လံာ်ယိၤဟၣ် 7:40 - Sgaw Karen Common Bible

⁴⁰ ပှၤအိၣ်ဝဲတနီၤလၢပှၤဂီၢ်မုၢ်အကျါနၢ်ဟူယ့ၣ်ၡူးအတၢ် ကတိၤဒီးစံး, “ပှၤတဂၤအံၤမ့ၢ်နီၢ်နီၢ်ဝံတဂၤန့ၣ်လီၤ.”

လံာ်ယိၤဟၣ် 7:40 Iomraidhean Croise

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်ယိၤဟၣ် 1:21

ဒီးအဝဲသ့ၣ်သံကွၢ်အီၤ, “မ့မ့ၢ်ဒ်န့ၣ်ဒီးနမ့ၢ်မတၤလဲၣ်. နမ့ၢ်ဝံအ့ၤလံယၤဧါ.” ဒီးစီၤယိၤဟၣ်စံးဆၢဝဲ, “တမ့ၢ်ဘၣ်.” သံကွၢ်ကဒီးဝဲ, “နမ့ၢ်ဝံလၢယွၤကမၢလီၤဝဲန့ၣ်ဧါ.” ဒီးအဝဲဒၣ်စံးဆၢဝဲ, “တမ့ၢ်ဘၣ်.”

လံာ်ယိၤဟၣ် 4:19

ပိာ်မုၣ်န့ၣ်စံးဝဲ, “ကစၢ်ဧၢ, ယထံၣ်လၢနမ့ၢ်ဝံတဂၤန့ၣ်လီၤ.

လံာ်ယိၤဟၣ် 6:14

ပှၤဂီၢ်မုၢ်ဖဲန့ၣ်တဖၣ်ထံၣ်ဘၣ်ယ့ၣ်ၡူးမၤတၢ်လီၤလးအံၤသတး ဒီးစံးဝဲ, “အဝဲဒၣ်အံၤမ့ၢ်နီၢ်နီၢ်ဝံလၢအကဟဲဆူဟီၣ်ခိၣ် တဂၤန့ၣ်လီၤ.”

လံာ်ယိၤဟၣ် 7:12

လၢပှၤဂီၢ်မုၢ်အကျါ, ပှၤကတိၤကသွံကသွါတၢ်လၢ ယ့ၣ်ၡူးအဂ့ၢ်အကျိၤအါမးလီၤ. လၢအကျါတနီၤစံးဝဲ, “အဝဲမ့ၢ်ပှၤအဂ့ၤတဂၤလီၤ.” အဂၤတနီၤတခီစံးဝဲ, “တမ့ၢ်ဘၣ်, အဝဲမ့ၢ်ပှၤလၢအဆှၢကမၣ်ပှၤဂီၢ်မုၢ်လီၤ.”

မၤတၢ် 28:29

(စီၤပီလူးစံးတၢ်ဒ်အံၤဝံၤအလီၢ်ခံန့ၣ်, ပှၤယူဒၤဖိသ့ၣ်တဖၣ်ဟးထီၣ်, အိၣ်ဒီးတၢ်ဂ့ၢ်လိာ်ဘှီလိာ်ဆူၣ်ဆူၣ်ကလဲာ်လၢအဝဲသ့ၣ်ကဒဲကဒဲ အကျါန့ၣ်လီၤ.)