လံာ်ယိၤဟၣ် 8:19 - Sgaw Karen Common Bible

¹⁹ အဝဲသ့ၣ်သံကွၢ်အီၤ, “နပၢ်အိၣ်ဖဲလဲၣ်.” ယ့ၣ်ၡူးစံးဆၢတၢ်ဒီးစံးဝဲ, “သုတသ့ၣ်ညါယၤမ့ၢ်ဂ့ၤယပၢ်မ့ၢ်ဂ့ၤန့ၣ်ဘၣ်. သုမ့ၢ်သ့ၣ်ညါယၤန့ၣ် သုကသ့ၣ်ညါယပၢ်စ့ၢ်ကီးလီၤ.”

လံာ်ယိၤဟၣ် 8:19 Iomraidhean Croise

လံာ်ယံးရမံယၤ 22:16

အဝဲစံၣ်ညီၣ်န့ၢ်ပှၤဖှီၣ်ဖိယာ်ဖိတဖၣ်အကွီၢ်တီတီလိၤလိၤ ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢအဂီၢ်လီၤ. တၢ်န့ၣ်အခီပညီမ့ၢ်တၢ်သ့ၣ်ညါယွၤန့ၣ်လီၤ.

လံာ်ယံးရမံယၤ 24:7

ယကဟ့ၣ်လီၤအဝဲသ့ၣ်လၢတၢ်သးအိၣ်သ့ၣ်ညါလၢယမ့ၢ်ယွၤန့ၣ်လီၤ. အန့ၣ်ဒီးအဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ်အဝဲသ့ၣ်အကစၢ်ယွၤ, မ့ၢ်လၢအဝဲသ့ၣ်ကဟဲက့ၤကဒါက့ၤဆူယအိၣ်လၢအသးဒီဖျၢၣ်ညါ အဃိန့ၣ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်ယိၤဟၣ် 1:10

တၢ်ကလုၢ်အံၤအိၣ်ဝဲလၢဟီၣ်ခိၣ်အပူၤ ဒီးကစၢ်ယွၤဒုးကဲထီၣ်ဟီၣ်ခိၣ်ခီဖျိအီၤဘၣ်ဆၣ်, ဟီၣ်ခိၣ်တသ့ၣ်ညါဘၣ်အီၤဘၣ်.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 16:3

ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

လံာ်ယိၤဟၣ် 17:3

ဒီးတၢ်မူအထူအယိာ်အခီပညီမ့ၢ်ဝဲတၢ်သ့ၣ်ညါနၤ, ကစၢ်ယွၤ အမ့ၢ်အတီတဂၤဧိၤ, ဒီးတၢ်သ့ၣ်ညါယ့ၣ်ၡူးခရံာ်လၢနမၢလီၤ အီၤန့ၣ်လီၤ.

လံာ်ယိၤဟၣ် 7:28

ယ့ၣ်ၡူးသိၣ်လိသီလိတၢ်လၢတၢ်လုၢ်ဟံၣ်ပူၤအဖၢမုၢ်ဒီး ကတိၤတၢ်လၢအကလုၢ်ဖးဒိၣ်ဒီးစံးဝဲ, “မ့ၢ်သုသ့ၣ်ညါယၤနီၢ်နီၢ်ဒီးသ့ၣ်ညါယဟဲလၢလဲၣ်န့ၣ်ဧါ. ယတဟဲလၢယတၢ်ဘၣ်ယသးဒၣ်ယဲန့ၣ်ဘၣ်. ပှၤလၢ အမၢလီၤယၤတဂၤန့ၣ် မ့ၢ်ပှၤလၢအမ့ၢ်အတီလီၤ. သုတသ့ၣ်ညါအီၤဘၣ်.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

အ့းဖ့းစူး 1:17

ဒ်သိးပကစၢ်ယ့ၣ်ၡူးခရံာ်အပၢ်, ပၢ်လၢအလၢပှဲၤဒီးတၢ်လၤကပီၤတဂၤကဟ့ၣ်လီၤသု သးစီဆှံလၢအကဒုးကူၣ်ဘၣ်ကူၣ်သ့သုဒီးလီၣ်ဖျါထီၣ် န့ၢ်သုလၢယွၤဒ်သိးသုကသ့ၣ်ညါအီၤအဂီၢ်န့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

ကလီးစဲ 1:15

ခရံာ်မ့ၢ်ကစၢ်ယွၤလၢပထံၣ်အီၤတသ့ဘၣ်တဂၤအက့ၢ်အဂီၤလီၤ. အဝဲမ့ၢ်ယွၤအဖိဝဲၢ်ကိလၢအအိၣ်ဆိဒီးအတီၤထီန့ၢ်တၢ်ဘၣ်တ့ အဂုၤအဂၤခဲလၢာ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

၁ ယိၤဟၣ် 2:23

အဂ့ၢ်ဒ်လဲၣ်န့ၣ်, ပှၤလၢအညိကွံာ်ဖိခွါကစၢ်န့ၣ်ညိကွံာ်စ့ၢ်ကီး ပၢ်ကစၢ်လီၤ. ပှၤလၢအတူၢ်လိာ်ဖိခွါကစၢ်န့ၣ်, ဒိးန့ၢ်စ့ၢ်ကီးပၢ်ကစၢ်န့ၣ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

၂ ယိၤဟၣ် 1:9

ပှၤတဂၤဂ့ၤတဂၤဂ့ၤလၢအတအိၣ်ဆိးဘၣ်လၢခရံာ်အတၢ် သိၣ်လိသီလိအပူၤ, ဒီးလဲၤခါပတာ်ကွံာ်အီၤန့ၣ်, ကစၢ်ယွၤတအိၣ်ဒီးအီၤဘၣ်. မတၤတဂၤဂ့ၤတဂၤဂ့ၤလၢအအိၣ်ဆိးဒီးအတၢ်သိၣ်လိသီလိန့ၣ်, ပၢ်ဒီးဖိခံဂၤလၢာ်အိၣ်ဒီးအီၤလီၤ.