လံာ်ယိၤဟၣ် 7:34 - Sgaw Karen Common Bible

³⁴ သုကဃုယၤ, ဘၣ်ဆၣ်သုတထံၣ်န့ၢ်ယၤဘၣ်. အဂ့ၢ်မ့ၢ်လၢတၢ်လီၢ်လၢယကအိၣ်န့ၣ်, သုလဲၤတသ့ဘၣ်အဃိလီၤ.”

လံာ်ယိၤဟၣ် 7:34 Iomraidhean Croise

လံာ်ဟိၤၡ့ 5:6

အဝဲသ့ၣ်စိာ်ထီၣ်အသိဒီးအဂီၤဘုၣ်ဂီၤဖံးတဖၣ်ဒ်သိးကလုၢ်တၢ် ဆူယွၤဒ်တၢ်လုၢ်တၢ်ပာ်တဖၣ်အသိး, ဘၣ်ဆၣ်တမၤဂ့ၤအဝဲသ့ၣ်နီ တမံၤဘၣ်. အဝဲသ့ၣ်ဃုယွၤတဘၣ်ဘၣ်. အဂ့ၢ်ဒ်အံၤ, ယွၤလဲၤသဒၣ်ကွံာ်အဝဲသ့ၣ်တဖၣ်လံ.

လံာ်မးသဲ 23:39

ယစံးဘၣ်တဲဘၣ်သု, စးထီၣ်အခဲအံၤဒီးတုၤလၢအကတီၢ်ဖဲသုကစံး, ‘ပှၤလၢအဟဲလၢ ကစၢ်ယွၤအမံၤတဂၤမ်အဘၣ်တၢ်ဆိၣ်ဂ့ၤတက့ၢ်.’ န့ၣ်သုတထံၣ်လၢၤယၤဘၣ်.”

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

လံာ်ယိၤဟၣ် 7:36

အဝဲစံးဝဲလၢပကဃုထံၣ်အီၤဘၣ်ဆၣ်ပတထံၣ်န့ၢ်အီၤဘၣ်. ဒီးတၢ်လီၢ်လၢအဝဲကအိၣ်န့ၣ်ပလဲၤတသ့ဘၣ်. အတၢ်ကတိၤအံၤအခီပညီမ့ၢ်တၢ်မနုၤလဲၣ်.”