လံာ်ယိၤဟၣ် 7:4 - Sgaw Karen Common Bible

⁴ ပှၤတဂၤလၢအအဲၣ်ဒိးအမံၤဟူသၣ်ဖျါန့ၣ်, တပာ်ခူသူၣ်တၢ်လၢအဝဲမၤဝဲန့ၣ်ဘၣ်. မ့ၢ်လၢနမၤတ့ၢ်လံတၢ်တဖၣ်အံၤအဃိဒီး, ပျဲဟီၣ်ခိၣ်ဒီဘ့ၣ်သ့ၣ်ညါတၢ်ဘၣ်ဃးဒီးနၤတက့ၢ်.”

လံာ်ယိၤဟၣ် 7:4 Iomraidhean Croise

လံာ်စီၤပၤအခီၣ်ထံးတဘ့ၣ် 22:13

အကတီၢ်ဖဲန့ၣ်ပဒိၣ်လၢအလဲၤကိးန့ၢ်စီၤမံၤကါယၤစံးဘၣ်အီၤ, “ကယဲၢ်ဝံအဂၤတဖၣ်ခဲလၢာ်ကတိၤဆိပာ်ဝဲလၢစီၤပၤကမၤနၢၤ တၢ်, ဒီးနဲဒၣ်စ့ၢ်ကီးနကြၢးတဲတၢ်တမံၤဃီန့ၣ်လီၤ.”

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်မးသဲ 4:6

ဒီးစံးဝဲဒၣ်, “နမ့မ့ၢ်ကစၢ်ယွၤအဖိခွါန့ၣ်တ့ၢ်လီၤနသးတက့ၢ်. အဂ့ၢ်ဒ်အံၤ တၢ်ကွဲးအသးစံးဝဲ, ‘ကစၢ်ယွၤကမၤလိာ်အကလူးတဖၣ်လၢ ကသူၣ်ဒဲဝးတရံးနၤ ဒီးလၢအကစိာ်ထီၣ်နၤလၢအစုလိၤ, ဒ်သိးနခီၣ်ဒၣ်လဲာ်အသုတဘၣ်တိၢ်ဘၣ်ထံးဒီးလၢၢ်တဖၣ်တဂ့ၤ န့ၣ်လီၤ’ ” (စံး. ၉၁:၁၁-၁၂).

လံာ်မးသဲ 6:16

တုၤသုဒုၣ်တၢ်အီၣ်တၢ်အီဒီး, တဘၣ်မၤအုၣ်သပှီၤသုမဲာ်သၣ်ဒ် ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်မၤအုၣ်သပှီၤအမဲာ်သၣ်ဒ်သိးပှၤကညီကထံၣ်သ့ၣ်ညါလၢ အဒုၣ်တၢ်အီၣ်အဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်မးသဲ 6:5

တဘျီလၢ်လၢ်ဖဲသုဃ့ထုကဖၣ်ယွၤန့ၣ်, တဘၣ်မၤသုသးဒ်ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်အဲၣ်ဒိးဂဲၤဆၢထၢၣ်ဒီးဘါထုကဖၣ်ယွၤလၢဘူၣ်ဘျီၣ် လၢအမ့ၢ်တၢ်ဘါလီၢ်အပူၤဒီးလၢကျဲသဂၢၢ်လိာ်သးအလီၢ်တဖၣ် ဒ်သိးပှၤကထံၣ်ဘၣ်အီၤကိးဂၤဒဲးအဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်လူၤကၣ် 6:45

ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

လံာ်ယိၤဟၣ် 18:20

ယ့ၣ်ၡူးစံးဆၢတၢ်ဒီးစံးဝဲ, “ယကတိၤတၢ်ထီဘိလၢပှၤအါဂၤ အမဲာ်ညါဒီးလၢပှၤကိးဂၤဒဲးန့ၣ်လီၤ. ယတၢ်သိၣ်လိသီလိခဲလၢာ်ဘၣ်တၢ်မၤအီၤလၢဘူၣ်ဘျီၣ် လၢအမ့ၢ်တၢ်ဘါအလီၢ်အပူၤဒီးတၢ်လုၢ်ဟံၣ်အပူၤ, ဖဲပှၤယူဒၤဖိခဲလၢာ်ဟဲပာ်ဖှိၣ်အသးန့ၣ်လီၤ. ယတစံးကတိၤတၢ်လၢတၢ်ခူသူၣ်အပူၤနီတဘျီဘၣ်.

လံာ်ယိၤဟၣ် 7:3

ယ့ၣ်ၡူးအဒီပုၢ်ဝဲၢ်ခွါတဖၣ်စံးဘၣ်အီၤ, “ဟးထီၣ်လၢတၢ်လီၢ်အံၤဒီးလဲၤဆူကီၢ်ယူဒၤဒ်သိး နပျဲၢ်နဘီၣ်တဖၣ်ကထံၣ်ဘၣ်နတၢ်ဖံးတၢ်မၤတဖၣ်လၢ နမၤအီၤန့ၣ်တက့ၢ်.

လံာ်ယိၤဟၣ် 7:5

(ယ့ၣ်ၡူးအဒီပုၢ်ဝဲၢ်ခွါတဖၣ်ဒၣ်လဲာ်တနာ်အီၤဘၣ်.)