လံာ်ယိၤဟၣ် 8:12 - Sgaw Karen Common Bible

¹² ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 8:12 Iomraidhean Croise

လံာ်စီၤယိၤဘး 33:28

အဝဲတပျဲယလဲၤဆူ တၢ်သံအကီၢ်ပူၤဘၣ်. ဒီးယအိၣ်မူဒံးယဲလီၤ.”

စံးထီၣ်ပတြၢၤ 18:28

မ့ၢ်လီၤ. နမၤကပီၤထီၣ်ယမ့ၣ်အူဒၢ, ယွၤယကစၢ်မၤကပီၤထီၣ်ယတၢ်ခံးန့ၣ်လီၤ.

စံးထီၣ်ပတြၢၤ 49:19

ကပာ်ဖှိၣ်အသးဒီးအမိၢ်ပၢ်ဖံဖုလၢပျၢၤ တဖၣ်လၢတၢ်သံအပူၤ ဖဲတၢ်ခံးတၢ်နၤအိၣ်ဝဲထီဘိအလီၢ်န့ၣ်လီၤ.

စံးထီၣ်ပတြၢၤ 97:11

တၢ်ကပီၤကပီၤထီၣ်ဝဲလၢပှၤတီပှၤလိၤအဂီၢ်, ဒီးတၢ်သူၣ်ခုသးခုလၢ ပှၤလၢအသူၣ်တီသးလိၤအဂီၢ်န့ၣ်လီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 5:14

သုဝဲသ့ၣ်အံၤသုမ့ၢ်ဒ်တၢ်ကပီၤအသိးလၢပှၤဟီၣ်ခိၣ်ဖိခဲလၢာ် အဂီၢ်လီၤ. ဝ့ၢ်တဝ့ၢ်လၢအဘၣ်တၢ်သူၣ်ထီၣ်အီၤလၢတၢ်လူၢ်ဒီခိၣ်န့ၣ်အိၣ် သဒၢတသ့ဘၣ်.

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 12:36

လၢတၢ်န့ၣ်အဃိ, ဖဲသုအိၣ်ဒံးဒီးတၢ်ကပီၤန့ၣ်, စူၢ်က့ၤနာ်က့ၤတၢ် ကပီၤအံၤဒ်သိးသုကကဲထီၣ်ပှၤတၢ်ကပီၤဖိတဖၣ်အဂီၢ်န့ၣ်တက့ၢ်. ယ့ၣ်ၡူးစံးတၢ်အံၤဝံၤဒီး, အဝဲဟးထီၣ်ကွံာ်ဒီးပာ်သဒၢကွံာ်အသးလၢအဝဲသ့ၣ်န့ၣ်လီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 3:19

တၢ်စံၣ်ညီၣ်မ့ၢ်ဒ်အံၤလီၤ. တၢ်ကပီၤဟဲနုာ်လီၤဆူဟီၣ်ခိၣ်, ဘၣ်ဆၣ်ပှၤဟီၣ်ခိၣ်ဖိအဲၣ်တၢ်ခံးဒိၣ်န့ၢ်ဒံးအအဲၣ်တၢ်ကပီၤ တက့ၢ်, မ့ၢ်လၢအတၢ်မၤတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

လံာ်ယိၤဟၣ် 9:5

ဖဲယအိၣ်ဒံးလၢဟီၣ်ခိၣ်အံၤအပူၤဒီး, ယမ့ၢ်တၢ်ကပီၤလၢဟီၣ်ခိၣ် အဂီၢ်လီၤ.”

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

မၤတၢ် 26:23

လၢခရံာ်ကဘၣ်တူၢ်တၢ်ဒီးကဲထီၣ်ပှၤအဆိကတၢၢ်တဂၤလၢ အကဂဲၤဆၢထၢၣ်သမူထီၣ်က့ၤ, ပှၤလၢအကဘိးဘၣ်သ့ၣ်ညါပှၤယူဒၤဖိဒီးပှၤကလုာ်ဂၤ တဖၣ်လၢတၢ်ကပီၤဘၣ်ဃးဒီးတၢ်အုၣ်က့ၤခီၣ်က့ၤအဂ့ၢ်န့ၣ်လီၤ.”

၂ ပ့းတရူး 2:17

ပှၤသ့ၣ်တဖၣ်အံၤလီၤဂာ်ဒီးထံမူထီၣ်ပၢၤလၢထံတအိၣ် လၢၤဘၣ်, တၢ်အၢၣ်တဖၣ်လၢကလံၤမုၢ်အူဒီးဒံကွံာ်ဝဲ အသိး, ဒီးကစၢ်ယွၤကတဲာ်ကတီၤတၢ်လီၢ်လၢအဝဲသ့ၣ် အဂီၢ်လၢတၢ်ခံးယိာ်ကတၢၢ်အပူၤန့ၣ်လီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

၁ ယိၤဟၣ် 1:6

ပမ့ၢ်စံးလၢပရ့လိာ်မုာ်လိာ်ပသးဒီးအီၤဒီးအိၣ်မူဒံးဒၣ်လၢတၢ်ခံးတၢ်နၤအပူၤန့ၣ်, မ့ၢ်ပလီတၢ်ဒီးပတမၤဘၣ်တၢ်မ့ၢ်တၢ်တီဘၣ်.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.

ယူဒၤ 1:6

သ့ၣ်နီၣ်ထီၣ်က့ၤကလူးတဖၣ်လၢအတအိၣ်လၢအတၢ်စိကမီၤ အဘၢၣ်ကဝီၤအပူၤ, မ့မ့ၢ်ဟးထီၣ်ကွံာ်လၢအတၢ်အိၣ်တၢ်ဆိးအလီၢ်ဒၣ်ဝဲန့ၣ် တက့ၢ်. အဝဲသ့ၣ်ဘၣ်တၢ်စၢဃာ်အီၤလၢပျံၤထးအထူအယိာ် လၢတၢ်ခံးတၢ်နၤအပူၤလၢလာ်, ဖဲကစၢ်ယွၤပာ်ဃာ်အဝဲသ့ၣ်လၢတၢ်ကစံၣ်ညီၣ်ဃၣ် အီၤဖဲမုၢ်နံၤဖးဒိၣ်န့ၣ်အဂီၢ်လီၤ.

လံာ်လီၣ်ဖျါ 21:24

ပှၤကလုာ်လၢဟီၣ်ခိၣ်ချၢတဖၣ်ကလဲၤတၢ်လၢအဝဲအတၢ် ကပီၤလီၤ. ဒီးဟီၣ်ခိၣ်အစီၤပၤတဖၣ်ကဟဲစိာ်အတၢ်ထူး တၢ်တီၤဆူအဝဲဒၣ်အပူၤလီၤ.