လံာ်ယိၤဟၣ် 8:54 - Sgaw Karen Common Bible

⁵⁴ ယ့ၣ်ၡူးစံးဆၢတၢ်ဒီးစံးဝဲ, “ယမ့ၢ်ဘၣ်မၤလၤကပီၤလီၤ ယသးဒၣ်ယဲဒီး, တၢ်လၤကပီၤအဝဲန့ၣ်တမ့ၢ်လၢအလုၢ်အပှ့ၤ ကအိၣ်ဘၣ်. ပှၤလၢအမၤလၤကပီၤယၤတဂၤန့ၣ်မ့ၢ်ယပၢ်, ပှၤတဂၤဃီလၢသုစံးလၢအမ့ၢ်သုကစၢ်ယွၤန့ၣ်လီၤ.

လံာ်ယိၤဟၣ် 8:54 Iomraidhean Croise

တၢ်ကတိၤဒိ. 25:27

ကနဲစီအါကဲၣ်ဆိးန့ၣ်အၢလၢနဂီၢ်လီၤ. ဒ်န့ၣ်အသိး, တၢ်ကျဲးစၢးမၤန့ၢ်တၢ်စံးထီၣ်ပတြၢၤအါကဲၣ်ဆိးန့ၣ်မ့ၢ်တၢ် တမံၤဃီလီၤ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ဟိၤၡ့ 1:9

ယွၤတဲဘၣ်စီၤဟိၤၡ့, ကိးအမံၤလၢစီၤလိၤဧၣ်မံၤတက့ၢ်. အဂ့ၢ်ဒ်အံၤ, ပှၤအံၣ်စရ့လးဖိတမ့ၢ်ယပှၤဂီၢ်မုၢ်ဘၣ် ဒီးယဲစ့ၢ်ကီးယတမ့ၢ်အကစၢ်ယွၤဘၣ်.

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 17:5

ပၢ်ဧၢ, ခဲအံၤဟ့ၣ်ယၤတၢ်လၤကပီၤဖဲနအိၣ်အလီၢ်, တၢ်လၤကပီၤတမံၤဃီလၢအအိၣ်ဒီးယၤဖဲယအိၣ်ဒီးနၤ တချုးဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်တက့ၢ်.

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

လံာ်ယိၤဟၣ် 5:41

ယတဃုမၤန့ၢ်ပှၤဟီၣ်ခိၣ်ဖိအတၢ်စံးပတြၢၤယၤဘၣ်.

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

လံာ်ယိၤဟၣ် 7:39

ယ့ၣ်ၡူးစံးတၢ်အံၤဘၣ်ဃးဒီးယွၤအသးလၢ ပှၤလၢအစူၢ်က့ၤနာ်က့ၤအီၤတဖၣ်ကဒိးန့ၢ်ဘၣ်ဝဲန့ၣ်လီၤ. အကတီၢ်ဖဲန့ၣ်, ယွၤအသးတဘၣ်တၢ်ဟ့ၣ်လီၤအီၤဒံးဘၣ်န့ၣ်, မ့ၢ်လၢယ့ၣ်ၡူးတဘၣ်တၢ်ဒုးဂဲၤထၢၣ်အီၤဆူတၢ်လၤ ကပီၤဒံးဘၣ်အဃိလီၤ.

လံာ်ယိၤဟၣ် 8:41

သုမၤတၢ်လၢသုပၢ်မၤတ့ၢ်လံဝဲန့ၣ်လီၤ.” အဝဲသ့ၣ်စံးဆၢတၢ်ဒီးစံးဝဲ, “ပအိၣ်ဒီးပပၢ်ထဲတဂၤဧိၤလၢအမ့ၢ် ကစၢ်ယွၤအကစၢ်ဒၣ်ဝဲဒီးပမ့ၢ်အဖိနီၢ်နီၢ်တဖၣ်န့ၣ်လီၤ.”

လံာ်ယိၤဟၣ် 8:50

ယတဃုတၢ်လၤကပီၤလၢယဂီၢ်ဒၣ်ယဲဘၣ်. ဘၣ်ဆၣ်ပှၤလၢအဃုတၢ်အံၤဒီးစံၣ်ညီၣ်အိၣ်ပှိၤယၤန့ၣ် အိၣ်ဝဲတဂၤလီၤ.

မၤတၢ် 3:13

စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤအခ့အပှၤယ့ၣ်ၡူး လၢယွၤအလၤကပီၤန့ၣ်လီၤ. မ့မ့ၢ်သုဝဲဒၣ်, သုဟ့ၣ်လီၤကွံာ်အီၤဆူပှၤအခိၣ်အနၢ်တဖၣ်အစုပူၤ, ဒီးဖဲပဒိၣ်စီၤပံၤလးစံၣ်ညီၣ်တ့ၢ်လံဝဲလၢအကပျၢ်ထူၣ်ဖျဲး ကွံာ်အီၤဒၣ်လဲာ်န့ၣ်, သုညိကွံာ်အီၤလၢပဒိၣ်န့ၣ်အမဲာ်ညါလီၤ.

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.

၂ ပ့းတရူး 1:17

ဖဲပၢ်ကစၢ်ယွၤဟ့ၣ်လီၤအီၤတၢ်ပာ်ဒိၣ်ပာ်ထီဒီးတၢ်လၤကပီၤ အဆၢကတီၢ်, ဒီးဖဲယွၤလၢအလၤကပီၤဒိၣ်စိတဂၤအကလုၢ် ဟဲတုၤအိၣ်အီၤဒီး စံးဝဲ, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်ယသး လၢအီၤဒိၣ်မးလီၤ” အဆၢကတီၢ်န့ၣ်, ပအိၣ်ဖဲန့ၣ်လီၤ.