လံာ်ယိၤဟၣ် 7:45 - Sgaw Karen Common Bible

⁴⁵ ဖဲတၢ်လုၢ်ဟံၣ်အပှၤပၢၤတၢ်ဖိတဖၣ်က့ၤကဒါက့ၤဝဲန့ၣ်, ပှၤလုၢ်တၢ်အခိၣ်အဒိၣ်တဖၣ် ဒီးပှၤဖၤရံၤၡဲတဖၣ်သံကွၢ် အဝဲသ့ၣ်, “ဘၣ်မနုၤအဃိသုတဟဲက့ၤဖီၣ်အီၤန့ၣ်လဲၣ်.”

လံာ်ယိၤဟၣ် 7:45 Iomraidhean Croise

လံာ်မးသဲ 26:58

စီၤပ့းတရူးပိာ်ထီၣ်အဝဲသ့ၣ်အခံလၢအယံၤ, ပၢၢ်တုၤလၢပှၤလုၢ်တၢ်အခိၣ်အဒိၣ်ကတၢၢ် အဟံၣ်အကရၢၢ်ပူၤန့ၣ် လီၤ. အဝဲလဲၤနုာ်ဆူကရၢၢ်ပူၤတၢ်လီၤပျီအလီၢ်, ဒီးဆ့ၣ်နီၤသကိးဝဲဒီးပှၤခိးတၢ်ပၢၤတၢ်ဖိတဖၣ်, ဒ်သိးကသ့ၣ်ညါတၢ်ကမၤအသးလၢခံကတၢၢ်ဒ်လဲၣ်အဂီၢ်န့ၣ်လီၤ.

လံာ်ယိၤဟၣ် 11:46

ဘၣ်ဆၣ်လၢအဝဲသ့ၣ်အကျါတနီၤက့ၤကဒါက့ၤဆူပှၤဖၤရံၤၡဲ တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်တၢ်လၢယ့ၣ်ၡူး မၤတ့ၢ်ဝဲတဖၣ်န့ၣ်လီၤ.

လံာ်ယိၤဟၣ် 11:47

အန့ၣ်သတးဒီး, ပှၤဖၤရံၤၡဲတဖၣ်ဒီးပှၤလုၢ်တၢ်အခိၣ်အဒိၣ် တဖၣ်ကိးကီၣ်ကးအတၢ်အိၣ်ဖှိၣ်ဒီးစံးဝဲ “ပကမၤဒ်လဲၣ်. အဂ့ၢ်ဒ်အံၤ, ပှၤတဂၤအံၤမၤတၢ်လီၤလးအါမးလီၤ.

လံာ်ယိၤဟၣ် 7:32

ပှၤဖၤရံၤၡဲတဖၣ်နၢ်ဟူပှၤဂီၢ်မုၢ်ကတိၤကသွံကသွါတၢ် ဘၣ်ဃးယ့ၣ်ၡူးအဂ့ၢ်အဃိ, အဝဲသ့ၣ်ဒီးပှၤလုၢ်တၢ်အခိၣ် အဒိၣ်တဖၣ်မၢလီၤတၢ်လုၢ်ဟံၣ်အပှၤပၢၤတၢ်ဖိတနီၤလၢ ကလဲၤဖီၣ်န့ၢ်ယ့ၣ်ၡူးအဂီၢ်လီၤ.

လံာ်ယိၤဟၣ် 9:22

အမိၢ်အပၢ်တဖၣ်စံးဆၢတၢ်ဒ်အံၤမ့ၢ်လၢအပျံၤပှၤယူဒၤဖိအခိၣ် အနၢ်တဖၣ်လၢအပာ်လီၤတ့ၢ်လံအသးလၢပှၤတဂၤလၢ်လၢ်လၢ အစံးလၢအနာ်ယ့ၣ်ၡူးမ့ၢ်ခရံာ်န့ၣ်, ကဘၣ်တၢ်ဟီထီၣ်ကွံာ်အီၤလၢဘူၣ်ဘျီၣ်ပူၤအဃိန့ၣ်လီၤ.