လံာ်ယိၤဟၣ် 7:6 - Sgaw Karen Common Bible

⁶ ယ့ၣ်ၡူးစံးဘၣ်အဝဲသ့ၣ်, “တၢ်ဆၢကတီၢ်လၢယဂီၢ်တဘၣ် ဒံးဘၣ်. မ့မ့ၢ် လၢသုဂီၢ်န့ၣ်တၢ်ဆၢကတီၢ်ဘၣ်ဒၣ်ထီဘိလီၤ.

လံာ်ယိၤဟၣ် 7:6 Iomraidhean Croise

စံးထီၣ်ပတြၢၤ 102:13

နကဂဲၤဆၢထၢၣ်ဒီးသူၣ်ကညီၤသးကညီၤစံယိၣ်လီၤ. အဂ့ၢ်ဒ်အံၤ, တၢ်ဆၢကတီၢ်လၢနသ့ၣ်ပာ်လၢ နကသူၣ်ကညီၤသးကညီၤအီၤန့ၣ်ဘၣ်လံ.

လံာ်မးသဲ 26:18

ယ့ၣ်ၡူးစံးဘၣ်အဝဲသ့ၣ်, “လဲၤဆူပှၤအိၣ်လၢဝ့ၢ်ပူၤတဂၤန့ၣ် အအိၣ်, ဒီးတဲဘၣ်အီၤဒ်အံၤ, ‘ပသရၣ်စံးဝဲလၢအနၣ်ရံၣ်တုၤဃီၤလံ, ဒီးအဝဲဒီး အပျဲၢ်အဘီၣ်တဖၣ်ကအီၣ်သကိးဘူၣ်လဲၤကပာ် လၢနဟံၣ်ပူၤလီၤ.’ ”

လံာ်ယိၤဟၣ် 13:1

ဖဲဘူၣ်လဲၤကပာ်တချုးဘၣ်တနံၤန့ၣ်, ယ့ၣ်ၡူးသ့ၣ်ညါဝဲလၢ တၢ်ဆၢကတီၢ်နၣ်ရံၣ်တုၤအိၣ်အီၤလၢအဝဲကဘၣ်ဟးထီၣ် ကွံာ်လၢဟီၣ်ခိၣ်အံၤဒီးက့ၤဆူပၢ်အအိၣ်န့ၣ်လီၤ. အဝဲအဲၣ်ဘၣ်ပှၤတဖၣ်လၢဟီၣ်ခိၣ်အံၤလၢအမ့ၢ်အတၢ် ဒၣ်ဝဲ, ဒီးအဲၣ်အီၤတုၤအကတၢၢ်န့ၣ်လီၤ.

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 2:4

ဒီးယ့ၣ်ၡူးစံးဘၣ်အီၤ, “ပိာ်မုၣ်ဧၢ, ဘၣ်မနုၤအဃိနမၢယမၤဘၣ်ဃး ယသးလဲၣ်. တၢ်ဆၢကတီၢ်လၢယဂီၢ်တဘၣ်ဒံးဘၣ်.”

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

လံာ်ယိၤဟၣ် 7:8

လဲၤထီၣ်သုဝဲဆူဘူၣ်ပူၤတက့ၢ်. မ့မ့ၢ်ယဲ ယတလဲၤဆူဘူၣ်အံၤဒံးဘၣ်. မ့ၢ်လၢတၢ်ဆၢကတီၢ်တဘၣ်ဒံးဘၣ်လၢယဂီၢ်အဃိလီၤ.”

လံာ်ယိၤဟၣ် 8:20

ယ့ၣ်ၡူးစံးတၢ်တဖၣ်အံၤဖဲအသိၣ်လီၤသီလီၤတၢ်လၢ တၢ်လုၢ်ဟံၣ်ပူၤဖဲတၢ်ပာ်ဖှိၣ်စ့အလီၢ်ဒီးမ့ၢ်လၢအဆၢ ကတီၢ်နၣ်ရံၣ်တဘၣ်ဒံးဘၣ်အဃိ, ပှၤတဟဲဟံးဃာ်အီၤနီ တဂၤန့ၣ်ဘၣ်.

မၤတၢ် 1:7

ယ့ၣ်ၡူးစံးဆၢက့ၤအဝဲသ့ၣ်, “တၢ်ဆၢကတီၢ်ဒီးတၢ်ကတီၢ်လီၤဆီတဖၣ်န့ၣ်, အိၣ်ဒၣ်လၢယပၢ်အစုပူၤလၢအကစံၣ်ညီၣ်ပာ်လီၤဝဲလၢအစိကမီၤဒၣ် ဝဲဒီးတၢ်တပျဲသုသ့ၣ်ညါတၢ်ဆၢကတီၢ်အံၤန့ၣ်ဘၣ်.