လံာ်ယိၤဟၣ် 7:23 - Sgaw Karen Common Bible

²³ ပှၤတဂၤမ့ၢ်ဘၣ်တၢ်ကူးတရံးအီၤလၢမုၢ်အိၣ်ဘှံးနံၤဒ်သိး စီၤမိၤၡ့အတၢ်သိၣ်တၢ်သီဘၣ်ဃးတၢ်ကူးတရံးအံၤအသု တဘၣ်တၢ်လုၣ်သ့ၣ်ခါပတာ်အီၤတဂ့ၤဒီး, ဘၣ်မနုၤအဃိသုသးဒိၣ်ယၤလၢယမၤဘျါက့ၤပှၤတဂၤ ဂ့ၤဂ့ၤဘၣ်ဘၣ်လၢမုၢ်အိၣ်ဘှံးအနံၤန့ၣ်လဲၣ်.

လံာ်ယိၤဟၣ် 7:23 Iomraidhean Croise

လံာ်တၢ်ဟးထီၣ်ကွံာ် 31:14

သုဘၣ်ပာ်စီဆှံမုၢ်အိၣ်ဘှံးအနံၤလီၤ. အဂ့ၢ်ဒ်အံၤ, စီဆှံဝဲလီၤ. ပှၤတဂၤလၢ်လၢ်လၢအတပာ်စီဆှံအီၤ, ဒီးမၤတၢ်လၢမုၢ်တနံၤန့ၣ်, ကဘၣ်တၢ်မၤသံအီၤန့ၣ်လီၤ.

လံာ်မးသဲ 12:10

ဖဲပှၤလၢအစုသံတခီပၤတဂၤအိၣ်ဝဲန့ၣ်လီၤ. ပှၤအိၣ်ဝဲဖဲန့ၣ်တနီၤလၢအသးအိၣ်ပာ်တၢ်ကမၣ်လၢယ့ၣ်ၡူး အလိၤအဃိသံကွၢ်အီၤဒီးစံး, “တၢ်မၤဘျါတၢ်လၢမုၢ်အိၣ်ဘှံးနံၤန့ၣ်, မ့ၢ်အထီဒါပတၢ်သိၣ်တၢ်သီဧါ.”

လံာ်မးသဲ 12:2

တုၤပှၤဖၤရံၤၡဲတဖၣ်ထံၣ်တၢ်အံၤဒီးအဝဲသ့ၣ်စံးဘၣ်ယ့ၣ်ၡူး, “ကွၢ်တက့ၢ်. နပျဲၢ်နဘီၣ်တဖၣ်မၤတၢ်အံၤလၢမုၢ်အိၣ်ဘှံးနံၤန့ၣ်မ့ၢ်တၢ်လၢ အထီဒါပတၢ်သိၣ်တၢ်သီလီၤ.”

လံာ်မးသဲ 12:5

လၢမုၢ်အိၣ်ဘှံးအနံၤန့ၣ်, ပှၤလုၢ်တၢ်အဒိၣ်တဖၣ်လုၢ်ထီၣ်တၢ်ဒီး လုၣ်သ့ၣ်ခါပတာ်မုၢ်အိၣ်ဘှံးအနံၤအတၢ်သိၣ်တၢ်သီ, ဘၣ်ဆၣ်ဒီး အတၢ်ကမၣ်တအိၣ်ဘၣ်န့ၣ်မ့ၢ်သုတဖးဘၣ် လၢစီၤမိၤၡ့အတၢ်သိၣ်တၢ်သီအပူၤဘၣ်ဧါ.

လံာ်ယိၤဟၣ် 5:10

တၢ်မၤအသးအံၤဘၣ်ဝဲလၢပှၤယူဒၤဖိအမုၢ်အိၣ်ဘှံးနံၤ အဃိ, ပှၤယူဒၤဖိအခိၣ်အနၢ်တဖၣ်စံးဘၣ်ပှၤလၢအဘျါက့ၤ တဂၤန့ၣ်, “တနံၤအံၤမ့ၢ်မုၢ်အိၣ်ဘှံးနံၤအဃိ, နဟးစိာ်နလီၢ် မံအံၤန့ၣ်ထီဒါပတၢ်သိၣ်တၢ်သီလီၤ.”

လံာ်ယိၤဟၣ် 7:21

ယ့ၣ်ၡူးစံးဆၢတၢ်ဒီးစံးဝဲ, “ယမၤတၢ်လီၤလးတမံၤ, ဒီးသုကမၢကမၣ်ဘၣ်သုသးကိးဂၤဒဲးလီၤ.

လံာ်ယိၤဟၣ် 9:16

ပှၤဖၤရံၤၡဲတနီၤစံးဝဲ, “ပှၤတဂၤလၢအမၤတၢ်တမံၤအံၤ တမ့ၢ်ပှၤဟဲလၢကစၢ်ယွၤအအိၣ်ဘၣ်. အဂ့ၢ်မ့ၢ်လၢ အဝဲတစူၢ်မုၢ်အိၣ်ဘှံးနံၤအတၢ်သိၣ်တၢ်သီအဃိလီၤ.” မ့မ့ၢ်အဂၤတနီၤစံးဝဲ, “ပှၤတဂၤလၢအမ့ၢ်ပှၤတၢ်ဒဲးဘးဖိန့ၣ်, မၤတၢ်လီၤလးဒ်သိးအံၤတဖၣ်ကသ့ဝဲလၢကျဲဒ်လဲၣ်.” ဒီးတၢ်လီၤမုၢ်လီၤဖးအိၣ်ထီၣ်လၢအဝဲသ့ၣ်အသိးအကျါလီၤ.