လံာ်ယိၤဟၣ် 8:6 - Sgaw Karen Common Bible

⁶ အဝဲသ့ၣ်စံးတၢ်ဒ်အံၤမ့ၢ်ဒ်သိးကဖီၣ်န့ၢ်ယ့ၣ်ၡူးလၢအတၢ်ကတိၤ ဒၣ်ဝဲ, ဒီးပာ်တၢ်ကမၣ်လၢအလိၤကသ့အဂီၢ်လီၤ. ဘၣ်ဆၣ်ယ့ၣ်ၡူးသကူးလီၤအသးဝံၤဒီးကွဲးလံာ်လၢဟီၣ်ခိၣ်လိၤ လၢအစုမုၢ်စုနၢန့ၣ်လီၤ.

လံာ်ယိၤဟၣ် 8:6 Iomraidhean Croise

လံာ်တၢ်ကဲထီၣ်အခီၣ်ထံး 49:9

စီၤယူဒၤလီၤဂာ်ဒ်ခ့ယုၢ်တဒုအသိး, မၤသံဆၣ်ဖိကီၢ်ဖိလၢကအီၣ်ဝဲ, ဒီးက့ၤကဒါက့ၤဆူအလၢၢ်ကအိပူၤ, ကိာ်လီၤဒီးမံလီၤဝဲလီၤ. ပှၤမၤတံာ်တာ်အီၤတဘူၣ်ဘၣ်နီ တဂၤဘၣ်.

စံးထီၣ်ပတြၢၤ 39:1

ယစံး, “ယကပလီၢ်ပဒီယသးလၢတၢ်လၢယမၤ ဒီးယသုတမၤတၢ်ဒဲးဘးလၢ ယပျ့ၤအဃိန့ၣ်တဂ့ၤ. ယကကးတံာ်ယထးခိၣ် ဖဲပှၤတတီတလိၤတဖၣ်အိၣ်ဘူးဒီးယၤန့ၣ်လီၤ.”

တၢ်ကတိၤဒိ. 26:17

တၢ်မၤဃါဃုာ်ပသးလၢတၢ်ဂ့ၢ်လိာ်ဘှီလိာ်တမံၤလၢအတဘၣ်ဃးဒီး ပှၤအပူၤန့ၣ်လီၤဂာ်ဒ်တၢ်လဲၤလီၤဆူကျဲပူၤဒီးစှီၤထွံၣ်တဒုဖဲအနၢ် အသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:7

တၢ်အကတီၢ်လၢတၢ်ကဖှီတဲာ်တၢ်အဂီၢ်, ဒီးတၢ်အကတီၢ်လၢတၢ်ကဆးကျးတၢ်အဂီၢ်, တၢ်အကတီၢ်လၢတၢ်ကအိၣ်ဘှ့ၣ်အဂီၢ်, ဒီးတၢ်ဆၢကတီၢ်လၢတၢ်ကကတိၤတၢ်အဂီၢ်လီၤ.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်ဒၤနံးယ့လး 5:5

ဒီးတၢ်မၤအသးသတူၢ်ကလာ်လၢပှၤကညီအစုတခီအိၣ်ဖျါ ထီၣ်ဝဲဒီးကွဲးတၢ်လၢစီၤပၤအနူၢ်ပူၤဖဲဂီၤပၤကျံးဘျ့သးအလိၤ ဒီးမ့ၣ်အူဒၢတဖၣ်အတၢ်ကပီၤဆဲးလီၤကပြုၢ်ဘၣ်ဝဲအလီၢ်န့ၣ်လီၤ. ဒီးစီၤပၤထံၣ်ဘၣ်တ့ၢ်စုန့ၣ်ဖဲအကွဲးတၢ်လၢဂီၤပၤအလိၤန့ၣ်လီၤ.

