လံာ်ယိၤဟၣ် 8:7 - Sgaw Karen Common Bible

⁷ ဖဲအဝဲသ့ၣ်ဆၢထၢၣ်ဖဲန့ၣ်ဒီးသံကွၢ်အီၤတၢ်သံကွၢ်တဖၣ် အခါန့ၣ်, ယ့ၣ်ၡူးဝံၢ်ထီၣ်က့ၤအသးဒီးစံးဘၣ်အဝဲသ့ၣ်, “လၢသုဝဲအကျါတဂၤဂၤမ့ၢ်တမၤတၢ်ဒဲးဘးနီတမံၤဘၣ်ဒီး, မ်အကကွံာ်ဆိပိာ်မုၣ်အံၤလၢလၢၢ်တဖျၢၣ်တက့ၢ်.”

လံာ်ယိၤဟၣ် 8:7 Iomraidhean Croise

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

လံာ်ယံးရမံယၤ 23:29

ယတၢ်ကစီၣ်အံၤလီၤဂာ်ဒီးမ့ၣ်အူဒီးလီၤဂာ်ဒီးခံၣ်ခူၣ်လၢ အမၤသ့ၣ်ဖးမၤလီၤကလဲလၢၢ်ဧိၤလ့ဧိၤန့ၣ်လီၤ.

လံာ်ယိၤဟၣ် 7:46

တၢ်လုၢ်ဟံၣ်အပှၤပၢၤတၢ်ဖိတဖၣ်စံးဆၢတၢ်ဒီးစံးဝဲ, “ပှၤကတိၤတၢ်ဒ်ပှၤတဂၤအံၤအသိးတအိၣ်နီတဂၤဒံးဘၣ်.”

လံာ်ယိၤဟၣ် 8:10

ယ့ၣ်ၡူးဝံၢ်ထီၣ်အသးဒီးစံးဘၣ်ပိာ်မုၣ်န့ၣ်, “နီၢ်ဧၢ, အဝဲသ့ၣ်အိၣ်ဖဲလဲၣ်. ပှၤလၢအကစံၣ်ညီၣ်နၤတအိၣ်တီၢ်နီ တဂၤလၢၤဘၣ်ဧါ.”

လံာ်ယိၤဟၣ် 8:8

အန့ၣ်ဝံၤ, ယ့ၣ်ၡူးသကူးလီၤကဒီးအသးဒီးကွဲးလံာ်လၢဟီၣ်ခိၣ်လိၤန့ၣ် လီၤ.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.