လံာ်ယိၤဟၣ် 8:39 - Sgaw Karen Common Bible

³⁹ အဝဲသ့ၣ်စံးဆၢအီၤ, “ပပၢ်မ့ၢ်စီၤအၤဘြၤဟၣ်လီၤ.” ဒီးယ့ၣ်ၡူးစံးဘၣ်အီၤ, “သုမ့မ့ၢ်နီၢ်နီၢ်စီၤအၤဘြၤဟၣ် အဖိတဖၣ်ဒီးသုကမၤတၢ်တမံၤဃီလၢအဝဲမၤတ့ၢ်ဝဲတဖၣ်လီၤ.

လံာ်ယိၤဟၣ် 8:39 Iomraidhean Croise

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်ယိၤဟၣ် 8:33

အဝဲသ့ၣ်စံးဆၢအီၤ, “ပမ့ၢ်စီၤအၤဘြၤဟၣ်အစၢၤအသွဲၣ်တဖၣ် ဒီးပတကဲပှၤဂၤအကုၢ်နီတဘျီဒံးဘၣ်ဒီးနစံးလၢ ‘တၢ်ကမၤထူၣ်ဖျဲးသု’ န့ၣ်, နပာ်နဲအခီပညီဒ်လဲၣ်.”

လံာ်ယိၤဟၣ် 8:37

ယသ့ၣ်ညါလၢသုမ့ၢ်စီၤအၤဘြၤဟၣ်အစၢၤအသွဲၣ်တဖၣ် လီၤ. အန့ၣ်ဒၣ်လဲာ်သုဂုာ်ကျဲးစၢးမၤသံယၤအဂ့ၢ်မ့ၢ်လၢ သုတတူၢ်လိာ်ယတၢ်သိၣ်လိသီလိအဃိလီၤ.

လံာ်ယိၤဟၣ် 8:43

ဘၣ်မနုၤအဃိသုတနၢ်ပၢၢ်တၢ်လၢယစံးကတိၤန့ၣ်လဲၣ်. တၢ်အဝဲအံၤမ့ၢ်ဒၣ်လၢတၢ်လၢယစံးဘၣ်တဲဘၣ်သုန့ၣ်, သုတူၢ်အီၤတပှဲၤဘၣ်အဃိလီၤ.

လံာ်ယိၤဟၣ် 8:56

သုပၢ်စီၤအၤဘြၤဟၣ်သူၣ်ခုသးခုလၢအကထံၣ်ဘၣ်ယတၢ်ဟဲ အဆၢကတီၢ်, ဒီးထံၣ်ဘၣ်ဝဲဒီးသူၣ်ခုသးခုဝဲလီၤ.”

ရိမ့ၤ 4:12

အဝဲမ့ၢ်စ့ၢ်ကီးပှၤဒိးတၢ်ကူးတရံးခဲလၢာ်အပၢ်, အခီပညီတမ့ၢ်ထဲအဝဲသ့ၣ်ကူးတရံးအသးအဃိဘၣ်. မ့မ့ၢ်, မ့ၢ်လၢအဝဲသ့ၣ်အိၣ်မူစ့ၢ်ကီးတၢ်နာ်အတၢ်အိၣ်မူ တမံၤဃီလၢပပၢ်စီၤအၤဘြၤဟၣ်အိၣ်မူတ့ၢ်ဝဲ တချုးလၢ အဒိးတၢ်ကူးတရံးအဃိန့ၣ်လီၤ.

ရိမ့ၤ 4:16

ဒီးလၢတၢ်န့ၣ်အဃိတၢ်အၢၣ်လီၤအီလီၤအံၤဒိးသန့ၤထီၣ် အသးလၢတၢ်နာ်အဖီခိၣ်, မ့ၢ်ဒ်သိးအကကဲထီၣ်တၢ်အုၣ်ခီၣ်အသးလၢကစၢ်ယွၤဟ့ၣ် ကလီတၢ်အၢၣ်လီၤအီလီၤအံၤလၢစီၤအၤဘြၤဟၣ်အစၢၤ အသွဲၣ်ခဲလၢာ်, ဒီးတမ့ၢ်ထဲလၢပှၤတိၢ်န့ၢ်တၢ်သိၣ်တၢ်သီ အဂီၢ်ဧိၤဘၣ်. မ့ၢ်စ့ၢ်ကီးလၢပှၤသ့ၣ်တဖၣ်လၢအနာ်တၢ်ဒ် စီၤအၤဘြၤဟၣ်နာ်တ့ၢ်ဝဲအသိးအဂီၢ်န့ၣ်လီၤ. အဂ့ၢ်ဒ်အံၤ, စီၤအၤဘြၤဟၣ်မ့ၢ်ပဝဲခဲလၢာ်အပၢ်လၢသူၣ်လၢသးန့ၣ် လီၤ.

ရိမ့ၤ 9:7

ဒ်န့ၣ်အသိး, ပှၤလၢအဟဲလီၤစၢၤလၢစီၤအၤဘြၤဟၣ် တဖၣ်စ့ၢ်ကီးတမ့ၢ်ကစၢ်ယွၤအဖိခဲလၢာ်န့ၣ်ဘၣ်. ကစၢ်ယွၤ စံးဘၣ်စီၤအၤဘြၤဟၣ်, “နစၢၤနသွဲၣ်လၢယအၢၣ်လီၤနၤ တဖၣ်န့ၣ်ကမ့ၢ်ပှၤလၢအဟဲလီၤစၢၤလၢစီၤအံၤစဲးန့ၣ်လီၤ” (ကဲထီၣ်၂၁:၁၂).

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

ကလၤတံ 3:7

မ့မ့ၢ်ဒ်န့ၣ်ဒီး, သုကြၢးသ့ၣ်ညါနၢ်ပၢၢ်လၢပှၤလၢအလီၤစၢၤနီၢ်နီၢ် လၢစီၤအၤဘြၤဟၣ်မ့ၢ်ပှၤတဖၣ်လၢအအိၣ်ဒီးတၢ်စူၢ်တၢ်နာ်န့ၣ်လီၤ.