လံာ်ယိၤဟၣ် 8:14 - Sgaw Karen Common Bible

¹⁴ ယ့ၣ်ၡူးစံးဆၢအဝဲသ့ၣ်, “ယအုၣ်ယသးလၢယကစၢ်ဒၣ်ယဲအဂီၢ် သနာ်က့, တၢ်လၢယစံးန့ၣ်မ့ၢ်ဝဲတီဝဲလီၤ. အဂ့ၢ်ဒ်လဲၣ်န့ၣ်, ယသ့ၣ်ညါယဟဲလၢလဲၣ်ဒီးယကလဲၤဆူလဲၣ်န့ၣ်လီၤ. မ့မ့ၢ်သုဝဲသ့ၣ်အံၤသုတသ့ၣ်ညါယဟဲလၢလဲၣ်ဒီးယကလဲၤဆူလဲၣ် န့ၣ်ဘၣ်.

လံာ်ယိၤဟၣ် 8:14 Iomraidhean Croise

တၢ်ကတိၤဒိ. 8:7

တၢ်လၢယစံးန့ၣ်မ့ၢ်တၢ်မ့ၢ်တၢ်တီလီၤ. ယသးဟ့တၢ်လီတၢ်ဝ့ၤခဲလၢာ်လီၤ.

လံာ်တၢ်ဂံၢ် 12:3

(စီၤမိၤၡ့မ့ၢ်ပှၤဆီၣ်လီၤအသးတဂၤဒီးဆီၣ်လီၤအသးဒိၣ်န့ၢ် ဒံးကယဲၢ်ပှၤတဂၤလၢ်လၢ်လၢဟီၣ်ခိၣ်ချၢအံၤန့ၣ်လီၤ.)

လံာ်ယိၤဟၣ် 10:15

ဒီးယဟ့ၣ်လီၤကွံာ်ယသးသမူလၢယသိအဂီၢ်လီၤ.

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.

လံာ်ယိၤဟၣ် 13:3

ယ့ၣ်ၡူးသ့ၣ်ညါဝဲလၢပၢ်ဟ့ၣ်လံအီၤတၢ်စိတၢ်ကမီၤလၢာ်လၢာ် ဆ့ဆ့, ဒီးသ့ၣ်ညါစ့ၢ်ကီးဝဲလၢအဝဲဟဲလၢကစၢ်ယွၤအအိၣ် ဒီးကက့ၤဆူကစၢ်ယွၤအအိၣ်န့ၣ်လီၤ.

လံာ်ယိၤဟၣ် 14:10

စီၤဖံလံးပူးဧၢ, မ့ၢ်နတနာ်လၢယအိၣ်လၢပၢ်အပူၤ ဒီးပၢ်အိၣ်လၢယပူၤန့ၣ်ဘၣ်ဧါ.” ယ့ၣ်ၡူးစံးဘၣ်အပျဲၢ်အဘီၣ် တဖၣ်, “တၢ်ကတိၤလၢယစံးဘၣ်တ့ၢ်သုတဖၣ်န့ၣ်, တမ့ၢ်ယကတိၤအီၤဖဲယသးဒၣ်ယဲဘၣ်. မ့ၢ်ပၢ်လၢအအိၣ်လၢ ယပူၤန့ၣ်, မၤအတၢ်မၤဒၣ်ဝဲန့ၣ်လီၤ.

လံာ်ယိၤဟၣ် 16:28

ယဟဲတ့ၢ်လၢပၢ်အအိၣ်, ဒီးယဟဲနုာ်လီၤဆူဟီၣ်ခိၣ်ချၢအံၤ လီၤ. ဒီးခဲအံၤယကဟးထီၣ်ကွံာ်လၢဟီၣ်ခိၣ်အံၤဒီးလဲၤ ဆူပၢ်အအိၣ်န့ၣ်လီၤ.”

လံာ်ယိၤဟၣ် 17:8

အဂ့ၢ်ဒ်လဲၣ်န့ၣ်, ယဟ့ၣ်အဝဲသ့ၣ်တၢ်ကစီၣ်လၢနဟ့ၣ်လီၤ ယၤဒီးအဝဲသ့ၣ်တူၢ်လိာ်ဝဲဒၣ်န့ၣ်လီၤ. အဝဲသ့ၣ်, သ့ၣ်ညါဝဲဒၣ်နီၢ်နီၢ်လၢယဟဲလၢနအိၣ်, ဒီးအဝဲသ့ၣ်နာ်ဝဲလၢနမၢလီၤယၤန့ၣ်လီၤ.

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 5:31

ယမ့ၢ်အုၣ်ယသးလၢယဂီၢ်ဒၣ်ယဲဒီးတၢ်လၢယစံးန့ၣ် တၢ်တူၢ်လိာ်အီၤဒ်တၢ်အုၣ်သးနီၢ်နီၢ်တသ့ဘၣ်.

လံာ်ယိၤဟၣ် 8:42

ယ့ၣ်ၡူးစံးဘၣ်အဝဲသ့ၣ်, “ကစၢ်ယွၤမ့မ့ၢ်သုပၢ်နီၢ်နီၢ်ဒီးသု ကအဲၣ်ယၤလီၤ. အဂ့ၢ်မ့ၢ်လၢယဟဲလၢကစၢ်ယွၤအအိၣ်ဒီး ခဲအံၤယအိၣ်ဖဲအံၤလီၤ. ယတဟဲဖဲယသးဒၣ်ယဲဘၣ်. မ့မ့ၢ်အဝဲမၢလီၤယၤလီၤ.

၂ ကရံၣ်သူး 11:31

ကစၢ်ယ့ၣ်ၡူးအယွၤဒီးအပၢ်လၢအဘၣ်တၢ်စံးပတြၢၤအီၤ လီၤထူလီၤယိာ်တဂၤသ့ၣ်ညါလၢယတလီတၢ်ဘၣ်လီၤ.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.