန့ၣ်တတူၢ်လိာ်ဝဲဘၣ်. ဒီးအါန့ၢ်အန့ၣ်, ပှၤလၢအသးအိၣ်တူၢ်လိာ်ဒီပုၢ်ဝဲၢ်တဖၣ်န့ၣ်, အဝဲတြီဝဲဒၣ်ဒီးနီၣ်ထီၣ်ဟီထီၣ်ကွံာ်အဝဲသ့ၣ် လၢတၢ်အိၣ်ဖှိၣ်အပူၤန့ၣ်လီၤ.

၃ ယိၤဟၣ် 1:9

ယကွဲးတ့ၢ်လံလံာ်ပရၢဖုၣ်ဖုၣ်တဘ့ၣ်ဆူတၢ်အိၣ်ဖှိၣ်အအိၣ်, ဘၣ်ဆၣ်ဒီးစီၤဒံအိၤတြ့ၤဖံလၢအသးအိၣ်ကဲအဝဲသ့ၣ်အခိၣ်အနၢ်တဂၤ, တကနၣ်ဃုာ်တၢ်လၢယစံးဘၣ်တဲဘၣ်တဖၣ် န့ၣ်ဘၣ်.

လံာ်လီၣ်ဖျါ 13:17

ပှၤလၢအတအိၣ်ဒီးတၢ်ပနီၣ်အဝဲအံၤန့ၣ်, ပှ့ၤတၢ်မ့ၢ်ဂ့ၤဆါတၢ်မ့ၢ်ဂ့ၤတသ့နီတဂၤဘၣ်. ဒ်ပစံးတၢ်အသိး, တၢ်ပနီၣ်လၢအမ့ၢ်ဝဲတၢ်ဒူတၢ်ဃိၤအမံၤ, မ့တမ့ၢ်နီၣ်ဂံၢ်လၢအပာ်ဖျါထီၣ်မံၤအဝဲန့ၣ်လီၤ.