လံာ်ယိၤဟၣ် 7:12 - Sgaw Karen Common Bible

¹² လၢပှၤဂီၢ်မုၢ်အကျါ, ပှၤကတိၤကသွံကသွါတၢ်လၢ ယ့ၣ်ၡူးအဂ့ၢ်အကျိၤအါမးလီၤ. လၢအကျါတနီၤစံးဝဲ, “အဝဲမ့ၢ်ပှၤအဂ့ၤတဂၤလီၤ.” အဂၤတနီၤတခီစံးဝဲ, “တမ့ၢ်ဘၣ်, အဝဲမ့ၢ်ပှၤလၢအဆှၢကမၣ်ပှၤဂီၢ်မုၢ်လီၤ.”

လံာ်ယိၤဟၣ် 7:12 Iomraidhean Croise

လံာ်မးသဲ 10:25

လၢတၢ်န့ၣ်အဃိပျဲၢ်မ့ၢ်ဂ့ၤ, ကုၢ်မ့ၢ်ဂ့ၤ, ကြၢးသးမံဝဲဖဲအလီၤဂာ်ဒီးအသရၣ်မ့ၢ်ဂ့ၤ, အကစၢ်မ့ၢ်ဂ့ၤန့ၣ်လီၤ. ပှၤမ့ၢ်ကိးဟံၣ်အကစၢ်လၢ ဘဧၤလးစဘူာ်ဒီး, ကကိးအပှၤဟံၣ်ဖိဃီဖိအါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်မးသဲ 21:46

လၢတၢ်န့ၣ်အဃိ, အဝဲသ့ၣ်ဂုာ်ကျဲးစၢးဒ်သိးကဖီၣ်ဒီးဟံးဃာ်အီၤန့ၣ်လီၤ. ဘၣ်ဆၣ်, ပျံၤဝဲပှၤဂီၢ်မုၢ်တဖၣ်လၢအပာ်ယ့ၣ်ၡူးဒ်ဝံတဂၤအသိးန့ၣ်လီၤ.

လံာ်မးသဲ 27:63

ဒီးစံး, “တၢ်ဒိၣ်ဧၢ, ပသ့ၣ်နီၣ်ထီၣ်လၢပှၤလီတၢ်ဖိတဂၤန့ၣ်, ဖဲအမူဒံးအခါစံးတ့ၢ်ဝဲ, ‘သၢသီတသီန့ၣ်ယကဂဲၤဆၢထၢၣ်သမူထီၣ်က့ၤလီၤ.’

လံာ်လူၤကၣ် 18:19

ယ့ၣ်ၡူးသံကွၢ်အီၤ, “ဘၣ်မနုၤအဃိနကိးယၤလၢပှၤအဂ့ၤလဲၣ်. ပှၤအဂ့ၤတအိၣ်နီတဂၤဘၣ်, အိၣ်ထဲကစၢ်ယွၤတဂၤဧိၤလီၤ.

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

လံာ်လူၤကၣ် 23:50

ပှၤအိၣ်ဝဲဒၣ်တဂၤလၢအမံၤမ့ၢ်စီၤယိၤသးလၢဝ့ၢ်အရံၤမၤသဲ ဘၣ်ဃးဒီးကီၢ်ယူဒၤန့ၣ်လီၤ. အဝဲဒၣ်မ့ၢ်ပှၤအဂ့ၤအဝါဒီးအတီ အလိၤတဂၤ, လၢအအိၣ်ခိးကွၢ်လၢ်ယွၤအဘီအမုၢ်အတၢ်ဟဲန့ၣ်လီၤ. အဝဲမ့ၢ်ကီၣ်ကးအကရၢဖိတဂၤသနာ်က့, တဘၣ်သူၣ်ဘၣ်သးလၢအဝဲသ့ၣ်အတၢ်အၢၣ်လီၤစံၣ်ညီၣ် ဒီးအတၢ်ဖံးတၢ်မၤတဖၣ်ဘၣ်လီၤ.

လံာ်လူၤကၣ် 6:45

ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

လံာ်လူၤကၣ် 7:16

ပှၤကိးဂၤဒဲးပှဲၤဒီးတၢ်ပျံၤတၢ်ဖုး, ဒီးစံးထီၣ်တြၢၤကစၢ်ယွၤဒီးစံးဝဲ, “ဝံဖးဒိၣ်တဂၤဟဲအိၣ်ဖျါထီၣ်လၢပသိးပကျါလံ. ဒီး, ကစၢ်ယွၤဟဲဝဲဒ်သိးအကအုၣ်က့ၤခီၣ်က့ၤအပှၤဂီၢ်မုၢ်လံ.”

