လံာ်ယိၤဟၣ် 8:53 - Sgaw Karen Common Bible

⁵³ ပပၢ်စီၤအၤဘြၤဟၣ်သံဝဲလံ. မ့ၢ်နစံးလီၤနသးလၢနဒိၣ်န့ၢ် စီၤအၤဘြၤဟၣ်န့ၣ်ဧါ. ဒီးဝံသ့ၣ်တဖၣ်သံဝဲစ့ၢ်ကီးလံ. နစံးလီၤနသးလၢနမ့ၢ်မတၤတဂၤလဲၣ်.”

လံာ်ယိၤဟၣ် 8:53 Iomraidhean Croise

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်မးသဲ 12:6

ယတဲဘၣ်သု, တၢ်တမံၤလၢအကါဒိၣ်န့ၢ်ဒံးတၢ်လုၢ်ဟံၣ်န့ၣ်အိၣ်ဝဲ ဒၣ်ဖဲအံၤလီၤ.

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်ယိၤဟၣ် 10:33

ပှၤယူဒၤဖိတဖၣ်စံးဆၢအီၤ, “တမ့ၢ်လၢတၢ်မၤအဂ့ၤတမံၤမံၤ အဃိ, ပသးအိၣ်ကွံာ်သံနၤလၢလၢၢ်န့ၣ်ဘၣ်. မ့ၢ်လၢနကတိၤဒုၣ်ဒွဲၣ်စံးအၢယွၤအဃိလီၤ. နမ့ၢ်ဒၣ်ပှၤကညီ တဂၤလီၤ. ဘၣ်ဆၣ်နစံးလီၤနသးလၢနမ့ၢ်ကစၢ်ယွၤလီၤ.”

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”

လံာ်ယိၤဟၣ် 19:7

အန့ၣ်ဒီး, ပှၤယူဒၤဖိတဖၣ်စံးဆၢတၢ်ဒီးစံးဝဲ, “မ့ၢ်လၢအဝဲစံးလီၤ အသးလၢအမ့ၢ်ကစၢ်ယွၤအဖိခွါအဃိဒီး, ဒ်ပတၢ်သိၣ်တၢ်သီတထံၣ်အိၣ်ဝဲအသိး, အဝဲကြၢးသံဝဲဒၣ်န့ၣ်လီၤ.”

လံာ်ယိၤဟၣ် 4:12

ပပၢ်စီၤယၤကိာ်ဟ့ၣ်လီၤပှၤလၢထံပူၤအံၤလီၤ. အဝဲဒီးအဖိ တဖၣ်, ဒီးအဆၣ်ဖိကီၢ်ဖိတဖၣ်အီထံလၢထံပူၤအံၤလီၤ. မ့ၢ်နစံးလီၤနသးလၢနဒိၣ်န့ၢ်ဒံးစီၤယၤကိာ်တက့ၢ်န့ၣ်ဧါ.”

လံာ်ယိၤဟၣ် 5:18

တၢ်ကတိၤအံၤမၤဆူၣ်မၤကိၤထီၣ်ပှၤယူဒၤဖိအခိၣ်အနၢ်တဖၣ် အသးအါန့ၢ်အလီၢ်လၢအကမၤသံကွံာ်ယ့ၣ်ၡူး, တမ့ၢ်ထဲလၢအဝဲလုၣ်သ့ၣ်ခါပတာ်မုၢ်အိၣ်ဘှံးနံၤတၢ်သိၣ် တၢ်သီဧိၤဘၣ်. မ့မ့ၢ်, မ့ၢ်လၢအဝဲစံးစ့ၢ်ကီးဝဲလၢ ကစၢ်ယွၤမ့ၢ်အပၢ်ဒၣ်ဝဲဒီးပာ်အသးထဲသိးဒီးယွၤအဃိ န့ၣ်လီၤ.

လံာ်ယိၤဟၣ် 8:58

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတီတီလိၤ လိၤ, တချုးလၢစီၤအၤဘြၤဟၣ်အိၣ်ဖျဲၣ်ထီၣ်ဒံးဘၣ်ဒီးယမ့ၢ် တၢ်လၢယမ့ၢ်လီၤ.”

ရိမ့ၤ 9:5

အဝဲသ့ၣ်ဟဲလီၤစၢၤလၢပၢ်သ့ၣ်လၢပျၢၤဒီးခရံာ်လၢ အလိၣ်ထီၣ်အသးဒ်ပှၤကညီတဂၤအသိးန့ၣ်, မ့ၢ်ပှၤ တကလုာ်ဃီဒီးအဝဲသ့ၣ်လီၤ. မ်ကစၢ်ယွၤလၢအပၢ တၢ်ခဲလၢာ်တဂၤ, ဘၣ်တၢ်စံးထီၣ်ပတြၢၤအီၤလီၤ စိၤလီၤထီတက့ၢ်. အၤမ့ၣ်.