လံာ်ယိၤဟၣ် 8:47 - Sgaw Karen Common Bible

⁴⁷ ပှၤလၢအဟဲလၢကစၢ်ယွၤအအိၣ်န့ၣ်, ဒိကနၣ်ကစၢ်ယွၤကလုၢ် ကထါတဖၣ်လီၤ. မ့မ့ၢ်သုဝဲတခီ, သုတဟဲလၢကစၢ်ယွၤအအိၣ်ဘၣ်အဃိသတးဒီး, သုတဒိကနၣ်တၢ်ဘၣ်.”

လံာ်ယိၤဟၣ် 8:47 Iomraidhean Croise

လံာ်ဒၤနံးယ့လး 12:10

ပှၤအါဂၤကဘၣ်တၢ်မၤကဆှီထီၣ်အီၤလီၤ. ပှၤအၢပှၤသီတဖၣ်န့ၣ်တမ့ၢ်က နၢ်ပၢၢ်ဝဲဘၣ်ဒီးကမၤဒံးတၢ်အၢတၢ်သီဆူညါဆူညါန့ၣ်လီၤ. ထဲဒၣ်ပှၤလၢအကူၣ်တၢ်သ့တဖၣ်ဧိၤကနၢ်ပၢၢ်ဝဲဒၣ်လီၤ.

လံာ်ယိၤဟၣ် 12:48

ပှၤတဂၤလၢ်လၢ်လၢအညိကွံာ်ယၤဒီးတတူၢ်လိာ်ယတၢ် ကစီၣ်ဘၣ်န့ၣ်, တၢ်လၢအကစံၣ်ညီၣ်အီၤအိၣ်ဝဲန့ၣ်လီၤ. တၢ်ကတိၤလၢယကတိၤတ့ၢ်လံတဖၣ်ကကဲထီၣ်တၢ်လၢ အကစံၣ်ညီၣ်အီၤလၢမုၢ်နံၤခံကတၢၢ်န့ၣ်လီၤ.

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 5:25

ယစံးဘၣ်တဲဘၣ်သုတၢ်မ့ၢ်တၢ်တီလၢအဆၢကတီၢ်ကဘၣ်ဝဲ, ဒီးဘၣ်လံခဲကနံၣ်အံၤလၢပှၤအသံတဖၣ်ကနၢ်ဟူကစၢ်ယွၤ အဖိခွါအကလုၢ်, ဒီးပှၤလၢအနၢ်ဟူတဖၣ်န့ၣ်ကမူထီၣ်ဝဲလီၤ.

လံာ်ယိၤဟၣ် 6:65

ဒီးစံးအါထီၣ်ကဒီးဝဲ, “လၢတၢ်န့ၣ်အဃိယစံးဘၣ်တ့ၢ်လံ သုလၢ, မ့တမ့ၢ်ဘၣ်လၢပၢ်ဟ့ၣ်တၢ်ပျဲဘၣ်ဒီးပှၤဟဲဆူယအိၣ် တသ့နီတဂၤဘၣ်.”

လံာ်ယိၤဟၣ် 8:37

ယသ့ၣ်ညါလၢသုမ့ၢ်စီၤအၤဘြၤဟၣ်အစၢၤအသွဲၣ်တဖၣ် လီၤ. အန့ၣ်ဒၣ်လဲာ်သုဂုာ်ကျဲးစၢးမၤသံယၤအဂ့ၢ်မ့ၢ်လၢ သုတတူၢ်လိာ်ယတၢ်သိၣ်လိသီလိအဃိလီၤ.

လံာ်ယိၤဟၣ် 8:43

ဘၣ်မနုၤအဃိသုတနၢ်ပၢၢ်တၢ်လၢယစံးကတိၤန့ၣ်လဲၣ်. တၢ်အဝဲအံၤမ့ၢ်ဒၣ်လၢတၢ်လၢယစံးဘၣ်တဲဘၣ်သုန့ၣ်, သုတူၢ်အီၤတပှဲၤဘၣ်အဃိလီၤ.

လံာ်ယိၤဟၣ် 8:45

ဘၣ်ဆၣ်မ့ၢ်ယစံးဘၣ်တဲဘၣ်သုတၢ်မ့ၢ်တၢ်တီအဃိသတး ဒီး, သုတစူၢ်က့ၤနာ်က့ၤယၤဘၣ်.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

၂ ယိၤဟၣ် 1:9

ပှၤတဂၤဂ့ၤတဂၤဂ့ၤလၢအတအိၣ်ဆိးဘၣ်လၢခရံာ်အတၢ် သိၣ်လိသီလိအပူၤ, ဒီးလဲၤခါပတာ်ကွံာ်အီၤန့ၣ်, ကစၢ်ယွၤတအိၣ်ဒီးအီၤဘၣ်. မတၤတဂၤဂ့ၤတဂၤဂ့ၤလၢအအိၣ်ဆိးဒီးအတၢ်သိၣ်လိသီလိန့ၣ်, ပၢ်ဒီးဖိခံဂၤလၢာ်အိၣ်ဒီးအီၤလီၤ.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.