လံာ်ယိၤဟၣ် 8:18 - Sgaw Karen Common Bible

¹⁸ ယအုၣ်ယသးလၢယကစၢ်ဒၣ်ယဲအဂီၢ်, ဒီးပၢ်လၢအမၢလီၤယၤန့ၣ်, အုၣ်စ့ၢ်ကီးအသးလၢယဂီၢ်လီၤ.”

လံာ်ယိၤဟၣ် 8:18 Iomraidhean Croise

လံာ်တၢ်ဂံၢ် 35:30

ပှၤတဂၤလၢပှၤပာ်ဒ့ၣ်ပာ်ကမၣ်အီၤလၢအမၤသံတၢ်န့ၣ်, တၢ်ကထံၣ်ဘၣ်လၢအဝဲအတၢ်ကမၣ်အိၣ်ဝဲဒီးကဘၣ်တၢ်မၤသံဒၣ်အီၤဖဲ ဒၣ်ပှၤအုၣ်အသးအိၣ်ဝဲခံဂၤမ့တမ့ၢ်အါန့ၢ်ခံဂၤအဃိန့ၣ်လီၤ. ပှၤအုၣ်အသးအိၣ်ဝဲထဲတဂၤဧိၤန့ၣ်တလၢတပှဲၤလၢကဆီၣ်ထွဲတၢ် ကတိၤပာ်ဒ့ၣ်ပာ်ကမၣ်ဘၣ်ဃးတၢ်မၤသံအဂ့ၢ်န့ၣ်ဘၣ်.

လံာ်ယိၤဟၣ် 10:11

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလၢအဟ့ၣ်လီၤကွံာ် အသးသမူလၢအသိအဂီၢ်လီၤ.

လံာ်ယိၤဟၣ် 10:14

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလီၤ. ဒ်ပၢ်သ့ၣ်ညါယၤဒီးယသ့ၣ်ညါပၢ်အသိးန့ၣ်, ယသ့ၣ်ညါ ယသိဒီးအဝဲသ့ၣ် သ့ၣ်ညါယၤလီၤ.

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 10:9

ယဲဒၣ်အံၤယမ့ၢ်ကျဲစၢၤလီၤ. ပှၤတဂၤလၢ်လၢ်လၢအဟဲနုာ် ခီဖျိယၤန့ၣ်, ကဘၣ်တၢ်အုၣ်က့ၤခီၣ်က့ၤအီၤလီၤ. အဝဲကဟဲ နုာ်ဒီးကဟးထီၣ်ဒီးကထံၣ်န့ၢ်တၢ်အီၣ်ဆၣ်အလီၢ်န့ၣ်လီၤ.

လံာ်ယိၤဟၣ် 11:25

ယ့ၣ်ၡူးစံးဘၣ်အီၤ, “ယဲဒၣ်အံၤ ယမ့ၢ်တၢ်ဂဲၤဆၢထၢၣ်သမူထီၣ်က့ၤ ဒီးတၢ်မူန့ၣ်လီၤ. ပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, မ့ၢ်သံဘၣ်ဆၣ်ဒီးကမူဝဲလီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 8:25

အဝဲသ့ၣ်သံကွၢ်အီၤ, “နမ့ၢ်မတၤလဲၣ်.” ယ့ၣ်ၡူးစံးဆၢ အဝဲသ့ၣ်, “မ့ၢ်ဒ်ယစံးတ့ၢ်သုလၢအခီၣ်ထံးလံၤလံၤအသိးန့ၣ်လီၤ.

လံာ်ယိၤဟၣ် 8:38

ယကတိၤတၢ်ဘၣ်ဃးတၢ်လၢယပၢ်ဒုးနဲၣ်တ့ၢ်ယၤ, မ့မ့ၢ်သုမၤတၢ်လၢသုပၢ်စံးဘၣ်တ့ၢ်သုန့ၣ်လီၤ.”

လံာ်ယိၤဟၣ် 8:51

ယစံးဘၣ်တဲဘၣ်သုတီတီလိၤလိၤ, ပှၤလၢအတိၢ်န့ၢ်ယကလုၢ်ကထါတဂၤလၢ်လၢ်န့ၣ် တသံနီတဘျီဘၣ်.”

လံာ်ယိၤဟၣ် 8:58

ယ့ၣ်ၡူးစံးဆၢတၢ်ဒီးစံးဝဲ, “ယစံးဘၣ်တဲဘၣ်သုတီတီလိၤ လိၤ, တချုးလၢစီၤအၤဘြၤဟၣ်အိၣ်ဖျဲၣ်ထီၣ်ဒံးဘၣ်ဒီးယမ့ၢ် တၢ်လၢယမ့ၢ်လီၤ.”

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.