လံာ်ယိၤဟၣ် 8:11 - Sgaw Karen Common Bible

¹¹ ပိာ်မုၣ်န့ၣ်စံးဆၢအီၤ, “ကစၢ်ဧၢ, တအိၣ်နီတဂၤလၢၤဘၣ်.” ဒီးယ့ၣ်ၡူးစံးဘၣ်အီၤ, “မ့မ့ၢ်ဒ်န့ၣ်ဒီးယတစံၣ်ညီၣ်နၤစ့ၢ်ကီး ဘၣ်. က့ၤက့ၤဒီးတဘၣ်မၤလၢၤတၢ်ဒဲးဘးတဂ့ၤ.”]

လံာ်ယိၤဟၣ် 8:11 Iomraidhean Croise

လံာ်စီၤယိၤဘး 34:31

စီၤယိၤဘးဧၢ, မ့ၢ်နတဲလီၤကျဲၤလီၤနတၢ်ကမၣ်တဖၣ်လၢ ကစၢ်ယွၤဒီးအၢၣ်လီၤတ့ၢ်လံနသးလၢနတမၤလၢၤတၢ်ဒဲးဘး န့ၣ်ဘၣ်ဧါ.

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယၡါယၤ 55:6

ဃၣ်သုသးဆူယွၤအအိၣ်ဒီးဖဲအအိၣ်ဘူးအဖၢမုၢ်အံၤန့ၣ်ဘါ ထုကဖၣ်တၢ်ဆူအအိၣ်တက့ၢ်.

လံာ်လူၤကၣ် 13:3

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသု တၢ်ဒဲးဘးတဖၣ်ဘၣ်ဒီး, သုကသံသုဝဲကိးဂၤဒဲးဒ်အဝဲသ့ၣ်သံဝဲအသိးလီၤ.

လံာ်လူၤကၣ် 13:5

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသုတၢ်ဒဲးဘး တဖၣ်န့ၣ်, သုဝဲကိးဂၤဒဲးသုကသံဒ်အဝဲသ့ၣ်အသိးလီၤ.”

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်လူၤကၣ် 15:7

ဒ်န့ၣ်အသိး, ယစံးဘၣ်တဲဘၣ်သု, လၢမူခိၣ်န့ၣ်, တၢ်သးခုကအိၣ်ဝဲလၢပှၤတၢ်ဒဲးဘးဖိတဂၤ လၢအပီၢ်ယၢ်လီၤက့ၤအသးအဃိအါန့ၢ်ပှၤတီပှၤလိၤခွံဆံခွံဂၤ လၢအပီၢ်ယၢ်လီၤက့ၤအသးအလီၢ်တအိၣ်ဘၣ်တဖၣ်အဃိ တက့ၢ်လီၤ.

လံာ်လူၤကၣ် 5:32

တမ့ၢ်ယဟဲဒ်သိးယကကိးက့ၤပှၤတီပှၤလိၤတဖၣ်လၢအကပီၢ် ယၢ်လီၤက့ၤအသးအဂီၢ်ဘၣ်. မ့မ့ၢ်ယဟဲကိးက့ၤပှၤတၢ်ဒဲးဘးဖိ တဖၣ်လီၤ.”

လံာ်လူၤကၣ် 9:56

ဒီးအဝဲသ့ၣ်လဲၤကဒီးဝဲဆူညါ, ဆူသဝီအဂၤတဖျၢၣ်လီၤ.

လံာ်ယိၤဟၣ် 18:36

ယ့ၣ်ၡူးစံးဆၢတၢ်ဒီးစံးဝဲ, “ယဘီယမုၢ်တဘၣ်ဃးဒီးဟီၣ်ခိၣ် အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤဒီး, ပှၤလၢအပိာ်ယခံတဖၣ်ကဒုးတၢ်ဒ်သိးတၢ်သုတဟ့ၣ်လီၤ ကွံာ်ယၤဆူပှၤယူဒၤဖိအခိၣ်အနၢ်တဖၣ်အစုပူၤတဂ့ၤအဂီၢ် န့ၣ်လီၤ. ယဘီယမုၢ်တမ့ၢ်တၢ်ဒ်သိးဒီးဟီၣ်ခိၣ်အဘီအမုၢ် န့ၣ်ဘၣ်.”

လံာ်ယိၤဟၣ် 3:17

အဂ့ၢ်ဒ်အံၤ, တမ့ၢ်ဘၣ်ကစၢ်ယွၤမၢလီၤအဖိခွါဆူ ဟီၣ်ခိၣ်ချၢလၢအကစံၣ်ညီၣ်ပှၤဟီၣ်ခိၣ်ဖိအဂီၢ်န့ၣ် ဘၣ်. မ့ၢ်ဒ်သိးအကအုၣ်က့ၤခီၣ်က့ၤအီၤတခီန့ၣ်လီၤ.

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

လံာ်ယိၤဟၣ် 8:15

သုစံၣ်ညီၣ်တၢ်ဒ်ပှၤဟီၣ်ခိၣ်ဖိအကျဲအသိးလီၤ. ယဲ, ယတစံၣ်ညီၣ်ပှၤနီတဂၤဘၣ်.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

1 ကရံၣ်သူး 5:12

နီၢ်နီၢ်န့ၣ်, တမ့ၢ်ယတၢ်ဖံးတၢ်မၤလၢယကစံၣ်ညီၣ်ပှၤအိၣ်လၢတၢ်ချၢ န့ၣ်ဘၣ်. ကစၢ်ယွၤကစံၣ်ညီၣ်အဝဲသ့ၣ်လီၤ. ဘၣ်ဆၣ်ဒီးမ့ၢ်သုတကြၢးစံၣ်ညီၣ်ပှၤအိၣ်လၢသုတၢ်အိၣ်ဖှိၣ်အပူၤ ဘၣ်ဧါ. ဒ်တၢ်ကွဲးအသးစံးဝဲအသိး, “ထုးထီၣ်ကွံာ်ပှၤအၢပှၤသီလၢသုသိးသုကျါန့ၣ်တက့ၢ်.”

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်သိၣ်လီၤသီလီၤတၢ် 17:9

ဒီးဆှၢထီၣ်သုကွီၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်ဒီး ဆူပှၤစံၣ်ညီၣ်ကွီၢ်တဖၣ်လၢအအိၣ်ဖဲတၢ်မၤအပူၤဖဲဆၢကတီၢ်အဝဲန့ၣ်, ဒီးပျဲအဝဲသ့ၣ်စံၣ်ညီၣ်တဲာ်ကွီၢ်န့ၣ်တက့ၢ်.

၂ ပ့းတရူး 3:15

ပာ်ပကစၢ်အတၢ်ဝံသးစူၤဒ်အမ့ၢ်တၢ်ခွဲးတၢ်ယာ်လၢအဟ့ၣ် သုလၢသုကတုၤလၢတၢ်အုၣ်က့ၤခီၣ်က့ၤအဂီၢ်, ဒ်ပဒီပုၢ်ဝဲၢ်သးဘိစီၤပီလူးကွဲးန့ၢ်သုအိၣ်ဒီးတၢ်သူတၢ် ကူၣ်သ့ကူၣ်ဘၣ်လၢကစၢ်ယွၤဟ့ၣ်အီၤအသိးန့ၣ်တက့ၢ်.