လံာ်ယိၤဟၣ် 8:37 - Sgaw Karen Common Bible

³⁷ ယသ့ၣ်ညါလၢသုမ့ၢ်စီၤအၤဘြၤဟၣ်အစၢၤအသွဲၣ်တဖၣ် လီၤ. အန့ၣ်ဒၣ်လဲာ်သုဂုာ်ကျဲးစၢးမၤသံယၤအဂ့ၢ်မ့ၢ်လၢ သုတတူၢ်လိာ်ယတၢ်သိၣ်လိသီလိအဃိလီၤ.

လံာ်ယိၤဟၣ် 8:37 Iomraidhean Croise

လံာ်မးသဲ 13:15

အဂ့ၢ်ဒ်အံၤ, ပှၤတဖၣ်အံၤအသူၣ်ဃၢအသးဃၢဝဲ, အနၢ်တဖၣ်ဃၢဝဲလၢကနၢ်ဟူတၢ်အဂီၢ်, ဒီးဘံၣ်ဃာ်အမဲာ်ချံဒ်သိးအသုတထံၣ်တၢ် လၢအမဲာ်ချံတဂ့ၤအဂီၢ်လီၤ. မ့တမ့ၢ်ဘၣ်ဒီးကနၢ်ဟူတၢ်လၢအနၢ် ဒီးကနၢ်ပၢၢ်တၢ်လၢအသးဒီး ကဃၣ်ကဒါက့ၤအသးဆူယအိၣ်, ကစၢ်ယွၤစံးဝဲဒၣ်, ဒီးယကမၤဘျါက့ၤအဝဲသ့ၣ်လီၤ’ (ၡါ. ၆:၉-၁၀).

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်ယိၤဟၣ် 10:31

အန့ၣ်ဒီးပှၤယူဒၤဖိတဖၣ်ထၢထီၣ်ကဒီးလၢၢ်လၢကကွံာ်အီၤ အဂီၢ်လီၤ.

လံာ်ယိၤဟၣ် 11:53

စးထီၣ်လၢမုၢ်နံၤအဝဲန့ၣ်, ပှၤယူဒၤဖိအခိၣ်အနၢ်တဖၣ် ကူၣ်ထီၣ်ဖးလီၤလၢအကမၤသံယ့ၣ်ၡူးန့ၣ်လီၤ.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

လံာ်ယိၤဟၣ် 7:1

တၢ်အံၤဝံၤအလီၢ်ခံဒီး, ယ့ၣ်ၡူးဟးဝ့ၤဝီၤဝဲလၢကီၢ်ကၤလံၤလါ အပူၤလီၤ. မ့ၢ်လၢပှၤယူဒၤဖိအခိၣ်အနၢ်တဖၣ်ဃုမၤသံအီၤ အဃိ, အဝဲတသးအိၣ်ဟးဝ့ၤဝီၤလၢကီၢ်ယူဒၤအပူၤန့ၣ်ဘၣ်.

လံာ်ယိၤဟၣ် 7:19

စီၤမိၤၡ့ဟ့ၣ်သုလၢတၢ်သိၣ်တၢ်သီ တမ့ၢ်ဘၣ်ဧါ. ဘၣ်ဆၣ်ဒီးသုတဒိကနၣ်တၢ်သိၣ်တၢ်သီန့ၣ်နီ တဂၤဘၣ်. ဘၣ်မနုၤအဃိလၢသုဃုမၤသံယၤန့ၣ်လဲၣ်.”

လံာ်ယိၤဟၣ် 7:25

ပှၤဝ့ၢ်ယရူၤၡလ့ၣ်ဖိတနီၤစံးဝဲ, “ပှၤတဂၤအံၤတမ့ၢ်ပှၤလၢပှၤယူဒၤဖိအခိၣ်အနၢ် တဖၣ်ကျဲးစၢးဃုမၤသံကွံာ်အီၤန့ၣ်ဘၣ်ဧါ.

လံာ်ယိၤဟၣ် 8:33

အဝဲသ့ၣ်စံးဆၢအီၤ, “ပမ့ၢ်စီၤအၤဘြၤဟၣ်အစၢၤအသွဲၣ်တဖၣ် ဒီးပတကဲပှၤဂၤအကုၢ်နီတဘျီဒံးဘၣ်ဒီးနစံးလၢ ‘တၢ်ကမၤထူၣ်ဖျဲးသု’ န့ၣ်, နပာ်နဲအခီပညီဒ်လဲၣ်.”

