လံာ်ယိၤဟၣ် 7:15 - Sgaw Karen Common Bible

¹⁵ ပှၤယူဒၤဖိအခိၣ်အနၢ်တဖၣ်ကမၢကမၣ်ဝဲဒိၣ်မးဒီးစံး, “ပှၤတဂၤအံၤတမၤလိဘၣ်တၢ်လၢပှၤယူဒၤဖိတၢ်သိၣ် တၢ်သီအသရၣ်ဒိၣ်တဖၣ်အစုပူၤသနာ်က့, သ့ၣ်ညါ တၢ်အါထဲအံၤညါန့ၣ်, ဟဲအသးဒ်လဲၣ်.”

လံာ်ယိၤဟၣ် 7:15 Iomraidhean Croise

လံာ်ယၡါယၤ 29:12

သုမ့ၢ်ဟ့ၣ်လီၤအီၤဆူပှၤတဂၤဂၤလၢအဖးလံာ်တသ့ဒီးမၢအီၤလၢ အကဖးန့ၢ်သုန့ၣ်, အဝဲကစံးဆၢဝဲလၢယဖးလံာ်တသ့ဘၣ်န့ၣ်လီၤ.

လံာ်မးသဲ 13:54

အဝဲက့ၤကဒါဝဲဆူဝ့ၢ်နစၤရ့း, ဒီးသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤလီၤ. ပှၤလၢအနၢ်ဟူအတၢ်သိၣ်လီၤသီလီၤတဖၣ် ကမၢကမၣ်ဝဲဒီးစံး, “ပှၤအံၤလဲၤမၤန့ၢ်အတၢ်ကူၣ်ဘၣ်ကူၣ်သ့ ဒီးတၢ်စိတၢ်ကမီၤလၢအကမၤတၢ်လီၤလးတဖၣ်အံၤဖဲလဲၣ်.

လံာ်မးသဲ 22:22

တုၤအဝဲသ့ၣ်နၢ်ဟူတၢ်အံၤဒီး, ကမၢကမၣ်ဝဲဒိၣ်မး, ဒီးဟးထီၣ်ကွံာ်လၢယ့ၣ်ၡူးအအိၣ်, ဒီးက့ၤက့ၤဝဲလီၤ.

လံာ်မးသဲ 22:33

တုၤပှၤဂီၢ်မုၢ်တဖၣ်နၢ်ဟူတၢ်အံၤဒီး, အဝဲသ့ၣ်ကမၢကမၣ်ဝဲဒိၣ်မးလၢယ့ၣ်ၡူးအတၢ်သိၣ်လီၤသီလီၤ အဃိလီၤ.

လံာ်လူၤကၣ် 2:47

ကယဲၢ်ပှၤလၢအနၢ်ဟူဘၣ်အဝဲအတၢ်စံးတၢ်ကတိၤတဖၣ်န့ၣ်, ကမၢကမၣ်ဝဲလၢအတၢ်စံးဆၢလၢအပှဲၤဒီးတၢ်ကူၣ်ဘၣ်ကူၣ်သ့, တၢ်သ့ၣ်ညါနၢ်ပၢၢ်တဖၣ်အဃိလီၤ.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”

လံာ်ယိၤဟၣ် 1:19

ဖဲပှၤယူဒၤဖိအခိၣ်အနၢ်လၢယရူၤၡလ့ၣ်တဖၣ် မၢလီၤပှၤလုၢ်တၢ်အခိၣ်ဒီးပှၤလ့ၤဝံဖိတဖၣ်ဆူ စီၤယိၤဟၣ်အအိၣ်ဒ်သိးကသံကွၢ်အီၤ, “နမ့ၢ်မတၤလဲၣ်.” န့ၣ်ဒီး အဝဲအတၢ်အုၣ်အသးမ့ၢ်အအံၤန့ၣ်လီၤ.

လံာ်ယိၤဟၣ် 7:11

ပှၤယူဒၤဖိအခိၣ်အနၢ်တဖၣ်လူၤဃုအီၤဖဲဘူၣ်ပူၤဒီးသံကွၢ် တၢ်ဒီးစံးဝဲ, “အဝဲအိၣ်ဖဲလဲၣ်.”

လံာ်ယိၤဟၣ် 7:13

ဘၣ်ဆၣ်ပှၤကတိၤတၢ်လၢယ့ၣ်ၡူးအဂ့ၢ်ဖျိဖျိဖျါဖျါ တဘူၣ်နီတဂၤဘၣ်. မ့ၢ်လၢအဝဲသ့ၣ်ပျံၤပှၤယူဒၤဖိ အခိၣ်အနၢ်တဖၣ်အဃိလီၤ.

လံာ်ယိၤဟၣ် 7:46

တၢ်လုၢ်ဟံၣ်အပှၤပၢၤတၢ်ဖိတဖၣ်စံးဆၢတၢ်ဒီးစံးဝဲ, “ပှၤကတိၤတၢ်ဒ်ပှၤတဂၤအံၤအသိးတအိၣ်နီတဂၤဒံးဘၣ်.”

မၤတၢ် 26:24

ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:11

ပှၤဂီၢ်မုၢ်လၢအသ့ၣ်ညါတ့ၢ်အီၤလၢညါတဖၣ်ထံၣ်အမၤတၢ်အံၤဒီး သံကွၢ်လိာ်အသးတဂၤဒီးတဂၤ, “တၢ်မၤအသးဒီးစီၤကံၣ်အဖိခွါဒ်လဲၣ်. မ့ၢ်စီၤစီလူးကဲထီၣ်ဝံတဂၤလံဧါ.”