လံာ်ယိၤဟၣ် 9:17 - Sgaw Karen Common Bible

¹⁷ ပှၤဖၤရံၤၡဲတဖၣ်သံကွၢ်ကဒီးပှၤတဂၤအံၤ, “နစံးလၢအဝဲမၤဘျါက့ၤနၤလၢနတၢ်မဲာ်ဘျီၣ်လီၤ. ဂ့ၤလံ. နဲတခီနစံးလၢအဝဲအဂ့ၢ်ဒ်လဲၣ်.” အဝဲစံးဆၢဝဲ, “အဝဲဒၣ်မ့ၢ်ဝံတဂၤလီၤ.”

လံာ်ယိၤဟၣ် 9:17 Iomraidhean Croise

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်လူၤကၣ် 24:19

အဝဲသံကွၢ်ဝဲ, “တၢ်မနုၤတဖၣ်လဲၣ်.” အဝဲသ့ၣ်စံးဆၢဝဲ, “တၢ်လၢအမၤတ့ၢ်အသးဒီးပှၤနစၤရ့းဖိယ့ၣ်ၡူးအဂ့ၢ်တဖၣ်န့ၣ် လီၤ. ပှၤတဂၤအံၤမ့ၢ်ဝဲဝံတဂၤ, ဒီးကစၢ်ယွၤဒီးပှၤဂီၢ်မုၢ်ခဲလၢာ်ပာ်အီၤဒ် အအိၣ်ဒီးတၢ်စိတၢ်ကမီၤလၢ တၢ်စံးတၢ်ကတိၤဒီးတၢ်ဖံးတၢ်မၤန့ၣ်လီၤ.

လံာ်ယိၤဟၣ် 4:19

ပိာ်မုၣ်န့ၣ်စံးဝဲ, “ကစၢ်ဧၢ, ယထံၣ်လၢနမ့ၢ်ဝံတဂၤန့ၣ်လီၤ.

လံာ်ယိၤဟၣ် 6:14

ပှၤဂီၢ်မုၢ်ဖဲန့ၣ်တဖၣ်ထံၣ်ဘၣ်ယ့ၣ်ၡူးမၤတၢ်လီၤလးအံၤသတး ဒီးစံးဝဲ, “အဝဲဒၣ်အံၤမ့ၢ်နီၢ်နီၢ်ဝံလၢအကဟဲဆူဟီၣ်ခိၣ် တဂၤန့ၣ်လီၤ.”

လံာ်ယိၤဟၣ် 9:15

တုၤနုၤတစု, ပှၤဖၤရံၤၡဲတဖၣ်သံကွၢ်ကဒီးပှၤတဂၤအံၤ လၢအထံၣ်ထီၣ်က့ၤတၢ်ဒ်လဲၣ်အဂ့ၢ်န့ၣ်လီၤ. အဝဲစံးဆၢဝဲ, “ယ့ၣ်ၡူးပဲလီၤကပံာ်လၢယမဲာ်ချံအလိၤဝံၤ ယပျၢ်ယမဲာ်ဒီးခဲအံၤယထံၣ်ထီၣ်က့ၤတၢ်န့ၣ်လီၤ.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

လံာ်သိၣ်လီၤသီလီၤတၢ် 18:15

အခိၣ်တလိာ်, အဝဲကဆှၢလီၤန့ၢ်သုဝံတဂၤလၢအလီၤဂာ်ဒီးယၤလၢ သုပှၤဂီၢ်မုၢ်ဒၣ်ဝဲအကျါ, ဒီးသုကဘၣ်စူၢ်အီၤန့ၣ်လီၤ.