လံာ်ယိၤဟၣ် 8:43

ဘၣ်မနုၤအဃိသုတနၢ်ပၢၢ်တၢ်လၢယစံးကတိၤန့ၣ်လဲၣ်. တၢ်အဝဲအံၤမ့ၢ်ဒၣ်လၢတၢ်လၢယစံးဘၣ်တဲဘၣ်သုန့ၣ်, သုတူၢ်အီၤတပှဲၤဘၣ်အဃိလီၤ.

လံာ်ယိၤဟၣ် 8:56

သုပၢ်စီၤအၤဘြၤဟၣ်သူၣ်ခုသးခုလၢအကထံၣ်ဘၣ်ယတၢ်ဟဲ အဆၢကတီၢ်, ဒီးထံၣ်ဘၣ်ဝဲဒီးသူၣ်ခုသးခုဝဲလီၤ.”

လံာ်ယိၤဟၣ် 8:59

ထဲန့ၣ်ဒီး, အဝဲသ့ၣ်ထၢထီၣ်လၢၢ်တဖၣ်လၢကကွံာ်အီၤ အဂီၢ်, ဘၣ်ဆၣ်ယ့ၣ်ၡူးပာ်ခူသူၣ်အသးဒီး ဟးထီၣ်ကွံာ်လၢတၢ်လုၢ်ဟံၣ်အပူၤန့ၣ်လီၤ.

လံာ်ယိၤဟၣ် 8:6

အဝဲသ့ၣ်စံးတၢ်ဒ်အံၤမ့ၢ်ဒ်သိးကဖီၣ်န့ၢ်ယ့ၣ်ၡူးလၢအတၢ်ကတိၤ ဒၣ်ဝဲ, ဒီးပာ်တၢ်ကမၣ်လၢအလိၤကသ့အဂီၢ်လီၤ. ဘၣ်ဆၣ်ယ့ၣ်ၡူးသကူးလီၤအသးဝံၤဒီးကွဲးလံာ်လၢဟီၣ်ခိၣ်လိၤ လၢအစုမုၢ်စုနၢန့ၣ်လီၤ.

မၤတၢ် 13:26

ယဒီပုၢ်ဒီဝဲၢ်, ပှၤအံၣ်စရ့လးဖိလၢအမ့ၢ်စီၤအၤဘြၤဟၣ်အစၢၤအသွဲၣ်, ဒီးပှၤကလုာ်ဂၤဖဲအံၤခဲလၢာ်လၢအဘူၣ်ထီၣ်ဘါထီၣ်ကစၢ်ယွၤသ့ၣ် သုဧၢ, တၢ်အုၣ်က့ၤခီၣ်က့ၤအကစီၣ်အဝဲအံၤန့ၣ်, ဘၣ်တၢ်ဆှၢလီၤတ့ၢ်အီၤလၢပဂီၢ်လီၤ.

ရိမ့ၤ 9:7

ဒ်န့ၣ်အသိး, ပှၤလၢအဟဲလီၤစၢၤလၢစီၤအၤဘြၤဟၣ် တဖၣ်စ့ၢ်ကီးတမ့ၢ်ကစၢ်ယွၤအဖိခဲလၢာ်န့ၣ်ဘၣ်. ကစၢ်ယွၤ စံးဘၣ်စီၤအၤဘြၤဟၣ်, “နစၢၤနသွဲၣ်လၢယအၢၣ်လီၤနၤ တဖၣ်န့ၣ်ကမ့ၢ်ပှၤလၢအဟဲလီၤစၢၤလၢစီၤအံၤစဲးန့ၣ်လီၤ” (ကဲထီၣ်၂၁:၁၂).

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

၁ ယိၤဟၣ် 2:14

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုသ့ၣ်ညါ ပၢ်ကစၢ်အဃိလီၤ. ပၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢ သုသ့ၣ်ညါပှၤလၢအအိၣ်တ့ၢ်လံလၢတၢ်အခီၣ်ထံးလံၤလံၤ တဂၤအဃိလီၤ. ပှၤသးစၢ်သ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုဂံၢ်ဆူၣ်ဘါဆူၣ်အဃိလီၤ. ကစၢ်ယွၤအကလုၢ်ကထါမူလၢသုပူၤ, ဒီးသုမၤနၢၤကွံာ်တၢ် အၢတၢ်သီတဂၤလီၤ.