လံာ်ယိၤဟၣ် 8:28 - Sgaw Karen Common Bible

²⁸ မၤသးဒ်န့ၣ်ဒီးယ့ၣ်ၡူးစံးဘၣ်အဝဲသ့ၣ်, “တုၤသုယူာ်ထီၣ် ပှၤကညီဖိခွါအံၤဒီး, သုကသ့ၣ်ညါလၢ ‘ယမ့ၢ်တၢ်လၢယမ့ၢ်’ လီၤ. တုၤနုၤတစုသုကသ့ၣ်ညါလၢယတမၤတၢ်လၢယစိ ကမီၤဒၣ်ယဲနီတမံၤဘၣ်. မ့မ့ၢ်တခီ, ယစံးကတိၤထဲတၢ်လၢ ယပၢ်သိၣ်လိယၤလၢယကစံးကတိၤအီၤတဖၣ်ဧိၤန့ၣ်လီၤ.

လံာ်ယိၤဟၣ် 8:28 Iomraidhean Croise

လံာ်တၢ်ဟးထီၣ်ကွံာ် 3:14

ဒီးကစၢ်ယွၤစံးဘၣ်စီၤမိၤၡ့, “ယမ့ၢ်တၢ်လၢယမ့ၢ်လီၤ. နကဘၣ်တဲဘၣ်အဝဲသ့ၣ်, ပှၤတဂၤလၢအကိးလီၤအသးလၢ ‘ယမ့ၢ်’ န့ၣ်ဆှၢလီၤယၤဆူသုအိၣ်န့ၣ်လီၤ.

လံာ်မးသဲ 24:5

ပှၤအါဂၤကဟဲလၢယမံၤဒီးစံး, ‘ယမ့ၢ်ခရံာ်’ လီၤ. ဒီးအဝဲသ့ၣ်ကလီန့ၢ်ပှၤအါဂၤလီၤ.

လံာ်မၢ်ကူး 13:6

ပှၤအါဂၤကဟဲဒီးကမၤအသးဒ်အမ့ၢ်ယၤအသိးဒီးကစံးဝဲလၢအမ့ၢ် ခရံာ်ဒီးကလီန့ၢ်လွဲန့ၢ်ပှၤအါဂၤအသးလီၤ.

လံာ်လူၤကၣ် 21:8

ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ.

လံာ်ယိၤဟၣ် 11:42

ယသ့ၣ်ညါလၢနဒိကနၣ်ယၤထီဘိတထံၣ်ဃီလီၤ. ဘၣ်ဆၣ်ယစံးတၢ်အံၤမ့ၢ်ဒၣ်ဒ်သိးဒီးပှၤဂီၢ်မုၢ်ဖဲအံၤတဖၣ် ကနာ်ဝဲလၢနမၢလီၤယၤအဂီၢ်န့ၣ်လီၤ.”

လံာ်ယိၤဟၣ် 13:19

ခဲအံၤတချုးလၢတၢ်မၤအသးဒံးဘၣ်န့ၣ်, ယတဲဘၣ်သုလၢတၢ်ဂ့ၢ် တဖၣ်အံၤဒ်သိးတုၤတၢ်မၤအသးဒီး, သုကနာ်လၢ ‘ယမ့ၢ်တၢ်လၢ ယမ့ၢ်’ န့ၣ်လီၤ.

လံာ်ယိၤဟၣ် 16:10

လၢတၢ်အမ့ၢ်အတီအဂ့ၢ်, မ့ၢ်လၢယလဲၤဆူပၢ်အအိၣ်ဒီး သုတထံၣ်ဘၣ်လၢၤယၤဘၣ်အဃိန့ၣ်လီၤ.

လံာ်ယိၤဟၣ် 18:32

(တၢ်အဝဲအံၤမၤအသးမ့ၢ်ဒ်သိးတၢ်လၢယ့ၣ်ၡူးစံးတ့ၢ်ဝဲဘၣ်ထွဲဒီး အဝဲကဘၣ်သံလၢတၢ်သံဒ်လဲၣ်န့ၣ်, ကလၢထီၣ်ပှဲၤထီၣ်ဝဲအဂီၢ် န့ၣ်လီၤ.)

