လံာ်ယိၤဟၣ် 7:48 - Sgaw Karen Common Bible

⁴⁸ ခိၣ်နၢ်အကျါတဂၤဂၤ, မ့တမ့ၢ်ပှၤဖၤရံၤၡဲအကျါတဂၤဂၤ စူၢ်က့ၤနာ်က့ၤအီၤန့ၣ်, မ့ၢ်သုနၢ်ဟူဘၣ်တဘျီဘျီလံဧါ.

လံာ်ယိၤဟၣ် 7:48 Iomraidhean Croise

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်လူၤကၣ် 23:13

စီၤပံၤလးကိးဖှိၣ်ပှၤလုၢ်တၢ်အခိၣ်အဒိၣ်တဖၣ်, ပှၤခိၣ်ပှၤနၢ်တဖၣ်, ဒီးပှၤဂီၢ်မုၢ်တဖၣ်,

လံာ်ယိၤဟၣ် 12:42

အန့ၣ်ဒၣ်လဲာ်, ပှၤယူဒၤဖိအခိၣ်အနၢ်အါဂၤစူၢ် က့ၤနာ်က့ၤယ့ၣ်ၡူးဘၣ်ဆၣ်ဒီးမ့ၢ်လၢအပျံၤဘၣ်ပှၤဖၤရံၤၡဲ တဖၣ်အဃိ, ဒ်သိးဒီးအဝဲသ့ၣ်အသုတဘၣ်တၢ်ဟီထီၣ်ကွံာ်အီၤလၢ ဘူၣ်ဘျီၣ်လၢအမ့ၢ်တၢ်ဘါလီၢ်တဂ့ၤဒီး, အဝဲသ့ၣ်တအၢၣ်လီၤ အီလီၤတၢ်စူၢ်တၢ်နာ်လၢပှၤဂၤအမဲာ်ညါဘၣ်.

လံာ်ယိၤဟၣ် 3:1

ပှၤယူဒၤဖိအခိၣ်လၢအဘၣ်ဃးဒီးပှၤဖၤရံၤၡဲတဖၣ်အိၣ်ဝဲ တဂၤဒီးအမံၤမ့ၢ်ဝဲစီၤနံၤကဒ့မူးန့ၣ်လီၤ.

လံာ်ယိၤဟၣ် 7:26

ကွၢ်တက့ၢ်. အဝဲကတိၤတၢ်လၢကမျၢၢ်အမဲာ်ညါဒီး အဝဲသ့ၣ်တကတိၤထီဒါအီၤနီတမံၤဘၣ်. မ့ၢ်အဝဲသ့ၣ်, သ့ၣ်ညါနီၢ်နီၢ်လၢအဝဲမ့ၢ်ခရံာ်အဃိန့ၣ်ဧါ.

လံာ်ယိၤဟၣ် 7:49

ပှၤဂီၢ်မုၢ်အံၤတသ့ၣ်ညါစီၤမိၤၡ့အတၢ်သိၣ်တၢ်သီဘၣ် အဃိဒီး, ဘၣ်တၢ်ဆိၣ်အၢလၢကစၢ်ယွၤလီၤ.”

လံာ်ယိၤဟၣ် 7:50

စီၤနံၤကဒ့မူးလၢအမ့ၢ်ပှၤဖၤရံၤၡဲအကျါတဂၤလၢ အမ့ၢ်ပှၤတဂၤဃီလၢအလဲၤဃုထံၣ်ယ့ၣ်ၡူးလၢအပူၤကွံာ်န့ၣ်, အိၣ်ဖဲန့ၣ်စ့ၢ်ကီးလီၤ. အဝဲစံးဘၣ်ပှၤဂၤတဖၣ်,

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

1 ကရံၣ်သူး 2:8

ပှၤပၢတၢ်ပြးတၢ်လၢဟီၣ်ခိၣ်တဘ့ၣ်အံၤအပူၤတသ့ၣ်ညါ တၢ်ကူၣ်ဘၣ်ကူၣ်သ့အဝဲအံၤနီတဂၤဘၣ်. အဝဲသ့ၣ်မ့ၢ်သ့ၣ်ညါ တ့ၢ်ဝဲန့ၣ်, တမ့ၢ်လၢအဝဲသ့ၣ်ကပျၤထီတၢ်လၤကပီၤအကစၢ် လၢထူၣ်စုညါအလိၤဘၣ်.