လံာ်ယိၤဟၣ် 8:42 - Sgaw Karen Common Bible

⁴² ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

လံာ်ယိၤဟၣ် 8:42 Iomraidhean Croise

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 12:49

အဝဲအံၤမ့ၢ်တၢ်မ့ၢ်တၢ်တီလီၤ. အဂ့ၢ်ဒ်လဲၣ်န့ၣ်, ယတကတိၤတၢ်ဖဲယသးဒၣ်ယဲန့ၣ်ဘၣ်. ပၢ်လၢအမၢလီၤယၤတဂၤမၤလိာ်တ့ၢ်ယၤတၢ်လၢ ယကဘၣ်စံးဒီးကတိၤတဖၣ်န့ၣ်လီၤ.

လံာ်ယိၤဟၣ် 13:3

ယ့ၣ်ၡူးသ့ၣ်ညါဝဲလၢပၢ်ဟ့ၣ်လံအီၤတၢ်စိတၢ်ကမီၤလၢာ်လၢာ် ဆ့ဆ့, ဒီးသ့ၣ်ညါစ့ၢ်ကီးဝဲလၢအဝဲဟဲလၢကစၢ်ယွၤအအိၣ် ဒီးကက့ၤဆူကစၢ်ယွၤအအိၣ်န့ၣ်လီၤ.

လံာ်ယိၤဟၣ် 14:10

စီၤဖံလံးပူးဧၢ, မ့ၢ်နတနာ်လၢယအိၣ်လၢပၢ်အပူၤ ဒီးပၢ်အိၣ်လၢယပူၤန့ၣ်ဘၣ်ဧါ.” ယ့ၣ်ၡူးစံးဘၣ်အပျဲၢ်အဘီၣ် တဖၣ်, “တၢ်ကတိၤလၢယစံးဘၣ်တ့ၢ်သုတဖၣ်န့ၣ်, တမ့ၢ်ယကတိၤအီၤဖဲယသးဒၣ်ယဲဘၣ်. မ့ၢ်ပၢ်လၢအအိၣ်လၢ ယပူၤန့ၣ်, မၤအတၢ်မၤဒၣ်ဝဲန့ၣ်လီၤ.

လံာ်ယိၤဟၣ် 16:30

ခဲကနံၣ်အံၤ, ပသ့ၣ်ညါလၢနသ့ၣ်ညါတၢ်ခဲလၢာ် ဒီးပှၤကသံကွၢ်နၤတၢ်သံကွၢ်တဖၣ်အလီၢ်တအိၣ်လၢၤနီ တဂၤဘၣ်န့ၣ်လီၤ. တၢ်အဝဲအံၤဒုးနာ်ပှၤလၢနဟဲလၢပၢ် အအိၣ်န့ၣ်လီၤ.”

လံာ်ယိၤဟၣ် 17:25

ပၢ်လၢအတီအလိၤတဂၤဧၢ, ဟီၣ်ခိၣ်တသ့ၣ်ညါနၤဘၣ်. ဘၣ်ဆၣ်ယသ့ၣ်ညါနၤဒီးအဝဲသ့ၣ်, သ့ၣ်ညါလၢနမၢလီၤ ယၤန့ၣ်လီၤ.

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

လံာ်ယိၤဟၣ် 3:17

အဂ့ၢ်ဒ်အံၤ, တမ့ၢ်ဘၣ်ကစၢ်ယွၤမၢလီၤအဖိခွါဆူ ဟီၣ်ခိၣ်ချၢလၢအကစံၣ်ညီၣ်ပှၤဟီၣ်ခိၣ်ဖိအဂီၢ်န့ၣ် ဘၣ်. မ့ၢ်ဒ်သိးအကအုၣ်က့ၤခီၣ်က့ၤအီၤတခီန့ၣ်လီၤ.

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

လံာ်ယိၤဟၣ် 5:43

ယဟဲယဲလၢယပၢ်အမံၤ, ဘၣ်ဆၣ်ဒီးသုတတူၢ်လိာ်ယၤဘၣ်. ပှၤအဂၤမ့ၢ်ဟဲဆူသုအိၣ်လၢအမံၤဒၣ်ဝဲဒီး, သုကတူၢ်လိာ်အီၤန့ၣ်လီၤ.

လံာ်ယိၤဟၣ် 8:14

ယ့ၣ်ၡူးစံးဆၢအဝဲသ့ၣ်, “ယအုၣ်ယသးလၢယကစၢ်ဒၣ်ယဲအဂီၢ် သနာ်က့, တၢ်လၢယစံးန့ၣ်မ့ၢ်ဝဲတီဝဲလီၤ. အဂ့ၢ်ဒ်လဲၣ်န့ၣ်, ယသ့ၣ်ညါယဟဲလၢလဲၣ်ဒီးယကလဲၤဆူလဲၣ်န့ၣ်လီၤ. မ့မ့ၢ်သုဝဲသ့ၣ်အံၤသုတသ့ၣ်ညါယဟဲလၢလဲၣ်ဒီးယကလဲၤဆူလဲၣ် န့ၣ်ဘၣ်.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

၁ ယိၤဟၣ် 4:14

ဒီးပထံၣ်လံဒီးပစံးဘၣ်တဲဘၣ်ပှၤဂၤတဖၣ်လၢ ပၢ်မၢလီၤအဖိခွါဒ်သိးအကကဲထီၣ်ပှၤလၢကအုၣ် က့ၤခီၣ်က့ၤဟီၣ်ခိၣ်အဂီၢ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်လီၣ်ဖျါ 22:1

ကလူးတဂၤန့ၣ်ဒုးနဲၣ်စ့ၢ်ကီးယၤလၢထံမူအထံကျိလၢအက တြ့ၣ်ကတြိၣ်ဝဲဒ်လၢၢ်ဖျါကလၤအသိး, ဒီးဟဲယွၤလီၤလၢကစၢ်ယွၤဒီးသိဖိအလီၢ်ပစိာ်,