လံာ်ယိၤဟၣ် 6:14

ပှၤဂီၢ်မုၢ်ဖဲန့ၣ်တဖၣ်ထံၣ်ဘၣ်ယ့ၣ်ၡူးမၤတၢ်လီၤလးအံၤသတး ဒီးစံးဝဲ, “အဝဲဒၣ်အံၤမ့ၢ်နီၢ်နီၢ်ဝံလၢအကဟဲဆူဟီၣ်ခိၣ် တဂၤန့ၣ်လီၤ.”

လံာ်ယိၤဟၣ် 7:32

ပှၤဖၤရံၤၡဲတဖၣ်နၢ်ဟူပှၤဂီၢ်မုၢ်ကတိၤကသွံကသွါတၢ် ဘၣ်ဃးယ့ၣ်ၡူးအဂ့ၢ်အဃိ, အဝဲသ့ၣ်ဒီးပှၤလုၢ်တၢ်အခိၣ် အဒိၣ်တဖၣ်မၢလီၤတၢ်လုၢ်ဟံၣ်အပှၤပၢၤတၢ်ဖိတနီၤလၢ ကလဲၤဖီၣ်န့ၢ်ယ့ၣ်ၡူးအဂီၢ်လီၤ.

လံာ်ယိၤဟၣ် 7:47

အန့ၣ်ဒီး ပှၤဖၤရံၤၡဲတဖၣ်သံကွၢ်အဝဲသ့ၣ်, “မ့ၢ်အဝဲဆှၢကမၣ် သုစ့ၢ်ကီးလံဧါ.

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

လံာ်ယိၤဟၣ် 9:16

ပှၤဖၤရံၤၡဲတနီၤစံးဝဲ, “ပှၤတဂၤလၢအမၤတၢ်တမံၤအံၤ တမ့ၢ်ပှၤဟဲလၢကစၢ်ယွၤအအိၣ်ဘၣ်. အဂ့ၢ်မ့ၢ်လၢ အဝဲတစူၢ်မုၢ်အိၣ်ဘှံးနံၤအတၢ်သိၣ်တၢ်သီအဃိလီၤ.” မ့မ့ၢ်အဂၤတနီၤစံးဝဲ, “ပှၤတဂၤလၢအမ့ၢ်ပှၤတၢ်ဒဲးဘးဖိန့ၣ်, မၤတၢ်လီၤလးဒ်သိးအံၤတဖၣ်ကသ့ဝဲလၢကျဲဒ်လဲၣ်.” ဒီးတၢ်လီၤမုၢ်လီၤဖးအိၣ်ထီၣ်လၢအဝဲသ့ၣ်အသိးအကျါလီၤ.

မၤတၢ် 11:24

စီၤဘၢ်နါဘၤမ့ၢ်ပှၤဂ့ၤပှၤဝါတဂၤလၢအလၢပှဲၤဒီးသးစီဆှံ ဒီးတၢ်စူၢ်တၢ်နာ်လီၤ. ဒီးပှၤအါဂၤဘၣ်တၢ်ဆှၢက့ၤအီၤဆူကစၢ် အအိၣ်န့ၣ်လီၤ.

ရိမ့ၤ 5:7

ပှၤတဂၤကတူၢ်သံအသးလၢပှၤအတီအလိၤတဂၤအဂီၢ် န့ၣ်, မ့ၢ်တၢ်ကီတၢ်ခဲတမံၤလီၤ. ဘၣ်ဆၣ်ဒီးလၢပှၤအဂ့ၤ တဂၤအဂီၢ်န့ၣ်, ဘၣ်သ့ၣ်သ့ၣ်ပှၤကအိၣ်ဝဲတဂၤဂၤလၢ အတူၢ်သံအသးကဘူၣ်န့ၣ်လီၤ.

ဖံလံးပံၤ 2:14

ဖဲသုဖံးတၢ်မၤတၢ်တမံၤလၢ်လၢ်န့ၣ်တဘၣ်အိၣ်ဒီးတၢ်ကဒူး ကဒ့ၣ်ဒီးတၢ်ဂ့ၢ်လိာ်ဘှီလိာ်တဂ့ၤ.