လံာ်ယိၤဟၣ် 8:15 - Sgaw Karen Common Bible

¹⁵ သုစံၣ်ညီၣ်တၢ်ဒ်ပှၤဟီၣ်ခိၣ်ဖိအကျဲအသိးလီၤ. ယဲ, ယတစံၣ်ညီၣ်ပှၤနီတဂၤဘၣ်.

လံာ်ယိၤဟၣ် 8:15 Iomraidhean Croise

လံာ်ဧၤမိၣ် 5:7

သုဝဲလၢအဘိးကဒါကွံာ်တၢ်တီတၢ်လိၤဆူတၢ်အခၣ်ဒီးတၢၤကွံာ် တၢ်မ့ၢ်တၢ်တီဆူဟီၣ်ခိၣ်လိၤသ့ၣ်ဧၢ, သုဘၣ်တၢ်စံၣ်ညီၣ်ဃၣ်သုလီၤ.

လံာ်ဧၤမိၣ် 6:12

ကသ့ၣ်တဖၣ်ကဃ့ၢ်လၢလၢၢ်အလိၤစ့ၢ်ကီးဧါ. ပှၤကထဲၣ်ပီၣ်လဲၣ်လၢဂီၤဖံးစ့ၢ်ကီးဧါ. ဘၣ်ဆၣ်သုဘိးကဒါကွံာ်တၢ်စံၣ်ညီၣ်တီဆူတၢ်စုၣ်တၢ်ပျၢ်ဒီးတၢ် အဘၣ်ဆူတၢ်ကမၣ်လီၤ.

လံာ်ဃဘးကူာ် 1:4

တၢ်သိၣ်တၢ်သီစၢ်လီၤဝဲဒီးတဂိာ်တသီၣ်လၢၤဘၣ်. ဒီးတၢ်စံၣ်ညီၣ်တီတမၤလၢၤအသးနီတစုဘၣ်. ပှၤတတီတလိၤ တဖၣ်မၤနၢၤပှၤတီပှၤလိၤတဖၣ်ဒီးတၢ်စံၣ်ညီၣ် တီဘၣ်တၢ်ဘိးကဒါကွံာ်အီၤလီၤ.

လံာ်လူၤကၣ် 12:14

ယ့ၣ်ၡူးစံးဆၢအီၤ, “စီၤဧၢ, မ့ၢ်မတၤဟ့ၣ်ယၤတၢ်စိတၢ်ကမီၤလၢယကစံၣ်ညီၣ်တၢ်, မ့တမ့ၢ်ဘၣ်ဒီးကနီၤဖးလီၤတၢ်စုလီၢ်ခီၣ်ခိၣ်လၢ သုခံဂၤအဘၢၣ်စၢၤန့ၣ်လဲၣ်.”

လံာ်ယိၤဟၣ် 12:47

ပှၤတဂၤလၢ်လၢ်လၢအနၢ်ဟူယတၢ်ကစီၣ်ဒီးတစူၢ်ဝဲဘၣ်န့ၣ်, ယတစံၣ်ညီၣ်အီၤဘၣ်. ယဟဲဒ်သိးယကအုၣ်က့ၤခီၣ်က့ၤပှၤဟီၣ်ခိၣ်ဖိ ဒီးတမ့ၢ်ဘၣ်လၢယကစံၣ်ညီၣ်အီၤအဂီၢ်ဘၣ်.

လံာ်ယိၤဟၣ် 18:36

ယ့ၣ်ၡူးစံးဆၢတၢ်ဒီးစံးဝဲ, “ယဘီယမုၢ်တဘၣ်ဃးဒီးဟီၣ်ခိၣ် အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤဒီး, ပှၤလၢအပိာ်ယခံတဖၣ်ကဒုးတၢ်ဒ်သိးတၢ်သုတဟ့ၣ်လီၤ ကွံာ်ယၤဆူပှၤယူဒၤဖိအခိၣ်အနၢ်တဖၣ်အစုပူၤတဂ့ၤအဂီၢ် န့ၣ်လီၤ. ယဘီယမုၢ်တမ့ၢ်တၢ်ဒ်သိးဒီးဟီၣ်ခိၣ်အဘီအမုၢ် န့ၣ်ဘၣ်.”

လံာ်ယိၤဟၣ် 3:17

အဂ့ၢ်ဒ်အံၤ, တမ့ၢ်ဘၣ်ကစၢ်ယွၤမၢလီၤအဖိခွါဆူ ဟီၣ်ခိၣ်ချၢလၢအကစံၣ်ညီၣ်ပှၤဟီၣ်ခိၣ်ဖိအဂီၢ်န့ၣ် ဘၣ်. မ့ၢ်ဒ်သိးအကအုၣ်က့ၤခီၣ်က့ၤအီၤတခီန့ၣ်လီၤ.

လံာ်ယိၤဟၣ် 7:24

တဘၣ်စံၣ်ညီၣ်ပှၤဒ်တၢ်အိၣ်ဖျါအသိးလၢၤတဂ့ၤ. မ့မ့ၢ်စံၣ်ညီၣ်တၢ်ဒ်တၢ်မ့ၢ်တၢ်တီအိၣ်ဝဲအသိးန့ၣ် တက့ၢ်.”

လံာ်ယိၤဟၣ် 8:11

ပိာ်မုၣ်န့ၣ်စံးဆၢအီၤ, “ကစၢ်ဧၢ, တအိၣ်နီတဂၤလၢၤဘၣ်.” ဒီးယ့ၣ်ၡူးစံးဘၣ်အီၤ, “မ့မ့ၢ်ဒ်န့ၣ်ဒီးယတစံၣ်ညီၣ်နၤစ့ၢ်ကီး ဘၣ်. က့ၤက့ၤဒီးတဘၣ်မၤလၢၤတၢ်ဒဲးဘးတဂ့ၤ.”]

ရိမ့ၤ 2:1

နမ့ၢ်မတၤဂ့ၤမတၤဂ့ၤ, နမ့ၢ်စံၣ်ညီၣ်ပှၤဂၤတဖၣ်ဒီးမၤတၢ်လၢ အဝဲသ့ၣ်မၤဝဲန့ၣ်, နကတိၤပူၤဖျဲးနသးအလီၢ်တအိၣ်ဘၣ်. မ့ၢ်နစံၣ်ညီၣ်လီၤက့ၤနသးဒၣ်နဲန့ၣ်လီၤ.

1 ကရံၣ်သူး 2:15

မ့မ့ၢ်ပှၤတဂၤလၢ်လၢ်လၢအအိၣ်ဒီးယွၤအသးစီဆှံန့ၣ်, သ့ၣ်ညါနၢ်ပၢၢ်တၢ်ခဲလၢာ်အလုၢ်အပှ့ၤသ့ဝဲ, ဘၣ်ဆၣ်ပှၤသ့ၣ်ညါနၢ်ပၢၢ်ပှၤအဝဲန့ၣ်တသ့ဘၣ်နီတဂၤဘၣ်.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

ယၤကိာ် 2:4

အန့ၣ်ဒီးသုအိၣ်ဒီးတၢ်ကမၣ်လၢသုကွၢ်မဲာ်လိာ်သုသးကဒဲ ကဒဲဒီးလၢသုစံၣ်ညီၣ်တၢ်န့ၣ်, သန့ၤထီၣ်အသးလၢတၢ်ပာ်သူၣ်ပာ်သးအအၢအသီတဖၣ် အဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”