လံာ်ယိၤဟၣ် 9:10 - Sgaw Karen Common Bible

¹⁰ အဝဲသ့ၣ်သံကွၢ်အီၤ, “နထံၣ်ထီၣ်က့ၤတၢ်အခဲအံၤန့ၣ်, ဟဲအသးလၢကျဲဒ်လဲၣ်.”

လံာ်ယိၤဟၣ် 9:10 Iomraidhean Croise

လံာ်ပှၤစံၣ်တဲၤတဲလီၤတၢ် 11:5

ကစၢ်ယွၤမၤတၢ်ကိးမံၤဒဲးဒီးတၢ်လၢအမၤဝဲန့ၣ်ဒ်နတနၢ်ပၢၢ်သး သမူအသီဟဲအိၣ်ထီၣ်ဝဲလၢပိာ်မုၣ်တဂၤအဒၢလီၢ်ပူၤအသိး, နနၢ်ပၢၢ်အီၤတသ့ဘၣ်.

လံာ်ယံးရမံယၤ 36:17

အန့ၣ်ဒီး အဝဲသ့ၣ်သံကွၢ်အီၤ, “တဲဘၣ်ပှၤခဲအံၤလၢ နကွဲးတ့ၢ်တၢ်အံၤခဲလၢာ်သ့ဒ်လဲၣ်တက့ၢ်. မ့ၢ်စီၤယံးရမံယၤကိးထီၣ်န့ၢ် နၤဒီးနကွဲးလီၤအီၤန့ၣ်ဧါ.”

လံာ်မၢ်ကူး 4:27

လၢမုၢ်နၤအဝဲဒၣ်မံဝဲ, ဒီးလၢမုၢ်ဆ့ၣ်ထီၣ်န့ၣ်ဂဲၤဆၢထၢၣ်ဝဲဒီးလဲၤက့ၤဖံးမၤတၢ်ဒီနံၤညါလီၤ. ဒီးဖဲန့ၣ်ဒီကတီၢ်ညါတၢ်ချံန့ၣ်မဲထီၣ်ဒီးအထံးဖိဒိၣ်ထီၣ်ထီထီၣ်ဝဲလီၤ. သနာ်က့တၢ်ကဲထီၣ်အသးဒ်အံၤဟဲလၢကျဲဒ်လဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 3:9

စီၤနံၤကဒ့မူးသံကွၢ်အီၤ, “တၢ်အံၤမၤအသးကသ့ဒ်လဲၣ်.”

လံာ်ယိၤဟၣ် 6:1

တၢ်အံၤဝံၤဒီး, ယ့ၣ်ၡူးခီဂာ်ပီၣ်လဲၣ်ကၤလံၤလါ (လၢအဘၣ်တၢ်ကိးစ့ၢ်ကီးအီၤလၢပီၣ်လဲၣ်တံၤဘ့ၤရံ) ဆူဝၢ်ဘးခီန့ၣ်လီၤ.

လံာ်ယိၤဟၣ် 9:11

အဝဲဒၣ်စံးဆၢဝဲ, “ပှၤလၢပှၤကိးအီၤလၢယ့ၣ်ၡူးတဂၤကၢကပံာ်, ပဲလီၤဝဲလၢယမဲာ်ချံအလိၤ, ဒီးမၢယလဲၤပျၢ်ယမဲာ်လၢနိၣ်ၡံလိၤလီၤ. လၢတၢ်န့ၣ်အဃိယလဲၤယဲဒီးယပျၢ်ယမဲာ်ဝံၤတဘျီဃီ ယထံၣ်ထီၣ်က့ၤတၢ်န့ၣ်လီၤ.”

လံာ်ယိၤဟၣ် 9:15

တုၤနုၤတစု, ပှၤဖၤရံၤၡဲတဖၣ်သံကွၢ်ကဒီးပှၤတဂၤအံၤ လၢအထံၣ်ထီၣ်က့ၤတၢ်ဒ်လဲၣ်အဂ့ၢ်န့ၣ်လီၤ. အဝဲစံးဆၢဝဲ, “ယ့ၣ်ၡူးပဲလီၤကပံာ်လၢယမဲာ်ချံအလိၤဝံၤ ယပျၢ်ယမဲာ်ဒီးခဲအံၤယထံၣ်ထီၣ်က့ၤတၢ်န့ၣ်လီၤ.”

လံာ်ယိၤဟၣ် 9:21

ဘၣ်ဆၣ်ဒီးခဲအံၤအဝဲထံၣ်ထီၣ်က့ၤတၢ်လၢကျဲဒ်လဲၣ်န့ၣ် ပတသ့ၣ်ညါဘၣ်. ဒီးမတၤမၤဘျါက့ၤအီၤလဲၣ်န့ၣ်, ပတသ့ၣ်ညါစ့ၢ်ကီးဘၣ်. သံကွၢ်အီၤတက့ၢ်. အဝဲဒၣ်ဒိၣ်တုာ်ခိၣ်ပှဲၤလံ ဒီးစံးဆၢတၢ်လၢအဂီၢ်ဒၣ်ဝဲသ့ကစီဒီလီၤ.”

လံာ်ယိၤဟၣ် 9:26

အဝဲသ့ၣ်သံကွၢ်ကဒီးအီၤ, “အဝဲမၤနၤဒ်လဲၣ်. မၤဘျါက့ၤနၤလၢနတၢ်မဲာ်ဘျီၣ်န့ၣ်လၢကျဲဒ်လဲၣ်.”

လံာ်ယိၤဟၣ် 9:9

ပှၤတနီၤစံးဝဲ, “မ့ၢ်အဝဲလီၤ.” ဘၣ်ဆၣ်အဂၤတနီၤစံးဝဲ, “တမ့ၢ်အဝဲဘၣ်. မ့ၢ်ပှၤလၢအလီၤဂာ်ဒီးအီၤတခီလီၤ.” အန့ၣ်ဒီး အဝဲအကစၢ်ဒၣ်ဝဲစံး, “ယမ့ၢ်ပှၤအဝဲန့ၣ်လီၤ.”

1 ကရံၣ်သူး 15:35

ပှၤတဂၤကသံကွၢ်ဝဲ, “ပှၤသံကဘၣ်တၢ်ဒုးဂဲၤဆၢထၢၣ်သမူထီၣ် က့ၤအီၤလၢကျဲဒ်လဲၣ်. အဝဲသ့ၣ်ကအိၣ်ဒီးအနီၢ်ခိဒ်လဲၣ်တကလုာ် လဲၣ်.”