လံာ်ယိၤဟၣ် 7:27 - Sgaw Karen Common Bible

²⁷ ဘၣ်ဆၣ်တုၤခရံာ်ဟဲဝဲန့ၣ်, ပှၤတသ့ၣ်ညါအဝဲဟဲလၢလဲၣ်နီ တဂၤန့ၣ်ဘၣ်. ဒီးအဝဲတဂၤအံၤဟဲဝဲလၢလဲၣ်န့ၣ်ပဝဲခဲလၢာ် ပသ့ၣ်ညါလီၤ.”

လံာ်ယိၤဟၣ် 7:27 Iomraidhean Croise

လံာ်ယၡါယၤ 11:1

အစီၤလိၣ်စီၤပၤအတၢ်လီၤစၢၤလီၤသွဲၣ်လၢစီၤဒၤဝံးန့ၣ်လီၤ ဂာ်ဒ်သ့ၣ်တထံးလၢအဘၣ်တၢ်ကူာ်လီၤကွံာ်အီၤအသိးလီၤ. ဘၣ်ဆၣ်ဒီး, ဒ်သ့ၣ်ဒ့အသီတဖၣ်ဟဲဒိးပဒုၣ်ထီၣ်ဝဲလၢသ့ၣ်ခိၣ် ဆၢၣ်အလိၤအသိးန့ၣ်, စီၤပၤအသီတဂၤကဟဲအိၣ်ထီၣ်ဝဲလၢစီၤဒၤ ဝံးအစၢၤအသွဲၣ်တဖၣ်အကျါန့ၣ်လီၤ.

လံာ်ယၡါယၤ 53:8

အဝဲဘၣ်တၢ်ဖီၣ်အီၤဒီးစံၣ်ညီၣ်အီၤဒီးဆှၢထီၣ်ကွံာ်အီၤလၢ တၢ်ကမၤသံအီၤအဂီၢ်လီၤ. ဒီးတၢ်မၤအသးဒီးအီၤန့ၣ်ပှၤတကနၣ်ဃုာ်နီတဂၤဘၣ်. အဝဲဘၣ်တၢ်မၤသံအီၤလၢပပှၤဂီၢ်မုၢ်အတၢ်ဒဲးဘးတဖၣ် အဃိလီၤ.

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 30:21

အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်ယိၤဟၣ် 6:42

အဝဲသ့ၣ်စံးဝဲ, “ပှၤတဂၤအံၤမ့ၢ်စီၤယိၤသးအဖိခွါယ့ၣ်ၡူး, တမ့ၢ်ဘၣ်ဧါ. ပသ့ၣ်ညါအမိၢ်ဒီးအပၢ်လီၤ. မ့မ့ၢ်ဒ်န့ၣ်ဒီး, ဘၣ်မနုၤအဃိအဝဲစံးဝဲခဲအံၤလၢအဟဲလီၤလၢမူခိၣ်န့ၣ်လဲၣ်.”

လံာ်ယိၤဟၣ် 7:15

ပှၤယူဒၤဖိအခိၣ်အနၢ်တဖၣ်ကမၢကမၣ်ဝဲဒိၣ်မးဒီးစံး, “ပှၤတဂၤအံၤတမၤလိဘၣ်တၢ်လၢပှၤယူဒၤဖိတၢ်သိၣ် တၢ်သီအသရၣ်ဒိၣ်တဖၣ်အစုပူၤသနာ်က့, သ့ၣ်ညါ တၢ်အါထဲအံၤညါန့ၣ်, ဟဲအသးဒ်လဲၣ်.”

လံာ်ယိၤဟၣ် 9:29

ပသ့ၣ်ညါလၢကစၢ်ယွၤကတိၤတၢ်ဒီးစီၤမိၤၡ့လီၤ. မ့မ့ၢ်ပှၤအဝဲတဂၤန့ၣ်ဟဲလၢလဲၣ်ဒၣ်လဲာ်ပတသ့ၣ်ညါဘၣ်.”

မၤတၢ် 8:33

အဝဲဒၣ်ဘၣ်တၢ်မၤမဲာ်ဆှးအီၤဒီးတၢ်စံၣ်ညီၣ်တီတအိၣ်ဘၣ် လၢအဂီၢ်ဘၣ်. ပှၤလၢအကစံးကတိၤဘၣ်ဃးဒီးအဝဲဒၣ် အစၢၤအသွဲၣ်အဂ့ၢ်ကသ့န့ၣ်တအိၣ်နီတဂၤဘၣ်. အဂ့ၢ်မ့ၢ်လၢတၢ်ဟံးထီၣ်ကွံာ်အသးသမူလၢဟီၣ်ခိၣ်အံၤ အဃိန့ၣ်လီၤ.”