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

လံာ်ဧၤမိၣ် 5:13

မၤသးဒ်န့ၣ်ဒီး, ပှၤလၢအကူၣ်တၢ်သ့န့ၣ်ကအိၣ်ဃိကလာ်လၢတၢ် အကတီၢ်ဒ်သိးအံၤအပူၤန့ၣ်လီၤ. အဂ့ၢ်ဒ်အံၤ, မ့ၢ်တၢ်အကတီၢ်လၢအအၢလီၤ.

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 15:23

ဘၣ်ဆၣ် ယ့ၣ်ၡူးတကတိၤဆၢအီၤနီတဘီဘၣ်. အပျဲၢ်အဘီၣ်တဖၣ်ဟဲဆူအအိၣ်ဒီးဃ့ကညးအီၤဒီးစံး, “မၢအက့ၤတက့ၢ်. အဂ့ၢ်ဒ်အံၤအဝဲဟးပိာ်ပခံဒီးကိးပသူထီၣ်ဝဲလၢပလီၢ်ခံလီၤ.”

လံာ်မးသဲ 16:1

ဒီးပှၤဖၤရံၤၡဲ ဒီးပှၤစးဒူၤကဲနီၤဟဲဆူယ့ၣ်ၡူးအအိၣ်, ဒီးဒ်သိးကမၤကွၢ်အီၤအဂီၢ်န့ၣ်, မၢအဒုးနဲၣ်အဝဲသ့ၣ်လၢတၢ်လီၤလးတမံၤလၢအဟဲလီၤလၢမူခိၣ်တခီ, ဒ်သိးကဒုးနဲၣ်အဝဲသ့ၣ်လၢကစၢ်ယွၤဘၣ်အသးလီၤဆီလၢအီၤအဂီၢ်လီၤ.

လံာ်မးသဲ 19:3

ပှၤဖၤရံၤၡဲတနီၤဟဲဆူအအိၣ်, ဒီးဒ်သိးအကမၤကွၢ်အီၤအဂီၢ်န့ၣ်, သံကွၢ်တၢ်ဒီးစံးဝဲ, “မ့ၢ်ပတၢ်သိၣ်တၢ်သီဟ့ၣ်ပှၤကညီတၢ်ပျဲလၢအကပာ်မၢ် အမါလၢတၢ်ဂ့ၢ်တမံၤဂ့ၤတမံၤဂ့ၤအဃိဧါ.”

လံာ်မးသဲ 22:18

ဘၣ်ဆၣ်, ယ့ၣ်ၡူးသ့ၣ်ညါစိအဝဲသ့ၣ်အတၢ်ကူၣ်အၢကူၣ်သီဒီးစံးဘၣ် အဝဲသ့ၣ်, “ပှၤပာ်မၤအသးသ့ၣ်ဧၢ, ဘၣ်မနုၤလၢသုဘၣ်သံကွၢ်သံ ဒိးယၤဒ်သိးသုကဖီၣ်န့ၢ်ယၤလၢယတၢ်ကတိၤဒၣ်ယဲန့ၣ်လဲၣ်.

လံာ်မးသဲ 22:35

အဝဲသ့ၣ်အကျါသရၣ်သိၣ်လိလံာ်တၢ်သိၣ်တၢ်သီတဂၤ, ဒ်သိးအကဖီၣ်ယ့ၣ်ၡူးလၢအတၢ်ကတိၤဒၣ်ဝဲအဂီၢ်န့ၣ်, သံကွၢ်အီၤလၢတၢ်သံကွၢ်တထံၣ်လီၤ.

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မၢ်ကူး 10:2

ပှၤဖၤရံၤၡဲတနီၤဟဲဆူအအိၣ်ဒီးအဲၣ်ဒိးမၤကွၢ်အီၤသတးဒီး သံကွၢ်အီၤ, “ပှၤတဂၤကပာ်မၢ်အမါန့ၣ်ပတၢ်သိၣ်တၢ်သီဟ့ၣ်အီၤတၢ်ပျဲဧါ.”

