လံာ်ယိၤဟၣ် 7:13 - Sgaw Karen Common Bible

¹³ ဘၣ်ဆၣ်ပှၤကတိၤတၢ်လၢယ့ၣ်ၡူးအဂ့ၢ်ဖျိဖျိဖျါဖျါ တဘူၣ်နီတဂၤဘၣ်. မ့ၢ်လၢအဝဲသ့ၣ်ပျံၤပှၤယူဒၤဖိ အခိၣ်အနၢ်တဖၣ်အဃိလီၤ.

လံာ်ယိၤဟၣ် 7:13 Iomraidhean Croise

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယိၤဟၣ် 19:38

တၢ်တဖၣ်အံၤအလီၢ်ခံ, စီၤယိၤသးလၢဝ့ၢ်အရံၤမၤသဲဃ့စီၤပံၤလးလၢ ကက့ၤစိာ်ယ့ၣ်ၡူးအစိၣ်အဂီၢ်န့ၣ်လီၤ. (စီၤယိၤသးအံၤမ့ၢ်ပှၤပိာ်ယ့ၣ်ၡူးအခံလၢတၢ်ခူသူၣ်အပူၤတဂၤ, မ့ၢ်လၢအဝဲပျံၤပှၤယူဒၤဖိအခိၣ်အနၢ်တဖၣ်အဃိန့ၣ်လီၤ.) စီၤပံၤလးဟ့ၣ်အီၤအခွဲးအဃိ, အဝဲဟံးန့ၢ်ယ့ၣ်ၡူးအစိၣ်ဒီး က့ၤစိာ်ဝဲန့ၣ်လီၤ.

လံာ်ယိၤဟၣ် 20:19

ဖဲမုၢ်ခီၣ်ထံးနံၤမုၢ်ဟါလီၤတ့ၢ်လံအကတီၢ်န့ၣ်, အပျဲၢ်အဘီၣ်တဖၣ်ပာ်ဖှိၣ်ထီၣ်အသးဒီးမ့ၢ်လၢ အဝဲသ့ၣ်ပျံၤဘၣ်ပှၤယူဒၤဖိအခိၣ်အနၢ်တဖၣ်အဃိ, တြဲၤတဖၣ်ဘၣ်တၢ်ကးတံာ်ဃာ်အီၤလီၤ. တုၤနုၤတစုယ့ၣ်ၡူးဟဲဒီးအိၣ်ဆၢထၢၣ်လၢအဝဲသ့ၣ်အသိး အကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 3:2

ဘၣ်တနၤအဝဲလဲၤဆူယ့ၣ်ၡူးအအိၣ်ဒီးစံးဘၣ်အီၤ, “ရၤဘံဧၢ, ပသ့ၣ်ညါလၢနမ့ၢ်သရၣ်လၢအဟဲလၢ ကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, တၢ်လီၤလးတဖၣ်လၢနမၤန့ၣ်, ကစၢ်ယွၤအိၣ်တ့ၢ်ဒီးနၤအဃိဒီးနမၤနဲသ့ဝဲန့ၣ်လီၤ.”

လံာ်ယိၤဟၣ် 7:1

တၢ်အံၤဝံၤအလီၢ်ခံဒီး, ယ့ၣ်ၡူးဟးဝ့ၤဝီၤဝဲလၢကီၢ်ကၤလံၤလါ အပူၤလီၤ. မ့ၢ်လၢပှၤယူဒၤဖိအခိၣ်အနၢ်တဖၣ်ဃုမၤသံအီၤ အဃိ, အဝဲတသးအိၣ်ဟးဝ့ၤဝီၤလၢကီၢ်ယူဒၤအပူၤန့ၣ်ဘၣ်.

လံာ်ယိၤဟၣ် 7:11

ပှၤယူဒၤဖိအခိၣ်အနၢ်တဖၣ်လူၤဃုအီၤဖဲဘူၣ်ပူၤဒီးသံကွၢ် တၢ်ဒီးစံးဝဲ, “အဝဲအိၣ်ဖဲလဲၣ်.”

လံာ်ယိၤဟၣ် 7:15

ပှၤယူဒၤဖိအခိၣ်အနၢ်တဖၣ်ကမၢကမၣ်ဝဲဒိၣ်မးဒီးစံး, “ပှၤတဂၤအံၤတမၤလိဘၣ်တၢ်လၢပှၤယူဒၤဖိတၢ်သိၣ် တၢ်သီအသရၣ်ဒိၣ်တဖၣ်အစုပူၤသနာ်က့, သ့ၣ်ညါ တၢ်အါထဲအံၤညါန့ၣ်, ဟဲအသးဒ်လဲၣ်.”

လံာ်ယိၤဟၣ် 9:22

အမိၢ်အပၢ်တဖၣ်စံးဆၢတၢ်ဒ်အံၤမ့ၢ်လၢအပျံၤပှၤယူဒၤဖိအခိၣ် အနၢ်တဖၣ်လၢအပာ်လီၤတ့ၢ်လံအသးလၢပှၤတဂၤလၢ်လၢ်လၢ အစံးလၢအနာ်ယ့ၣ်ၡူးမ့ၢ်ခရံာ်န့ၣ်, ကဘၣ်တၢ်ဟီထီၣ်ကွံာ်အီၤလၢဘူၣ်ဘျီၣ်ပူၤအဃိန့ၣ်လီၤ.

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.