လံာ်ယိၤဟၣ် 7:32 - Sgaw Karen Common Bible

³² ပှၤဖၤရံၤၡဲတဖၣ်နၢ်ဟူပှၤဂီၢ်မုၢ်ကတိၤကသွံကသွါတၢ် ဘၣ်ဃးယ့ၣ်ၡူးအဂ့ၢ်အဃိ, အဝဲသ့ၣ်ဒီးပှၤလုၢ်တၢ်အခိၣ် အဒိၣ်တဖၣ်မၢလီၤတၢ်လုၢ်ဟံၣ်အပှၤပၢၤတၢ်ဖိတနီၤလၢ ကလဲၤဖီၣ်န့ၢ်ယ့ၣ်ၡူးအဂီၢ်လီၤ.

လံာ်ယိၤဟၣ် 7:32 Iomraidhean Croise

လံာ်မးသဲ 12:14

တၢ်န့ၣ်ဝံၤဒီးပှၤဖၤရံၤၡဲတဖၣ်ဟးထီၣ်ဒီးကူၣ်ထီၣ်ဖးလီၤ သကိးလၢအကမၤသံယ့ၣ်ၡူးအဂီၢ်လီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 26:58

စီၤပ့းတရူးပိာ်ထီၣ်အဝဲသ့ၣ်အခံလၢအယံၤ, ပၢၢ်တုၤလၢပှၤလုၢ်တၢ်အခိၣ်အဒိၣ်ကတၢၢ် အဟံၣ်အကရၢၢ်ပူၤန့ၣ် လီၤ. အဝဲလဲၤနုာ်ဆူကရၢၢ်ပူၤတၢ်လီၤပျီအလီၢ်, ဒီးဆ့ၣ်နီၤသကိးဝဲဒီးပှၤခိးတၢ်ပၢၤတၢ်ဖိတဖၣ်, ဒ်သိးကသ့ၣ်ညါတၢ်ကမၤအသးလၢခံကတၢၢ်ဒ်လဲၣ်အဂီၢ်န့ၣ်လီၤ.

လံာ်ယိၤဟၣ် 11:46

ဘၣ်ဆၣ်လၢအဝဲသ့ၣ်အကျါတနီၤက့ၤကဒါက့ၤဆူပှၤဖၤရံၤၡဲ တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်တၢ်လၢယ့ၣ်ၡူး မၤတ့ၢ်ဝဲတဖၣ်န့ၣ်လီၤ.

လံာ်ယိၤဟၣ် 12:19

တုၤနုၤတစု, ပှၤဖၤရံၤၡဲတဖၣ်ကတိၤလိာ်အသးတဂၤဒီးတဂၤ, “သုထံၣ်လံ. ပမၤတၢ်တကဲထီၣ်လိၣ်ထီၣ်နီတမံၤဘၣ်. ကွၢ်ကွၢ်, ပှၤခဲလၢာ်ပိာ်အခံလံ.”

လံာ်ယိၤဟၣ် 18:3

စီၤယူဒၤလဲၤဆူတၤသၣ်လီၢ်အံၤဒီးလဲၤကိးဃုာ်ပှၤရိမ့ၤသုးဖိ တဖုဒီးပှၤပၢၤတၢ်လုၢ်ဟံၣ်ဖိတနီၤလၢပှၤလုၢ်တၢ်အခိၣ်အဒိၣ် တဖၣ်ဒီးပှၤဖၤရံၤၡဲတဖၣ်မၢလီၤအီၤန့ၣ်လီၤ. အဝဲသ့ၣ်အိၣ်ဒီး စုကဝဲၤဒီးစိာ်ဃုာ်မ့ၣ်အူဒၢဒီးဆှိတဖၣ်န့ၣ်လီၤ.

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

မၤတၢ် 5:26

အန့ၣ်ဒီး, ပှၤပၢၤတၢ်ဖိအခိၣ်ဒီးအပှၤပၢၤတၢ်ဖိတဖၣ်လဲၤဝဲဒီးဟဲက့ၤ ကိးပှၤတၢ်မၢဖိတဖၣ်န့ၣ်လီၤ. အဝဲသ့ၣ်တမၤဆူၣ်မၤစိးတၢ်မၢဖိ တဖၣ်ဘၣ်. အဂ့ၢ်မ့ၢ်လၢအပျံၤဘၣ်ဝဲပှၤကကွံာ်ဘၣ်ဖုးအဝဲသ့ၣ် လၢလၢၢ်အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:20

လၢတၢ်န့ၣ်အဃိ, အဝဲမၢလီၤပှၤတနီၤလၢကလဲၤဖီၣ်န့ၢ်အီၤန့ၣ် လီၤ. အဝဲသ့ၣ်ထံၣ်ဝံတဖုဂဲၤကလံာ်ဒီးကိးပသူတၢ်ဃုာ်ဒီး စီၤၡမူၤအ့လးဒ်အခိၣ်အနၢ်အသိးန့ၣ်လီၤ. တုၤနုၤတစု, ယွၤအသးဟံးဃာ်စီၤစီလူးအပှၤတဖၣ်ဒီးအဝဲသ့ၣ် စးထီၣ်ဂဲၤကလံာ်ဒီးကိးပသူဝဲလီၤ.