လံာ်ယိၤဟၣ် 9:30 - Sgaw Karen Common Bible

³⁰ ပှၤအမဲာ်ထံၣ်ထီၣ်က့ၤတၢ်တဂၤန့ၣ်စံးဆၢတၢ်ဒီးစံးဝဲ, “တၢ်တမံၤအံၤမ့ၢ်တၢ်လီၤကမၢကမၣ်ဒိၣ်မးလီၤ. ပှၤတဂၤအံၤဟဲလၢလဲၣ်န့ၣ်သုတသ့ၣ်ညါဘၣ်. ဘၣ်ဆၣ်အဝဲမၤဘျါက့ၤယၤလၢယတၢ်မဲာ်ဘျီၣ်န့ၣ်လီၤ.

လံာ်ယိၤဟၣ် 9:30 Iomraidhean Croise

စံးထီၣ်ပတြၢၤ 119:18

အိးထီၣ်ယမဲာ်တက့ၢ်. ဒီးယကထံၣ်ဘၣ်တၢ်နတၢ်မ့ၢ်တၢ်တီလီၤလိၢ်လီၤလးတဖၣ်လၢ နတၢ်သိၣ်တၢ်သီအပူၤလီၤ.

လံာ်ယၡါယၤ 29:14

အဃိဒီး, ယကမၤဖုးမၤပျီၢ်ဒီးမၤလီၤထူၣ်အဝဲသ့ၣ်အသးလၢတၢ်လၢ အဝဲသ့ၣ်တမုၢ်လၢ်လၢအကဟဲဘၣ်အီၤတမံၤဝံၤတမံၤန့ၣ်လီၤ. ပှၤလၢအကူၣ်တၢ်သ့တဖၣ်ကကဲထီၣ်ကဒါက့ၤပှၤအမၢးတဖၣ်, ဒီးအတၢ်သ့တၢ်ဘၣ်ခဲလၢာ်န့ၣ်အဘျုးတအိၣ်လၢၤဘၣ်.”

လံာ်ယၡါယၤ 29:18

ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

လံာ်ယၡါယၤ 35:5

ပှၤမဲာ်ဘျီၣ်ကထံၣ်ထီၣ်က့ၤတၢ် ဒီးပှၤနၢ်တအၢကနၢ်ဟူတၢ်လီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 21:42

ယ့ၣ်ၡူးစံးဘၣ်အဝဲသ့ၣ်, “တၢ်ကွဲးအသးစီဆှံလၢအစံး, ‘လၢၢ်တဖျၢၣ်လၢပှၤသူၣ်ထီၣ်ဟံၣ်တဖၣ်ညိကွံာ်အီၤဒ် တၢ်လၢအလုၢ်အပှ့ၤတအိၣ်ဘၣ်အသိးန့ၣ်, ကဲထီၣ်က့ၤလၢၢ်ခိၣ်စိလၢ အကါဒိၣ်ကတၢၢ်တဖျၢၣ်လီၤ. အအံၤမ့ၢ်ကစၢ်အတၢ်မၤ, ဒီးမ့ၢ်တၢ်လီၤလးဒိၣ်မးလၢပမဲာ်ညါလီၤ’ န့ၣ်, မ့ၢ်သုတဖးဘၣ်ဘၣ်ဧါ” (စံး. ၁၁၈:၂၂-၂၃).

လံာ်မၢ်ကူး 6:6

ဒီးကမၢကမၣ်ဝဲဒိၣ်မးလၢပှၤသ့ၣ်တဖၣ်အတၢ်နာ်အီၤတအိၣ်ဘၣ်အဃိ လီၤ. ယ့ၣ်ၡူးဟးဝ့ၤဝီၤလၢသဝီအိၣ်ဘူးအိၣ်တံၢ်တဖၣ်အပူၤဒီးသိၣ် လီၤသီလီၤတၢ်လီၤ.

လံာ်လူၤကၣ် 7:22

အဝဲဒၣ်စံးဆၢက့ၤစီၤယိၤဟၣ်အပှၤဆှၢတၢ်ကစီၣ်တဖၣ်, “က့ၤဒီးတဲဘၣ်စီၤယိၤဟၣ်တၢ်လၢသုထံၣ်ဘၣ်ဒီးနၢ် ဟူဘၣ်တ့ၢ်သုဝဲန့ၣ်တက့ၢ်. ပှၤမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤခီၣ်ဟးဂီၤတဖၣ်ဟးထီၣ်က့ၤဝဲသ့, ပှၤလိၤတဂ့ၤတဖၣ်ဘၣ်တၢ်မၤကဆှီထီၣ်က့ၤအီၤ, ပှၤနၢ်တအၢတဖၣ်နၢ်ဟူထီၣ်က့ၤတၢ်, ပှၤသံတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ, ဒီးတၢ်သးခုကစီၣ်ဘၣ်တၢ်စံၣ်တဲၤတဲလီၤန့ၢ်ပှၤဖှီၣ်ဖိယာ်ဖိတဖၣ်လီၤ.

လံာ်ယိၤဟၣ် 12:37

ယ့ၣ်ၡူးမၤတၢ်လီၤလးတဖၣ်အံၤလၢအဝဲသ့ၣ်အမဲာ်ညါ ထဲထဲအံၤသနာ်က့, အဝဲသ့ၣ်တစူၢ်က့ၤနာ်က့ၤအီၤဘၣ်.

လံာ်ယိၤဟၣ် 3:10

ယ့ၣ်ၡူးစံးဆၢအီၤ, “နမ့ၢ်သရၣ်ဖးဒိၣ်တဂၤလၢပှၤအံၣ်စရ့လးဖိ အကျါဒီးနတသ့ၣ်ညါတၢ်အံၤဘၣ်ဧါ.

လံာ်ယိၤဟၣ် 9:29

ပသ့ၣ်ညါလၢကစၢ်ယွၤကတိၤတၢ်ဒီးစီၤမိၤၡ့လီၤ. မ့မ့ၢ်ပှၤအဝဲတဂၤန့ၣ်ဟဲလၢလဲၣ်ဒၣ်လဲာ်ပတသ့ၣ်ညါဘၣ်.”

လံာ်ယိၤဟၣ် 9:31

ပသ့ၣ်ညါလၢကစၢ်ယွၤတဒိကနၣ်ပှၤတၢ်ဒဲးဘးဖိတဖၣ် န့ၣ်ဘၣ်. မ့မ့ၢ်အဝဲဒိကနၣ်ပှၤလၢအယူးယီၣ်အီၤ ဒီးမၤတၢ်လၢအဘၣ်အသးန့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.