လံာ်မၢ်ကူး 12:15

ဘၣ်ဆၣ်ဒီးယ့ၣ်ၡူးသ့ၣ်ညါန့ၢ်အတၢ်ပာ်မၤအသးသတးဒီးစံးဆၢ အဝဲသ့ၣ်, “ဘၣ်မနုၤသုဘၣ်သံကွၢ်သံဒိးယၤဒ်သိးသုကဖီၣ်န့ၢ်ယၤလၢ ယတၢ်ကတိၤဒၣ်ယဲန့ၣ်လဲၣ်. ဟဲစိာ်န့ၢ်ယၤစ့ဒန့ၤရံတဘ့ၣ်ဒီးပျဲယကွၢ်အီၤတက့ၢ်.”

လံာ်မၢ်ကူး 3:2

ပှၤအိၣ်စ့ၢ်ကီးဖဲန့ၣ်တနီၤလၢအအဲၣ်ဒိးပာ်တၢ်ကမၣ်လၢယ့ၣ်ၡူး အလိၤသတးဒီးကွၢ်ဟုၣ်ကွၢ်စုာ်ဝဲမ့ၢ်အဝဲဒၣ်ကမၤဘျါက့ၤ ပှၤတဂၤန့ၣ်လၢပှၤယူဒၤဖိအမုၢ်အိၣ်ဘှံးနံၤဧါန့ၣ်လီၤ.

လံာ်မၢ်ကူး 8:11

ပှၤဖၤရံၤၡဲတနီၤဟဲဆူယ့ၣ်ၡူးအအိၣ်ဝံၤဂ့ၢ်လိာ်ဘှီလိာ်တၢ် ဒီးအီၤလီၤ. အဝဲသ့ၣ်အဲၣ်ဒိးမၤကွၢ်အီၤသတးဒီးမၢ အဝဲဒၣ်မၤဖျါထီၣ်တၢ်ပနီၣ်လီၤလးတမံၤမံၤလၢအဟဲလီၤလၢမူခိၣ် တခီ, ဒ်သိးကဒုးနဲၣ်အဝဲသ့ၣ်လၢကစၢ်ယွၤဘၣ်အသးလီၤဆီလၢအီၤ အဂီၢ်လီၤ.

လံာ်လူၤကၣ် 10:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤဂဲၤဆၢထၢၣ်ဒီး ဂုာ်ကျဲးစၢးဝဲဒ်သိးအကဖီၣ်န့ၢ်ယ့ၣ်ၡူးလၢအတၢ်ကတိၤဒၣ်ဝဲလီၤ. အဝဲဒၣ်သံကွၢ်ယ့ၣ်ၡူး, “သရၣ်ဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်န့ၣ်ယကဘၣ်မၤဒ်လဲၣ်.”

လံာ်လူၤကၣ် 11:16

မ့မ့ၢ်ပှၤအဂၤတဖၣ်သးအိၣ်မၤကွၢ်အီၤသတးဒီး, မၢအဝဲဒၣ်မၤတၢ်လီၤလးတမံၤဒ်သိးအကပာ်ဖျါထီၣ် ကစၢ်ယွၤအတၢ်ဘၣ်အသးလၢအီၤအဂီၢ်န့ၣ်လီၤ.

လံာ်ယိၤဟၣ် 8:2

ပှၤဂီၢ်မုၢ်ခဲလၢာ်ဟဲအိၣ်ဝးတရံးအီၤ, ဒီးအဝဲဆ့ၣ်နီၤဒီးသိၣ်လီၤသီလီၤအဝဲသ့ၣ်န့ၣ်လီၤ.

1 ကရံၣ်သူး 10:9

ပတဘၣ်လ့ပစီကစၢ် ဒ်အဝဲသ့ၣ်တနီၤမၤဝဲအသိးန့ၣ် ဘၣ်. ဒီးအဝဲသ့ၣ်ဘၣ်တၢ်မၤသံအီၤလၢဂုၢ်သ့ၣ်လီၤ.