လံာ်ယိၤဟၣ် 6:71 - Sgaw Karen Common Bible

⁷¹ ယ့ၣ်ၡူးကတိၤတၢ်အံၤဘၣ်ဃးစီၤၡံမိၣ်အံၣ်စကၤရံၤအိာ် အဖိခွါစီၤယူဒၤန့ၣ်လီၤ. အဝဲမ့ၢ်အပျဲၢ်အဘီၣ်တဆံခံဂၤ အကျါတဂၤသနာ်က့, ကသမၢယ့ၣ်ၡူးဒီးဟ့ၣ်လီၤကွံာ်အီၤ န့ၣ်လီၤ.

လံာ်ယိၤဟၣ် 6:71 Iomraidhean Croise

စံးထီၣ်ပတြၢၤ 41:9

ယတံၤသကိးအဂ့ၤကတၢၢ်, ပှၤလၢယနာ်န့ၢ်အီၤအဒိၣ်ကတၢၢ် လၢယဟ့ၣ်နီၤလီၤအီၤယတၢ်အီၣ်တဂၤဒၣ်လဲာ်, ထီဒါက့ၤယၤလီၤ.

လံာ်မးသဲ 10:2

အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

လံာ်မးသဲ 10:4

ပှၤအဲၣ်အထံအကီၢ်စီၤၡံမိၣ်ဒီး စီၤယူဒၤအံၣ်စကၤရံၤအိာ်လၢ အဟ့ၣ်လီၤကွံာ်ယ့ၣ်ၡူးလီၤ.

လံာ်မၢ်ကူး 14:10

အန့ၣ်ဝံၤ စီၤယူဒၤအံၣ်စကၤရံၤအိာ်လၢအမ့ၢ်အပျဲၢ်အဘီၣ် တဆံခံဂၤအကျါတဂၤန့ၣ်, လဲၤဝဲဆူပှၤလုၢ်တၢ်အခိၣ်အဒိၣ်တဖၣ်အအိၣ်ဒ်သိးအကဟ့ၣ် လီၤကွံာ်ယ့ၣ်ၡူးဆူအဝဲသ့ၣ်အစုပူၤအဂီၢ်န့ၣ်လီၤ.

လံာ်ယိၤဟၣ် 12:4

ယ့ၣ်ၡူးအပျဲၢ်အဘီၣ်အကျါ, စီၤယူဒၤအံၣ်စကၤရံၤအိာ်လၢ အကဟ့ၣ်လီၤကွံာ်အီၤတဂၤစံးဝဲ,

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်ယိၤဟၣ် 13:26

ယ့ၣ်ၡူးစံးဆၢတၢ်ဒီးစံးဝဲ, “ယကဘျၢလီၤကိၣ်လၢလီခီပူၤဒီးပှၤလၢယဟ့ၣ်လီၤအီၤ တဂၤန့ၣ်, မ့ၢ်ပှၤအဝဲန့ၣ်လီၤ. ထဲန့ၣ်ဒီးအဝဲဟံးန့ၢ်ကိၣ်, ဘျၢလီၤအီၤလၢလီခီပူၤဝံၤဟ့ၣ်လီၤဝဲစီၤယူဒၤလၢအမ့ၢ် စီၤၡံမိၣ်အံၣ်စကၤရံၤအိာ်အဖိခွါန့ၣ်လီၤ.

လံာ်ယိၤဟၣ် 2:2

ယ့ၣ်ၡူးဒီးအပျဲၢ်အဘီၣ်တဖၣ်ဘၣ်တၢ်ကွဲစ့ၢ်ကီးအီၤဆူမူး တမူးအံၤန့ၣ်လီၤ.

လံာ်ယိၤဟၣ် 20:24

ဖဲယ့ၣ်ၡူးဟဲဝဲန့ၣ်, စီၤသိၤမါ (လၢအဘၣ်တၢ်ကိးအီၤလၢပှၤ သဃံာ်) လၢအမ့ၢ်အပျဲၢ်အဘီၣ်တဆံခံဂၤအကျါတဂၤန့ၣ်, တအိၣ်လၢအဝဲသ့ၣ်အသိးအကျါဘၣ်.

လံာ်ယိၤဟၣ် 6:64

သုဝဲတနီၤနီၤသုတနာ်ယၤဘၣ်.” (ပှၤတဖၣ်လၢ အတစူၢ်က့ၤနာ်က့ၤတၢ်ဘၣ်ဒီးပှၤတဂၤလၢအကဟ့ၣ် လီၤကွံာ်အီၤန့ၣ်, ယ့ၣ်ၡူးသ့ၣ်ညါဝဲလၢအခီၣ်ထံးလံၤလံၤလီၤ.)

လံာ်ယိၤဟၣ် 6:70

ယ့ၣ်ၡူးစံးဆၢအဝဲသ့ၣ်, “ယဃုထၢသုဝဲတဆံခံဂၤ တမ့ၢ်ဘၣ်ဧါ. အန့ၣ်ဒၣ်လဲာ်ပှၤလၢသုကျါတဂၤန့ၣ်မ့ၢ် မုၣ်ကီၤလံၢ်လီၤ.”

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

ယူဒၤ 1:4

အဂ့ၢ်ဒ်လဲၣ်န့ၣ်, ပှၤလၢအတယူးတယီၣ်ယွၤတဖၣ်ဟဲနုာ်လီၤခူသူၣ်တ့ၢ်လံလၢပကျါ, ဒီးမ့ၢ်ပှၤတဖၣ်လၢအဘိးကဒါကွံာ်တၢ်ကစီၣ်ဘၣ်ဃး ပကစၢ်ယွၤအဘျုးအဖှိၣ်ဒ်သိးကကတိၤပူၤဖျဲးအသးလၢ အတၢ်အိၣ်မူလီၤရၢၢ်လီၤစၢၢ်, ဒီးမ့ၢ်ပှၤတဖၣ်လၢအသမၢ ယ့ၣ်ၡူးခရံာ်, ပခိၣ်ဒီးပကစၢ်ထဲတဂၤဧိၤန့ၣ်လီၤ. တၢ်ကွဲးအသးစီဆှံတဖၣ်တဲဆိပာ်တၢ်စံၣ်ညီၣ်ဃၣ်လၢ အဝဲသ့ၣ်ဒိးန့ၢ်ဝဲအဂ့ၢ်ယံာ်တ့ၢ်လံန့ၣ်လီၤ.