လံာ်ယိၤဟၣ် 19:18

ဒီးဖဲန့ၣ်, အဝဲသ့ၣ်ပျၤထီယ့ၣ်ၡူးလၢထူၣ်စုညါအလိၤ, ဒီးပျၤထီစ့ၢ်ကီးပှၤအဂၤခံဂၤလၢထူၣ်စုညါအလိၤဖဲယ့ၣ်ၡူး အကပၤတခီတဂၤ, ဒီးယ့ၣ်ၡူးအိၣ်ဝဲလၢပှၤခံဂၤန့ၣ်အဘၢၣ် စၢၤလီၤ.

လံာ်ယိၤဟၣ် 3:11

ယတဲဘၣ်နၤတီတီလိၤလိၤ, ပကတိၤတၢ်လၢပသ့ၣ်ညါ ဒီး ပပာ်ဖျါတၢ်လၢပထံၣ်, အန့ၣ်ဒၣ်လဲာ် သုဝဲလၢအသးအိၣ်တူၢ်လိာ်ပတၢ်ကစီၣ်တအိၣ်နီတဂၤဘၣ်.

လံာ်ယိၤဟၣ် 3:14

ဒီးဒ်စီၤမိၤၡ့ယူာ်ထီၣ်ဂုၢ်တိၢ်ဘီလၢနီၣ်ထိးဘိအလိၤလၢပှၢ်မုၢ်ကနၢ အသိးန့ၣ်, ပှၤကညီဖိခွါအံၤကဘၣ်တၢ်ယူာ်ထီၣ်အီၤဒ်န့ၣ်အသိး,

လံာ်ယိၤဟၣ် 4:26

ယ့ၣ်ၡူးစံးဆၢအီၤ, “ယၤ, ပှၤလၢအကတိၤတၢ်ဒီးနၤခဲအံၤန့ၣ်, မ့ၢ်ပှၤအဝဲန့ၣ်လီၤ.”

လံာ်ယိၤဟၣ် 5:19

မၤသးဒ်န့ၣ်ဒီး, ယ့ၣ်ၡူးစံးဆၢအဝဲသ့ၣ်, “ယစံးဘၣ်တဲဘၣ်သုတၢ်မ့ၢ်တၢ်တီလီၤ. ဖိခွါမၤဒၣ်အတၢ်တသ့နီတမံၤဘၣ်. မၤဝဲသ့ထဲတၢ်လၢအဝဲထံၣ်အပၢ်မၤဝဲန့ၣ်လီၤ. တၢ်လၢပၢ်မၤတမံၤလၢ်လၢ်န့ၣ်, ဖိခွါမၤစ့ၢ်ကီးဝဲလီၤ.

လံာ်ယိၤဟၣ် 5:30

ယမၤတၢ်လၢယစိကမီၤဒၣ်ယဲတသ့နီတမံၤဘၣ်. ယစံၣ်ညီၣ်တၢ်ဒ်ယွၤစံးဘၣ်တဲဘၣ်ယၤအသိးအဃိ ယတၢ်စံၣ်ညီၣ်န့ၣ်ဘၣ်ဝဲလီၤ. အဂ့ၢ်ဒ်အံၤ, တမ့ၢ်ယကျဲးစၢးမၤတၢ်လၢအဘၣ်ယသးန့ၣ်ဘၣ်. မ့မ့ၢ်, ယမၤထဲပှၤလၢအမၢလီၤယၤတဂၤအတၢ်ဘၣ်အသး အဃိန့ၣ်လီၤ.

လံာ်ယိၤဟၣ် 6:38

အဂ့ၢ်ဒ်လဲၣ်န့ၣ်, ယဟဲလီၤလၢမူခိၣ် ဒ်သိးယကမၤပှၤလၢအမၢလီၤယၤတဂၤအတၢ်ဘၣ်အသး ဒီးတမ့ၢ်တၢ်ဘၣ်ယသးဒၣ်ယဲအဂီၢ်န့ၣ်ဘၣ်.

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

လံာ်ယိၤဟၣ် 8:27

အဝဲသ့ၣ်တနၢ်ပၢၢ်ဝဲဒၣ်လၢယ့ၣ်ၡူးကတိၤတၢ်ဒီးအဝဲသ့ၣ်ဘၣ်ဃးဒီးပၢ် အဂ့ၢ်န့ၣ်ဘၣ်.

လံာ်ယိၤဟၣ် 8:58

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတီတီလိၤ လိၤ, တချုးလၢစီၤအၤဘြၤဟၣ်အိၣ်ဖျဲၣ်ထီၣ်ဒံးဘၣ်ဒီးယမ့ၢ် တၢ်လၢယမ့ၢ်လီၤ.”

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.