လံာ်ယိၤဟၣ် 8:21 - Sgaw Karen Common Bible

²¹ ယ့ၣ်ၡူးစံးဘၣ်ကဒီးအဝဲသ့ၣ်, “ယကဟးထီၣ်လဲၤတၢ်, ဒီးသုကဃုယၤဘၣ်ဆၣ်သုကသံလၢသုတၢ်ဒဲးဘးတဖၣ် အပူၤလီၤ. တၢ်လီၢ်လၢယလဲၤန့ၣ်သုလဲၤတသ့ဘၣ်.”

လံာ်ယိၤဟၣ် 8:21 Iomraidhean Croise

လံာ်စီၤပၤအခီၣ်ထံးတဘ့ၣ် 18:10

လၢယွၤ, နကစၢ်ယွၤလၢအမူဝဲတဂၤအမံၤအပူၤန့ၣ်, ယဆိၣ်လီၤယသးလၢစီၤပၤကွၢ်ဃုနၤလၢထံကီၢ်ကိးဘ့ၣ်ဒဲးအပူၤ လၢဟီၣ်ခိၣ်ချၢန့ၣ်လီၤ. တဘျီလၢ်လၢ်ဖဲထံကီၢ်တဘ့ၣ်အစီၤပၤပာ်ဖျါဝဲလၢနတအိၣ်ဘၣ်လၢ အဝဲအထံကီၢ်အပူၤန့ၣ်, စီၤပၤအၤဃာ်ကဃ့စီၤပၤအဝဲန့ၣ်လၢကဆိၣ်လီၤအသး, လၢတၢ်တထံၣ်န့ၢ်ဘၣ်နၤဘၣ်န့ၣ်လီၤ.

လံာ်စီၤယိၤဘး 20:11

အနီၢ်ခိဖျါစၢ်ဒီးပှဲၤဂံၢ်ပှဲၤဘါသနာ်က့, တယံာ်ဘၣ်န့ၣ်ကကဲထီၣ်ဟီၣ်ခိၣ်ကမူၣ်လီၤ.

တၢ်ကတိၤဒိ. 11:7

ဖဲပှၤတတီတလိၤတဂၤသံဝဲန့ၣ်, အတၢ်မုၢ်လၢ်သံဃုာ်ဒီးအီၤလီၤ. တၢ်စူၢ်တၢ်နာ်အိၣ်သူၣ်လီၤအသးလၢတၢ်ထူးတၢ်တီၤတဖၣ်အပူၤန့ၣ် ကတၢၢ်ဝဲလၢတၢ်ကလီကလီလီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

လံာ်ယၡါယၤ 65:20

ဖိသၣ်ဆံးဖိတဖၣ်တသံလၢၤဖဲအနီၢ်ဆံးဒံးအခါဘၣ်, ဒီးပှၤဂီၢ်မုၢ်ခဲလၢာ်ကအိၣ်မူတုၤလၢအဝဲသ့ၣ်အတၢ်အိၣ်မူ မုၢ်နံၤအနီၣ်ထိၣ်လီၤ. ပှၤတဖၣ်လၢအအိၣ်မူတုၤအနံၣ်တကယၤ န့ၣ်ကဘၣ်တၢ်ပာ်ကဲအီၤဒ်ပှၤသးစၢ်အသိးလီၤ. တၢ်သံဆိန့ၢ်တၢ်န့ၣ်, ကမ့ၢ်တၢ်ပနီၣ်တမံၤလၢယစံၣ်ညီၣ်တ့ၢ်အဝဲသ့ၣ်န့ၣ်လီၤ.

လံာ်မးသဲ 23:39

ယစံးဘၣ်တဲဘၣ်သု, စးထီၣ်အခဲအံၤဒီးတုၤလၢအကတီၢ်ဖဲသုကစံး, ‘ပှၤလၢအဟဲလၢ ကစၢ်ယွၤအမံၤတဂၤမ်အဘၣ်တၢ်ဆိၣ်ဂ့ၤတက့ၢ်.’ န့ၣ်သုတထံၣ်လၢၤယၤဘၣ်.”

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်ယိၤဟၣ် 12:33

(ယ့ၣ်ၡူးစံးတၢ်ဒ်အံၤန့ၣ်, မ့ၢ်အဒုးနဲၣ်ဖျါထီၣ်ဝဲကဘၣ်တူၢ်တၢ်သံဒ်လဲၣ်တကလုာ်လဲၣ်န့ၣ်လီၤ.)

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 13:33

ယဖိယလံၤသ့ၣ်ဧၢ, ယတအိၣ်ဒီးသုယံာ်ယံာ်လၢၤဘၣ်. သုကဃုယၤဘၣ်ဆၣ်ဒီးဒ်ယစံးဘၣ်တ့ၢ်ပှၤယူဒၤဖိအခိၣ် အနၢ်တဖၣ်အသိးန့ၣ်, ယစံးဘၣ်တဲဘၣ်သုခဲကနံၣ်အံၤ, ‘တၢ်လီၢ်လၢယလဲၤန့ၣ်သုလဲၤတသ့ဘၣ်.’

လံာ်ယိၤဟၣ် 7:34

သုကဃုယၤ, ဘၣ်ဆၣ်သုတထံၣ်န့ၢ်ယၤဘၣ်. အဂ့ၢ်မ့ၢ်လၢတၢ်လီၢ်လၢယကအိၣ်န့ၣ်, သုလဲၤတသ့ဘၣ်အဃိလီၤ.”

လံာ်ယိၤဟၣ် 7:36

အဝဲစံးဝဲလၢပကဃုထံၣ်အီၤဘၣ်ဆၣ်ပတထံၣ်န့ၢ်အီၤဘၣ်. ဒီးတၢ်လီၢ်လၢအဝဲကအိၣ်န့ၣ်ပလဲၤတသ့ဘၣ်. အတၢ်ကတိၤအံၤအခီပညီမ့ၢ်တၢ်မနုၤလဲၣ်.”

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.