လံာ်ယိၤဟၣ် 8:59 - Sgaw Karen Common Bible

⁵⁹ ထဲန့ၣ်ဒီး, အဝဲသ့ၣ်ထၢထီၣ်လၢၢ်တဖၣ်လၢကကွံာ်အီၤ အဂီၢ်, ဘၣ်ဆၣ်ယ့ၣ်ၡူးပာ်ခူသူၣ်အသးဒီး ဟးထီၣ်ကွံာ်လၢတၢ်လုၢ်ဟံၣ်အပူၤန့ၣ်လီၤ.

လံာ်ယိၤဟၣ် 8:59 Iomraidhean Croise

လံာ်တၢ်ကဲထီၣ်အခီၣ်ထံး 19:11

အန့ၣ်ဝံၤဒီး, အဝဲသ့ၣ်မၤဘျီၣ်ကွံာ်ကယဲၢ်ပှၤပိာ်ခွါခဲလၢာ်လၢ တၢ်ချၢသ့ၣ်တဖၣ်အမဲာ်ဒ်သိးအသုတထံၣ်န့ၢ်တြဲၤတဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:16

ဒီးပှၤလၢအဒုၣ်ဒွဲၣ်ယွၤအမံၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကယဲၢ်ပှၤအံၣ်စရ့လးဖိတဂၤဂၤမ့ၢ်ဂ့ၤပှၤတခီဘီ မုၢ်ဖိတဂၤဂၤမ့ၢ်ဂ့ၤလၢအဆိၣ်အၢယွၤန့ၣ်ကဘၣ်တၢ်ကွံာ်သံအီၤ လၢလၢၢ်လၢပှၤကမျၢၢ်န့ၣ်လီၤ.

လံာ်မးသဲ 12:14

တၢ်န့ၣ်ဝံၤဒီးပှၤဖၤရံၤၡဲတဖၣ်ဟးထီၣ်ဒီးကူၣ်ထီၣ်ဖးလီၤ သကိးလၢအကမၤသံယ့ၣ်ၡူးအဂီၢ်လီၤ.

လံာ်လူၤကၣ် 24:31

အဝဲသ့ၣ်အမဲာ်အိးထီၣ်အသးဒီးသ့ၣ်ညါက့ၤအီၤ, ဘၣ်ဆၣ်ဒီးအဝဲဒၣ်ဟါမၢ်ကွံာ်လၢအဝဲသ့ၣ်အမဲာ်ညါလီၤ.

လံာ်ယိၤဟၣ် 11:54

လၢတၢ်န့ၣ်အဃိ, ယ့ၣ်ၡူးတဟးထီၣ်က့ၤလီၤလၢကီၢ်ယူဒၤ အပူၤဖျိဖျိဖျါဖျါလၢၤဘၣ်. မ့မ့ၢ်ဟးထီၣ်ကွံာ်ဝဲဖဲန့ၣ်ဒီးလဲၤဝဲဆူဝ့ၢ်ကိးဝဲအမံၤလၢအ့ဖရဲၣ်, လၢအအိၣ်ဘူးဒီးပှၢ်မုၢ်ကနၢဒီးအိၣ်ဝဲဆိးဝဲဒီးအပျဲၢ်အဘီၣ် တဖၣ်ဖဲန့ၣ်လီၤ.

လံာ်ယိၤဟၣ် 11:8

အပျဲၢ်အဘီၣ်တဖၣ်စံးဆၢအီၤ, “သရၣ်ဧၢ, ဖဲအပူၤကွံာ်တယံာ်ဒံးဘၣ်ဒၣ်လဲာ်န့ၣ်, ပှၤယူဒၤဖိတဖၣ်သါကကွံာ်သံနၤလၢလၢၢ်, ဒီးခဲအံၤနကက့ၤကဒါက့ၤကဒီးဆူန့ၣ်ဧါ.”

လံာ်ယိၤဟၣ် 12:36

လၢတၢ်န့ၣ်အဃိ, ဖဲသုအိၣ်ဒံးဒီးတၢ်ကပီၤန့ၣ်, စူၢ်က့ၤနာ်က့ၤတၢ် ကပီၤအံၤဒ်သိးသုကကဲထီၣ်ပှၤတၢ်ကပီၤဖိတဖၣ်အဂီၢ်န့ၣ်တက့ၢ်. ယ့ၣ်ၡူးစံးတၢ်အံၤဝံၤဒီး, အဝဲဟးထီၣ်ကွံာ်ဒီးပာ်သဒၢကွံာ်အသးလၢအဝဲသ့ၣ်န့ၣ်လီၤ.

လံာ်ယိၤဟၣ် 18:31

စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, သုဝဲသ့ၣ်သုကစၢ် ဒၣ်ဝဲက့ၤကိးအီၤ, ဒီးစံၣ်ညီၣ်အီၤဒ်သုတၢ်ဘူၣ်တၢ်ဘါအတၢ်သိၣ်တၢ်သီအိၣ်ဝဲ အသိးန့ၣ်တက့ၢ်.” အဝဲသ့ၣ်စံးဆၢတၢ်ဒီးစံးဝဲ, “တၢ်တဟ့ၣ်ပှၤအခွဲးလၢ ပကမၤသံပှၤတဂၤဂ့ၤတဂၤဂ့ၤန့ၣ်ဘၣ်.”

လံာ်ယိၤဟၣ် 5:13

ဘၣ်ဆၣ်ပှၤလၢအဘျါက့ၤတဂၤအံၤယ့ၣ်ၡူးမ့ၢ်မတၤလဲၣ်န့ၣ် တသ့ၣ်ညါဝဲဘၣ်. အဂ့ၢ်မ့ၢ်လၢပှၤအိၣ်ဖဲန့ၣ်ဂီၢ်မုၢ်ဂီၢ်ပၤဒီး ယ့ၣ်ၡူးဟးထီၣ်ကွံာ်ဝဲကစုဒုအဃိန့ၣ်လီၤ.

လံာ်ယိၤဟၣ် 9:1

ဖဲယ့ၣ်ၡူးလဲၤတၢ်အဖၢမုၢ်ဒီး, အဝဲထံၣ်ပှၤတဂၤလၢအမဲာ်ဘျီၣ်လၢအအိၣ်ဖျဲၣ်ထီၣ်လံၤလံၤ န့ၣ်လီၤ.

မၤတၢ် 7:57

အန့ၣ်ဒီးပှၤလၢအမ့ၢ်ကီၣ်ကးဖိတဖၣ်န့ၣ်ကိးပသူထီၣ်လၢ အကလုၢ်ဖးဒိၣ်ဒီးကးတံာ်ဃာ်အနၢ်လၢအစုဝံၤ, ဃ့ၢ်သဖှိဃီၤဝဲတဘျီဃီဆူအဝဲဒၣ်အအိၣ်,

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.