လံာ်ယိၤဟၣ် 8:45 - Sgaw Karen Common Bible

⁴⁵ ဘၣ်ဆၣ်မ့ၢ်ယစံးဘၣ်တဲဘၣ်သုတၢ်မ့ၢ်တၢ်တီအဃိသတး ဒီး, သုတစူၢ်က့ၤနာ်က့ၤယၤဘၣ်.

လံာ်ယိၤဟၣ် 8:45 Iomraidhean Croise

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 8:46

မတၤတဂၤလၢသုကျါအုၣ်အသးလၢယမၤတၢ်ဒဲးဘးကသ့ န့ၣ်လဲၣ်. ယမ့ၢ်ကတိၤတၢ်မ့ၢ်တၢ်တီဒီး, ဘၣ်မနုၤအဃိလၢသုတစူၢ်က့ၤနာ်က့ၤယၤန့ၣ်လဲၣ်.

ကလၤတံ 4:16

ယစံးဘၣ်တဲဘၣ်သုတၢ်မ့ၢ်တၢ်တီအဃိအခဲအံၤ, မ့ၢ်ယကဲထီၣ်သုဒုၣ်သုဒါလံဧါ.

၂ သ့းစၤလနံ 2:10

ဒီးကသူဝဲတၢ်အၢတၢ်သီအတၢ်လီန့ၢ်တၢ်လၢကျဲကိးဘိဒဲး ဒီးလီန့ၢ်ပှၤလၢအကတုၤဆူတၢ်ဟးဂီၤအပူၤခဲလၢာ်လီၤ. အဂ့ၢ်မ့ၢ်လၢ, အဝဲသ့ၣ်တသးခုတူၢ်လိာ်, ဒီးတပာ်လုၢ်ပာ်ပှ့ၤတၢ်မ့ၢ်တၢ်တီဒ်သိးကဘၣ်တၢ်အုၣ်က့ၤ ခီၣ်က့ၤအီၤအဂီၢ်ဘၣ်အဃိန့ၣ်လီၤ.